ກອງປະຊຸມສຳມະນາ“ການເຄື່ອນໄຫວຄຸ້ມຄອງບໍລິຫານນະໂຍບາຍເງິນຕາໄລຍະ2011-2015”
(ກອງປະຊຸມສຳມະນາ“ການເຄື່ອນໄຫວຄຸ້ມຄອງ
ບໍລິຫານນະໂຍບາຍເງິນຕາໄລຍະ2011-2015”)
(vovworld) - ຕອນເຊົ້າວັນທີ 17/12, ຢູ່ຮ່າໂນ້ຍ, ໜັງສືພິມ ລາວດົ້ງ (ແປວ່າ ແຮງງານ) ແລະ ມະຫາວິທະຍາໄລເສດຖະກິດແຫ່ງຊາດ ໄດ້ຈັດກອງປະຊຸມສຳມະນາດ້ວຍຫົວຂໍ້ວ່າ “ການເຄື່ອນໄຫວຄຸ້ມຄອງບໍລິຫານນະໂຍບາຍເງິນຕາ ໄລຍະ 2011-2015 ແລະ ບັນດາການກະທົບເຖິງພື້ນຖານເສດຖະກິດ”. ທີ່ກອງປະຊຸມສຳມະນາ, ບັນດາຜູ້ແທນໃຫ້ຮູ້ວ່າ, ໃນໄລຍະ 5 ປີຜ່ານມາ, ດ້ວຍບັນດາມາດຕະການແກ້ໄຂບໍລິຫານຢ່າງລະມັດລະວັງ, ມີໄຫວພິບ, ມີການປ່ຽນໃໝ່ຢ່າງມີຫົວຄິດປະດິດສ້າງ, ອັດຕາໄພເງິນເຟີ້ໄດ້ຮັບການຄວບຄຸມຢ່າງໝັ້ນຄົງ ແລະ ປະຈຸບັນພວມຢູ່ໃນລະດັບຕ່ຳ, ບ້ວງສິ້ນເຊື່ອໄດ້ຮັບການເຕີບໂຕຢ່າງເໝາະສົມບັນລຸຈຸດໝາຍບໍລິຫານ, ເໝາະສົມກັບລະດັບເຕີບໂຕດ້ານເສດຖະກິດ ແລະ ມີການຟື້ນຟູຜ່ານແຕ່ລະປີ… ສາດສະດາຈານ, ດ.ຣ ເຈີ່ນທໍ້ດາດ, ອະທິການບໍດີມະຫາວິທະຍາໄລເສດຖະກິດແຫ່ງຊາດ ໃຫ້ຮູ້ວ່າ.
“ດ້ວຍຄວາມຍືດໝັ້ນຄາດໝາຍທີ່ໄດ້ວາງອອກ ໃນໄລຍະ 2011 – 2015, ຂະແໜງທະນາຄານຫວຽດນາມ ໄດ້ຮັບຜົນງານຫຼາຍຢ່າງ, ທີ່ໄດ້ຮັບຄວາມຮັບຮູ້, ເຫັນດີເຫັນພ້ອມ ແລະ ຕີລາຄາສູງຈາກສັງຄົມ. ຍ້ອນປະຕິບັດຢ່າງຄົບຊຸດ ແລະ ເດັດດຽວໃນຫຼາຍແງ່ມູມບັນດາເນື້ອໃນ, ບັນດາໂຄງປະກອບຂອງນະໂຍບາຍບໍລິຫານເງິນຕາ, ນະໂຍບາຍສິ້ນເຊື່ອ ຄຸ້ມຄອງຕະຫຼາດຄຳ ແລະ ເງິນຕາຕ່າງປະເທດ, ໄດ້ປະກອບສ່ວນບໍ່ໜ້ອຍເຂົ້າໃນການສ້າງສະພາບແວດລ້ອມເສດຖະກິດມະຫາພາກໃຫ້ມິສະຖຽນລະພາບ ແລະ ມີປະສິດທິຜົນ”.