ទាហានអ៊ុយក្រែននិងអាមេរិកក្នុងការធ្វើសមយុទ្ធរួមដែលមានឈ្មោះថា Rapid Trident

ការធ្វើសមយុទ្ធមានឈ្មោះថា Rapid Trident បានប្រព្រឹត្តទៅនៅភូមិ Starychi ភាគខាងលិច ប្រទេសអ៊ុយក្រែនដោយមានការចូលរួមរបស់ទាហានប្រមាណ ២២០០ នាក់ មកពីបណ្តាប្រទេសចំនួន ១៤ ហើយនឹងអូសបន្លាយរហូតមកដល់ ថ្ងៃទី ១៥ ខែកញ្ញា ។ ថ្លែងមតិក្នុងការធ្វើសមយុទ្ធនេះ ឯកអគ្គរដ្ឋទូតសហរដ្ឋ អាមេរិកប្រចាំ នៅអ៊ុយក្រែន លោកស្រី Marie Yovanovitch បានឲ្យដឹងថា «បណ្តាប្រទេសចូលរួមនៅក្នុងការធ្វើសមយុទ្ធនេះ បានបង្ហាញឲ្យឃើញពីចំណង សាមគ្គី ភាពជាមួយ អ៊ុយក្រែន ដើម្បីសន្តិសុខ អធិបតេយ្យភាព និងបូរណភាព ដែនដី របស់អ៊ុយក្រែន"។ ដោយបានគ្រោងទុកថា មានប្រមាណមធ្យោបាយ យោធាចំនួន ៣៥០ គ្រឿង នឹងត្រូវបានប្រើប្រាស់ក្នុងការធ្វើសមយុទ្ធនេះ ផងដែរ៕