ພ້ອມກັບທະຫານຢູ່ເຂດທະເລໝູ່ເກາະທາງທິດຕາເວັນຕົກສ່ຽງໃຕ້ ຫໍ່ເຂົ້າຕົ້ມຕ້ອນຮັບບຸນເຕັດ
Trần Hiếu/VOV-ĐBSCL -
(VOVWORLD) - ເນື່ອງໃນໂອກາດຄະນະຜູ້ແທນບັນດາແຂວງ, ນະຄອນທາງພາກໃຕ້ ຫວຽດນາມ, ວິສາຫະກິດ ແລະ ອົງການສື່ມວນຊົນ ໄດ້ມາອວຍພອນບຸນເຕັດພະນັກງານ, ນັກຮົບ ແລະ ປະຊາຊົນຢູ່ເຂດເກາະ ນາມຢູ (ຕາແສງ ອານເຊີນ, ເມືອງ ກຽນຫາຍ, ແຂວງ ກຽນຢາງ), ທຸກຄົນໄດ້ພ້ອມກັນເຂົ້າຮ່ວມການເຄື່ອນໄຫວຫໍ່ເຂົ້າຕົ້ມ.
 |
| ການເຄື່ອນໄຫວຫໍ່ເຂົ້າຕົ້ມໄດ້ຈັດຢູ່ປ້ອມຣາດາ 600, ຂຶ້ນກັບກອງພັນໃຫຍ່ 551, ກອງບັນຊາການທະຫານເຮືອເຂດ 5. |
 |
| ແຕ່ລະປີ, ບັນດາພະນັກງານ, ນັກຮົບປະຕິບັດໜ້າທີ່ຢູ່ເກາະ ລ້ວນແຕ່ຈັດການຫໍ່ເຂົ້າຕົ້ມເພື່ອຕ້ອນຮັບບຸນເຕັດ. |
 |
| ປີນີ້, ການເຄື່ອນໄຫວຫໍ່ເຂົ້າຕົ້ມໄດ້ດຳເນີນໄປຢ່າງຟົດຟື້ນກວ່າ ຍ້ອນມີການເຂົ້າຮ່ວມຂອງ ຄະນະປະຕິບັດງານທີ່ມາຈາກເຂດດິນຕໍ່ແຜ່ນ ມາຢ້ຽມຢາມ, ອວຍພອນບຸນເຕັດ. |
 |
| ຢູ່ປ້ອມຣາດາ, ເຊິ່ງຕັ້ງຢູ່ຈຸດສູງສຸດຂອງເກາະ, ພາບທີ່ທຸກຄົນພ້ອມກັນຫໍ່ເຂົ້າຕົ້ມ ໄດ້ສ້າງບັນຍາກາດອັນອົບອຸ່ນ. |
 |
| ບັນດາພະນັກງານ, ທະຫານເຮືອ ໄດ້ສະແດງສີມືການຫໍ່ເຂົ້າຕົ້ມຂອງຕົນ. |
 |
| ເອື້ອຍນ້ອງແມ່ຍິງບໍ່ຮູ້ຫໍ່ເຂົ້າຕົ້ມ ກໍ່ໄດ້ຊ່ວຍເອົາໃບຕອງ, ເຊືອກມັດ; ບໍ່ພຽງແຕ່ເທົ່ານັ້ນ, ບັນດາບັນດາອ້າຍທະຫານຍັງແນະນຳວິທີຫໍ່ເຂົ້າຕົ້ມໃຫ້ແກ່ເອື້ອຍນ້ອງອີກດ້ວຍ. |
 |
| ແມ່ຍິງທາງທິດຕາເວັນຕົກພາກໃຕ້ຄົນໜຶ່ງ ໄດ້ຫໍ່ເຂົ້າຕົ້ມແບບຍາວມອບໃຫ້ບັນດາພະນັກງານ, ນັກຮົບຢູ່ແຫ່ງນີ້. |
 |
| ການເຄື່ອນໄຫວຫໍ່ເຂົ້າຕົ້ມ, ນ້ຳໃຈຄວາມຮັກແພງທີ່ໃກ້ຊິດສະໜິດສະໜົມລະຫວ່າງທະຫານ ແລະ ປະຊາຊົນໄດ້ສະແດງອອກຢ່າງຈະແຈ້ງ. |
 |
| ການເຄື່ອນໄຫວນີ້ໄດ້ຊ່ວຍໃຫ້ບັນດາພະນັກງານ, ນັກຮົບທີ່ພວມປະຕິບັດໜ້າທີ່ຢູ່ເຂດເກາະທີ່ຫ່າງໄກໄດ້ຕ້ອນຮັບບຸນເຕັດຢ່າງຄົບຖ້ວນ. |
 |
| ສິ່ງສຳຄັນທີ່ສຸດແມ່ນຊ່ວຍໃຫ້ບັນດານັກຮົບທີ່ຫາກໍ່ມາປະຕິບັດງານ ຮູ້ສຶກໄດ້ເຖິງບັນຍາກາດຂອງບຸນເຕັດ ແລະ ບັນເທົາການຄິດຮອດຄອບຄົວ, ກໍ່ຄືມີກຳລັງໃຈຕືື່ມອີກເພື່ອປະຕິບັດໜ້າທີ່ທີ່ໄດ້ຮັບມອບໝາຍໃຫ້ເປັນຢ່າງດີ. |
 |
| ພາຍຫຼັງຕົ້ມເຂົ້າຕົ້ມໃຫ້ສຸກແລ້ວ, ເຂົ້າຕົ້ມຈະໄດ້ວາງໄວ້ຢູ່ແທ່ນບູຊາປະເທດຊາດ, ນີ້ກໍ່ແມ່ນບັນຍາກາດບຸນເຕັດອັນອົບອຸ່ນຂອງອ້າຍທະຫານລຸງ ໂຮ່. |
Trần Hiếu/VOV-ĐBSCL