គំនូរប្រជាប្រិយ Dong Hoរបស់វៀតណាម
Lan Anh -
(VOVWORLD) /
VOVWORLD_គំនូរDong Hoនៅខេត្ត Bac Ninh ជាគំនូរប្រជាប្រិយដ៏វិ
សេសវិសាលមួយប្រភេទដែលបានពុម្ភពីឈើពុម្ភ។ ប្រភេទគំនូរDong Hoត្រូ
វបានបង្កើតឡើងនិងពង្រីកដោយការច្នៃប្រឌិតរបស់ប្រជាជននៅភូមិDong
Ho ខេត្តBac Ninh ភាគខាងជើងវៀតណាម។គំនូរDong Hoនីមួយៗបានបង្ហាញ
សាច់រឿងមួយអំពីសិលធម៌និងជំនឿសាសនាយ៉ាងជ្រាលជ្រៅក្នុងជីវភាពរស់
នៅរបស់ប្រជាជន។
គំនូរប្រជាប្រិយ Dong Hoបានកកើតឡើងនាសតវត្សទី១៧នៅភូមិDong
Ho ខេត្តBac Ninh។ គំនូរប្រជាប្រិយ Dong Hoគង់វង្សបានយូរអង្វែងនិងទាក់
ទាញអារម្មណ៍ទស្សនិកជនវៀតណាមនិងបរទេសគឺដោយសាររូបភាពលើគំនូរ
ឆ្លុះបញ្ចាំងយ៉ាងរស់រវើកនូវជីវភាពរស់នៅពោរពេញទៅដោយវប្បធម៌ប្រពៃណី
របស់ជនជាតិវៀតណាម។ ក្ដីសុបិននិងបំណងប្រាថ្នារបស់មនុស្សអំពីជីវភាព
រស់នៅសុខសប្បាយសំបូរធូធារសុភមង្គលត្រូវបានស្ដែងឡើងយ៉ាងច្បាស់លាស់
ក្នុងគំនូរប្រភេទនេះ។ ស្ដីពីប្រវតិ្តសាស្រ្តនៃគំនូរប្រជាប្រិយ Dong Ho លោក
Nguyen Dang Che ជាវិចិត្រករវ័យចំណាស់មួយរូបដែលនៅរក្សាបាននូវរបរ
ច្នៃគំនូរប្រជាប្រិយប្រភេទនេះបានឲ្យដឹងថា គំនូរDong Hoតែងតែឆ្លុះបញ្ចាំង
នូវជីវភាពរស់នៅប្រចាំថ្ងៃរបស់ប្រជាពលរដ្ឋហើយក៏បង្ហាញនូវបំរែបំរួលតាម
សម័យកាលផងដែរ។ វិចិត្រករNguyen Dang Cheបានថ្លែងយ៉ាងដូច្នេះថា
“ និយាយដល់គំនូរប្រជាប្រិយ Dong Hoម្ដងៗគឺអ្នកផងតែងតែនិយមចូល
ចិត្តគំនូរពិធីអាពាហ៍ពិពាហ៍របស់សត្វកណ្ដុរ។ ពីមុនគំនូរDong Hoគ្មានរូបភាព
ច្រៀង quan ho Bac Ninh ឡើយតែឥឡូវយើងគូរបន្ថែមនូវប្រធានបទនេះ។
ក្រៅពីនោះនៅមានប្រធានបទស្ដីពីការសិក្សារៀនសូត្រទៀតផង។បញ្ហាដាក់
ចេញគឺធ្វើយ៉ាងណាដើម្បីរៀបបញ្ចូលប្រធានបទថ្មីថ្មោងទៅក្នុងគំនូរប្រជាប្រិយ
Dong Ho”។
 |
| គំនូរពិធីអាពាហ៍ពិពាហ៍របស់សត្វកណ្ដុរ |
ចំណុចវិសេសវិសាលទាក់ទាញទស្សនិកជននៃគំនូរDong Hoគឺពណ៌សំបុរនិង
វត្ថុធាតុដើមធ្វើក្រដាស។ក្រដាសសំរាប់ពុម្ភគំនូរគឺជាក្រដាសមួយយ៉ាងច្នៃពីដើម
doដែលមានលក្ខណៈទន់ ស្ដើង ស្វិត ងាយចាប់ពណ៌។គេប៉ាតម៉្សៅសំបកងាវលើផ្ទៃ
ក្រដាសនេះសំដៅបង្កើតភាពរលើបរលោង។រីឯថ្នាំពណ៌សំរាប់គូរគំនូរDong Hoក៏
ត្រូវបានកែច្នៃពីវត្ថុធាតុដើមធម្មជាតិដែរ។ដោយហេតុនោះគំនូរប្រជាប្រិយ Dong
Hoតែងតែមានពណ៌សម្បុរស្រស់ស្អាតនិងជិតស្និតជាមួយជីវភាពប្រចាំថ្ងៃរបស់
ប្រជាពលរដ្ឋ។ស្ដីពីការគូរគំនូរប្រភេទនេះ វិចិត្រការិនី Nguyen Thi Oanh នៅភូមិ
Dong Hoខេត្ត Bac Ninh បានឲ្យដឹងថា
“ ខ្ញុំនៅតែគូរគំនូរដោយប្រើវត្ថុធាតុដើមប្រជាប្រិយប្រពៃណីដែលមានតាំង
ពីជំនាន់ដូនតាតមក។ ក្រដាសគឺក្រដាស Do។ពណ៌ក្រហមច្នៃពីគ្រួសក្រហម។ពណ៌
ខ្មៅធ្វើពីការដុតចំបើង ពណ៌លឿងច្នៃពីការដាំទឹកផ្កា Hoe។ ទាំងអស់នេះជាវត្ថុ
ធាតុដើមដែលមានក្នុងធម្មជាតិរបស់វៀតណាមដើម្បីគូរគំនូរមួយផ្ទាំង”។
ពណ៌សំបុរទាំងនោះរួមជាមួយបច្ចេកទេសលាយផ្សំ ពុម្ភចំរុះពណ៌បានបង្កើត
ឡើងគំនូរមួយប្រភេទដែលឆ្លុះបញ្ចាំងនូវជីវភាពរស់នៅដ៏រស់រវើកនៅតំបន់ជន
បទរបស់ប្រជាកសិករវៀតណាម៕
Lan Anh
-VOVWORLD