អ៊ីរ៉ង់អះអាងជាថ្មីម្តងទៀតមិនផលិតកាំជ្រួចដែលយកក្បាលគ្រាប់នុយក្លេអ៊ែរ

(VOVworld) – នាថ្ងៃទី ២៨ កក្កដា រដ្ឋមន្ត្រីការបរទេសអ៊ីរ៉ង់ លោក Mohammad Javad Zarif បានប្រកាសថា៖ ប្រទេសនេះមិនផលិតបណ្ដាកាំជ្រួចដែលនាំយកក្បាលគ្រាប់នុយក្លេអ៊ែរទេព្រមទាំងអះអាងជាថ្មីម្តងទៀតនូវកិច្ចសន្យារបស់ Tehran ចំពោះកិច្ចព្រម ព្រៀងនុយក្លេអ៊ែរប្រវត្តិសាស្ត្រដែលសាធារណៈរដ្ឋឥស្លាមអ៊ីរ៉ង់បានចុះហត្ថលេខាជាមួយមហាអំណាចចំនួន ៦ នាខែកក្កដាឆ្នាំ ២០១៥។ សេចក្តីជូនដំណឹងពោលខាងលើត្រូវបាននាំចេញនាថ្ងៃដដែលរដ្ឋាភិបាលអាមេរិកបានដាក់ទណ្ឌកម្មថ្មីតម្រង់ទៅលើអ៊ីរ៉ង់សំដៅឆ្លើយតបតវិញការដែលសាធារណៈរដ្ឋឥស្លាមនេះបាញ់កាំជ្រួចនាថ្ងៃទី ២៧ កក្កដា។ រដ្ឋមន្ត្រីហិរញ្ញវត្ថុអាមេរិក លោក Steven Mnuchin បានអះអាងថា៖ អាមេរិក នឹងបន្តអនុវត្តជំហានសំដៅរារាំងកម្មវិធីកាំជ្រួចមីស៊ីលរបស់ Tehran៕