ທ່ານນາຍົກລັດຖະມົນຕີ ຟ້າມມິງຈິງ ແລະ ການນຳ NASK (ພາບ: TTXVN)

ຕອນຄ່ຳວັນທີ 17 ມັງກອນ, ໃນການຢ້ຽມຢາມໂປໂລຍຢ່າງເປັນທາງການ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ໄປຢ້ຽມຢາມ ແລະ ເຮັດວຽກຢູ່ ສະຖາບັນຄົ້ນຄ້ວາແຫ່ງຊາດ ກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ຂອງໂປໂລຍ (NASK) ຢູ່ Warsaw.

ໂດຍເນັ້ນໜັກວ່າ ຫວຽດນາມ ພວມເພີ່ມທະວີການຫັນເປັນດີຈີຕອນ, ມຸ່ງໄປເຖິງພື້ນຖານເສດຖະກິດດີຈີຕອນ, ທ່ານນາຍົກລັດຖະມົນຕີ ຟ້າມມິງຈິງ ປາດຖະໜາຢາກ ຮ່ຳຮຽນເອົາບົດຮຽນປະສົບການຈາກບັນດາປະເທດທີ່ບັນລຸຜົນສຳເລັດຫຼາຍຢ່າງໃນຂົງເຂດນີ້ ຄືໂປໂລຍ, ພ້ອມທັງປາດຖະໜາຢາກຍູ້ແຮງການຮ່ວມມືເພື່ອຍົກອອກບັນດາມາດຕະການລວມຕໍ່ບັນດາສິ່ງທ້າທາຍທົ່ວໂລກ. ທ່ານນາຍົກລັດຖະມົນຕີ ສະເໜີບາງຈຸດສຸມໃນການຮ່ວມມືກັບໂປໂລຍໃນຂົງເຂດຫັນເປັນດີຈີຕອນ ແລະ ຄວາມໝັ້ນຄົງທາງເຄືອຂ່າຍອິນເຕີເນັດ, ສະເໜີບາງກໍລະນີຮ່ວມມືລະອຽດລະຫວ່າງ NASK ແລະ ຝ່າຍຫວຽດນາມ ຄືການຮ່ວມມືກັບບັນດາກຸ່ມບໍລິສັດເຕັກໂນໂລຢີຂໍ້ມູນຂ່າວສານແຖວໜ້າຂອງ ຫວຽດນາມ ໃນການແບ່ງປັນບົດຮຽນປະສົບການ, ຖ່າຍທອດເຕັກໂນໂລຢີ ແລະ ການຮ່ວມມືທາງການຄ້າ.