ប្រធានាធិបតីអាមេរិក លោក Donald Trump

ក្រៅពីនោះ លោកក៏បានសំដែងនូវការទន្ទឹងរង់ចាំគ្រោងនឹងជួបជាមួយប្រធានរដ្ឋចិន លោក Xi JinPing ដើម្បីជួយឲ្យភាគីទាំងពីរឈានដល់ការឯកភាពគ្នាលើចំណុចមួយចំនួនក្នុងកិច្ចព្រមព្រៀងនេះ។ លោក Donald Trump បានអះអាងថា គណៈប្រតិភូចរចារអាមេរិក នាថ្ងៃដែលមានវត្តមាននៅទីក្រុងប៉េកាំង មុនពេលរៀបចំជំនួបកំពូលនេះ សំដៅសម្រេចឲ្យបាននូវកិច្ចព្រមព្រៀងពាណិជ្ជកម្ម មុនកាលកំណត់ចុងក្រោយនៃកិច្ចព្រមព្រៀងផ្អាកសង្គ្រាមនាថ្ងៃទី    ១ ខែមិនាខាងមុខ។ យោងតាមលោក  Donald Trump  បានឲ្យដឹងថា ប្រសិនបើភាគីទាំងពីរអាចខិតជិតមកដល់ការសម្រេចបាននូវកិច្ចព្រមព្រៀងមួយ លោកនឹង ពិចារណាលើការពន្យាពេលសំរាប់កាលកំណត់ចុងក្រោយនេះផងដែរ។ ប្រសិនបើភាគីទាំងពីរមិនអាចសម្រេចបានកិច្ចព្រមព្រៀងមុនថ្ងៃទី១ខែមិនាខាងមុខនោះ អាមេរិកអាចដំឡើងពន្ធពី ១០% ដល់ ២៥% លើទំនិញនាំចូលពីចិនដោយមានទឹកប្រាក់ឡើងដល់ ២០០ ពាន់ដុល្លាអាមេរិក។ ក្នុងនោះ ចិនមានលទ្ធភាពច្រើន នឹងវាយពន្ធតបតវិញក្នុងទឹកប្រាក់ចំនួន ៦០ ពាន់លានដុល្លាអាមេរិកលើទំនិញអាមេរិកផងដែរ៕