ដើម្បីអាស៊ានមួយអភិវឌ្ឍន៍ដ៏និរន្តរភាព
ANH HUYEN -
 |
| ដើម្បីអាស៊ានមួយអភិវឌ្ឍន៍ដ៏និរន្តរភាព |
Vovworld-សហគមន៍អាស៊ាននឹងបានបង្កើតនាចុងឆ្នាំ២០១៥លើមូលដ្ឋាន
សសរស្នូលចំនួន៣គឺសហគមន៍នយោបាយ-សន្តិសុខ សហគមន៍សេដ្ឋកិច្ចនិង
សហគមន៍វប្បធម៍-សង្គម។ ការបង្កើតសហគមន៍អាស៊ានគ្រោងនឹងបើកចេញ
ជំពូកថ្មីនៃការតភ្ជាប់កិច្ចសហប្រតិបត្តិការដំបន់ ក្នុងនោះមានកិច្ចសហប្រតិបត្តិការ
អំពីការពារបរិស្ថានដែរ។
បង្កើតយន្តការសហប្រតិបត្តិការអំពីបរិស្ថានយ៉ាងចាប់រហ័ស
អាស៊ានជាដំបន់មានប្រព័ន្ធបរិស្ថានសម្បូរបែបនិងប្រភពធនធានពហុបែប។
ហេតុនេះហើយកិច្ចសហប្រតិបត្តិការការពារបរិស្ថានគឺជាវិស័យស្នូលមួយត្រូវបាន
នាំចេញតាំងពីពេលបានបង្កើតសមាគមមកហើយជានិច្ចកាលត្រូវបានប្រទេសជា
សមាជិកជំរុញដែរ។
តាំងពីឆ្នាំ១៩៧៧មក អាស៊ានបានតាក់តែងកម្មវិធីបរិស្ថានអនុដំបន់អាស៊ាន
ដោយការជួយឧបត្ថម្ភនៃកម្មវិធីបរិស្ថានអង្គការសហប្រជាជាតិ។ នាឆ្នាំ១៩៨១
អាស៊ានបានអនុម័តលើកម្មវិធីបរិស្ថាននិងចេញសេចក្តីថ្លែងការណ៍ដើមដំបូង ក្នុង
នោះលើកឡើងគោលដៅនិងទិសដៅសហប្រតិបត្តិការនៃដំបន់។ ក្រោយមកនោះ
ឯកសារផ្សេងៗជាច្រើនត្រូវបានបង្កើតដូចជាផែនការសកម្មភាពយុទ្ធសាស្ត្រអំពីបរិស្ថាន(១៩៩៤-២០១០) កម្មវិធីសកម្មភាពវៀងច័ន្ទ(២០០៤-២០១០) ផែនការ
សកម្មភាពក្រុងហាណូយ(១៩៩៩-២០០៤)ជាដើម។ ក្នុងដំណើរការសហប្រតិបត្តិ
ការអាស៊ានអំពីបរិស្ថាន អាស៊ានទទួលបានកិច្ចសហប្រតិបត្តិការជួយឧបត្ថម្ភពី
ប្រទេសដៃគូ ក្នុងនោះមានជប៉ុន កូរ៉េខាងត្បូងនិងចិន។ បណ្ដាសកម្មភាព
សហប្រតិបត្តិការអាស៊ាននិងអាស៊ាន+៣នេះបានដើរតួនាទីដ៏សែនសំខាន់ រួម
ចំណែកបង្កើនសមត្ថភាពអំពីគ្រប់គ្រងបរិស្ថាននិងកសាងគោលនយោបាយអំពី
អភិវឌ្ឍន៍និរន្តរភាពនៅប្រទេសសមាជិកនីមួយៗ។
សហប្រតិបត្តិការដោះស្រាយការសាកល្បងអំពីបរិស្ថាន
ក្នុងប៉ុន្មានឆ្នាំជិតៗនេះ បំរ៉ែបំរួលអាកាសធាតុបំពូលបរិស្ថានសន្តិសុខស្បៀង
អាហារនិងប្រភពទឹកបានក្លាយទៅជាបញ្ហាដ៏ធំធេងជះឥទ្ធិពលលើការអភិវឌ្ឍន៍
និរន្តរភាពរបស់ដំបន់និងប្រទេសនីមួយៗ។ ហេតុនេះហើយការយកចិត្តទុកដាក់
ជួរមុខរបស់ប្រទេសសមាជិកអាស៊ានទាំងអស់នាបច្ចុប្បន្នគឺធ្វើយ៉ាងម៉េចរួមដៃ
ដោះស្រាយបញ្ហាបរិស្ថានបន្ទាន់បាននិងកំពុងដាក់ចេញ។ សហគមន៍អាស៊ាននឹង
ចូលជាធរមាននាចុងឆ្នាំនេះនិងទស្សនវិស័យអាស៊ានក្រោយឆ្នាំ២០១៥បានបង្កើត
ដោយក្របខ័ណ្ឌនិងការកំណត់ថ្មី។ តាមនោះអាស៊ានបានដាក់គោលដៅសហគមន៍
អាស៊ានឆ្ពោះទៅអាស៊ានមួយបៃតងនិងស្អាតស្អំដោយយន្តការបានបង្កើតគ្រប់គ្រាន់
បំរើឲ្យការអភិវឌ្ឍន៍និរន្តរភាពសំដៅធានាកិច្ចការពារបរិស្ថានរបស់ដំបន់ ចរិតនិរន្តរភាព
នៃធនធានធម្មជាតិនិងគុណភាពជីវភាពរស់នៅខ្ពស់សំរាប់ប្រជាជន។ រួមជាមួយនោះ
អាស៊ានបានសកម្មចូលរួមការខំប្រឹងប្រែងសកលសំដៅដោះស្រាយការសាកល្បង
បរិស្ថានសកលលោក ក្នុងនោះមានបំរ៉ែបំរួលអាកាសធាតុ និងអនុវត្តបច្ចកេវិទ្យាស្និទ្ធ
ស្នាលជាមួយបរិស្ថានដើម្បីតម្រូវការការពារបរិស្ថាននិរន្តរភាព។
ជាក់ស្ដែងបនីយកម្មទស្សនវិស័យអាស៊ានបៃតងនិងស្អាតស្អំ
ដើម្បីជាក់ស្ដែងបនីយកម្មទស្សនវិស័យអាស៊ានអំពីសហគមន៍អាស៊ានមួយ
បៃតងនិងស្អាតស្អំនោះ ទន្ទឹមនឹងការបង្កើតយន្តការសហប្រតិបត្តិការ អាស៊ានកំពុង
ជំរុញអប់រំនិងបង្កលក្ខណៈសំរាប់ប្រជាជនចូលរួមដ៏ទូលំទូលាយទៅលើសកម្មភាព
ការពារបរិស្ថាន។ នាបច្ចុប្បន្នអាស៊ានបានបង្កើតក្រុមការងារអំពីអប់រំបរិស្ថានដោយ
ប្រមូលផ្ដុំលើសកម្មភាពអាទិភាពចំនួន៥គឺជំរុញសាលាបៃតងអាស៊ាន បណ្ដុះ
បណ្ដាលថ្នាក់ដឹកនាំអភិវឌ្ឍន៍និរន្តរភាពក្នុងការអប់រំបរិស្ថានជាដើម។ អាស៊ានក៏បាន
អនុម័តលើផែនការសកម្មភាពអប់រំបរិស្ថានអាស៊ានដំណាក់កាល២០១៤-២០១៨ផង
ដែរ។
អាស៊ានកំពុងខិតមកជិតរបត់ក្លាយទៅជាសហគមន៍។ ក្រោមដំបូលរួមផ្សាភ្ជាប់
នោះ បណ្ដាប្រទេសអាស៊ានកំពុងខំប្រឹងប្រែងរួមដៃរក្សាបរិស្ថានរបស់ដំបន់និង
ពិភពលោក៕
ANH HUYEN