 |
| ជំរុញទំនាក់ទំនងសន្ទនាអាស៊ាន-កូរ៉េខាងត្បូង (vietnamplus.vn) |
Vovworld-សន្និសីទជាន់ខ្ពស់រំលឹកខួបលើកទី២៥នៃទំនាក់ទំនងសន្ទនា
អាស៊ាន-កូរ៉េខាងត្បូងដោយប្រធានបទ កសាងទំនុកទុកចិត្តបង្កើតសុភមង្គល។
សន្និសីទបានប្រមូលផ្ដុំកំណត់ទិសដៅនៃទំនាក់ទំនងសន្ទនារវាងអាស៊ាននិងកូរ៉េ
ខាងត្បូងនាពេលខាងមុខ ទន្ទឹមនឹងនោះពិភាគ្សាអំពីបញ្ហាអន្តរជាតិនិងដំបន់ដែល
យកចិត្តទុកដាក់ដូចគ្នា។
ជំរុញទំនាក់ទំនងសន្ទនាអាស៊ាន-កូរ៉េខាងត្បូងអភិវឌ្ឍន៍ជាក់ស្ដែងប្រសិទ្ធភាព
បន្ទាប់ពីបានបង្កើតទំនាក់ទំនងសន្ទនានាឆ្នាំ១៩៨៩មក កិច្ចសហប្រតិបត្តិការ
រវាងអាស៊ាននិងកូរ៉េខាងត្បូងបានអភិវឌ្ឍន៍ដោយឥតឈប់ឈរ។ ភាគីទាំងពីរបាន
ក្លាយទៅជាដៃគូលើគ្រប់វិស័យនាឆ្នាំ២០០៤ ដៃគូយុទ្ធសាស្ត្រនាឆ្នាំ២០១០។ អាស៊ាន
និងកូរ៉េខាងត្បូងកំពុងសកម្មអនុវត្តផែនការសកម្មភាពដំណាក់កាល២០១០-២០១៥
និងត្រៀមកសាងផែនការសកម្មភាព២០១៦-២០២០។ភាគីទាំងពីរបានចែករំលែក
ការយកចិត្តទុកដាក់អំពីការរក្សាសន្តិភាពសន្តិសុខស្ថិរភាពនៅដំបន់។ កូរ៉េខាងត្បូង
គាំទ្រគោលជំហររបស់អាស៊ានក្នុងបញ្ហាសមុទ្រខាងកើត។
នៅសិក្ខាសាលាស្ដីពីទំនាក់ទំនងដៃគូយុទ្ធសាស្ត្រអាស៊ាននិងកូរ៉េខាងត្បូងនាពេល
ថ្មីៗនេះនៅទីក្រុងហាណូយ ប្រធាននាយកដ្ឋានអាស៊ានក្រសួងការបរទេសវៀតណាម
លោក Nguyen Tien Minh បានអះអាងថា៖
“ទំនាក់ទំនងសេដ្ឋកិច្ចពាណិជ្ជកម្មវិនិយោគជានិច្ចកាលជាសសរសំខាន់នៃទំនាក់ទំនង
ទ្វេភាគី។កូរ៉េខាងត្បូងជាដៃគូពាណិជ្ជកម្មធំទី៥របស់អាស៊ាននិងអាស៊ានជាដៃគូ
ពាណិជ្ជកម្មនិងទីមកដល់ទី២របស់វិនិយោគិនកូរ៉េខាងត្បូង។ភាគីទាំងពីរបានបើក
ទូលាយនិងសហប្រតិបត្តិការប្រកបដោយប្រសិទ្ធភាពក្នុងវិស័យអប់រំវប្បធម៍អភិវឌ្ឍន៍
ប្រភពធនធានមនុស្សទប់ទល់នឹងការសាកល្បងសន្តិសុខក្រៅប្រពៃណីដូចជាបំរែបំរួល
អាកាសធាតុ សន្តិសុខស្បៀងអាហារសន្តិសុខប្រភពទឹក។”
នាបច្ចុប្បន្នអាស៊ាននិងកូរ៉េខាងត្បូងបានឆ្ពោះទៅទទួលបាននិងលើសពីគោលដៅ
ដែលបានដាក់ចេញគឺតំលៃពាណិជ្ជកម្មទ្វេភាគីទទួលបាន១៥០ពាន់លានដុល្លារអាមេរិក
នាឆ្នាំ២០១៥និង២សែនលានដុល្លារអាមេរិកនាឆ្នាំ២០២០បន្តពង្រីកនូវប្រសិទ្ធភាពនៃកិច្ច
ព្រមព្រៀងពាណិជ្ជកម្មសេរីអាស៊ាននិងកូរ៉េខាងត្បូង។ ពិសេសគឺនយោបាយសន្តិសុខ
អាស៊ាននិងកូរ៉េខាងត្បូងនឹងសហប្រតិបត្តិការជិតស្និទ្ធនិងគាំទ្រគ្នាទៅវិញទៅមកក្នុងការ
ខំប្រឹងប្រែងរក្សាសន្តិភាពស្ថិរភាពនិងសន្តិសុខនៅអាស៊ីឥសាន្តអាស៊ី-អាគ្នេយ៍ រួម
ចំណែកទប់ទល់នឹងងស្ថិរភាពក្នុងដំបន់ដូចជាបញ្ហាលើឧបទ្វីបកូរ៉េនិងបញ្ហាសមុទ្រខាង
កើត។
ជំរុញទំនាក់ទំនងដៃគូយុទ្ធសាស្ត្រអាស៊ាននិងកូរ៉េខាងត្បូង
ក្នុងអំឡុង២២ឆ្នាំចាប់តាំងពីពេលបង្កើតទំនាក់ទំនងការទូតនាឆ្នាំ១៩៩២មក និង
ពិសេសគឺក្រោយ៥ឆ្នាំលើកកំរិតទំនាក់ទំនងឡើងដៃគូសហប្រតិបត្តិការយុទ្ធសាស្ត្រនា
ឆ្នាំ២០០៩ ទំនាក់ទំនងរវាងវៀតណាមនិងកូរ៉េខាងត្បូងបានអភិវឌ្ឍន៍យ៉ាងខ្លាំងក្លាលើ
គ្រប់វិស័យពិសេសគឺវិស័យសេដ្ឋកិច្ចពាណិជ្ជកម្មនិងវិនិយោគ។ កូរ៉េខាងត្បូងកំពុងជា
វិនិយោគិនផ្ទាល់ពីបរទេស (FDI) ធំបំផុតអំពីបរិមាណគំរោងការ ជាដៃគូពាណិជ្ជកម្មទី៣របស់វៀតណាមដោយមានតំលៃពាណិជ្ជកម្មទ្វេភាគីឆ្នាំ២០១៣ទទួលបាន២៧,៥
ពាន់លានដុល្លារអាមេរិក។ ប្រទេសទាំងពីរកំពុងដាក់គោលដៅនៃតំលៃពាណិជ្ជកម្ម
ទ្វេភាគីឡើង៧០ពាន់លានដុល្លារអាមេរិកនាឆ្នាំ២០២០និងកំពុងសកម្មត្រៀមរៀបចំ
ចុះហត្ថលេខាលើកិច្ចព្រមព្រៀងពាណិជ្ជកម្មសេរី (FTA) វៀតណាម-កូរ៉េខាងត្បូង។
កូរ៉េខាងត្បូងក៏ជាប្រទេសមានបរិមាណភ្ញៀវទេសចរណ៍ចូលវៀតណាមធំទី២ ក្នុងឆ្នាំ២០១៣បានមានភ្ញៀវកូរ៉េខាងត្បូងចំនួន៧៥០ពាន់នាក់មកវៀតណាម។ នេះក៏ជា
ទីផ្សារនាំចេញពលករធំទី២របស់វៀតណាម។ អតីតឧបនាយករដ្ឋមន្ត្រីវៀតណាមលោក
Vu Khoan ក្នុងសិក្ខាសាលាមួយនាពេលថ្មីៗនេះបានសង្កត់ធ្ងន់ថា៖
“វៀតណាមនិងកូរ៉េខាងត្បូងជាមិត្តភក្តិ។ ប្រជាជននៃប្រទេសយើងទាំងពីរមិនត្រឹម
តែសហការប៉ុណ្ណោះទេ ថែមទាំងរួមរស់ជាមួយគ្នា។ យើងមានមូលដ្ឋានពេញលេញដើម្បី
និយាយថាក្នុងភាពសម្បូររុងរឿងនៃប្រទេសនីមួយៗមានការរួមចំណែកសំខាន់នៃទំនាក់
ទំនងដៃគូវៀតណាម-កូរ៉េខាងត្បូង។”
លើមូលដ្ឋានទំនាក់ទំនងល្អប្រសើរនោះ ដំណើរទស្សនកិច្ចការងារនៅកូរ៉េខាងត្បូង
របស់នាយករដ្ឋមន្ត្រីវៀតណាមលោក Nguyen Tan Dung បន្តជំរុញទំនាក់ទំនងដៃគូយុទ្ធសាស្ត្រវៀតណាម-កូរ៉េខាងត្បូង ទន្ទឹមនឹងនោះបង្កើនទំនុកទុកចិត្តនិងទំនាក់ទំនងល្អ
ប្រសើររវាងថ្នាក់ដឹកនាំនៃប្រទេសទាំងពីរ។ ចូលរួមសន្និសីទជាន់ខ្ពស់រំលឹកខួបលើកទី
២៥នៃទំនាក់ទំនងសន្ទនាអាស៊ាននិងកូរ៉េខាងត្បូង វៀតណាមខំប្រឹងប្រែងរួមចំណែក
ជំរុញទំនាក់ទំនងអាស៊ាននិងកូរ៉េខាងត្បូង ជាមួយតួនាទីជាសមាជិកសកម្មមានការ
ទទួលខុសត្រូវរបស់អាស៊ាន៕