ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ໂຕເລີມ

     ໂດຍປະຕິບັດແຜນການລົງພົບປະກັບຜູ້ມີສິດ ເລືອກຕັ້ງພາຍຫຼັງກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊຸດທີ 15, ຕອນບ່າຍວັນທີ 2 ທັນວາ, ຢູ່ຮຶງອຽນ, ທ່ານເລຂາທິການໃຫຍ່ ໂຕເລີມ ແລະ ຄະນະສະມາຊິກສະພາແຫ່ງຊາດແຂວງ ຮ່ວາງອຽນ ໄດ້ລົງພົບປະກັບຜູ້ມີສິດເລືອກຕັ້ງໃນນະຄອນຮຶງອຽນ ເພື່ອປະກາດຜົນຂອງກອງປະຊຸມ ແລະ ຕອບຄຳເຫັນ, ຂໍ້ສະເໜີແນະຂອງຜູ້ມີສິດເລືອກຕັ້ງ.

     ທີ່ການພົບປະ, ທ່ານເລຂາທິການໃຫຍ່  ໄດ້ຕອບຄຳຊັກຖາມຂອງຜູ້ມີສິດເລືອກຕັ້ງກ່ຽວກັບສະພາບການພັດທະນາເສດຖະກິດ - ສັງຄົມຂອງປະເທດ, ພິເສດແມ່ນກ່ຽວກັບບັນດາແຜນນະໂຍບາຍ, ນະໂຍບາຍໃຫຍ່ຊຶ່ງກອງປະຊຸມສະໄໝສາມັນຄັ້ງທີ 8, ສະພາແຫ່ງຊາດຊຸດທີ 15 ຫາກໍຮັບຮອງເອົາ. ກ່ຽວກັບການຊັບຊ້ອນ ແລະ ເຮັດໃຫ້ກົງຈັກບັນດາອົງການຂອງພັກ ແລະ ລັດໃຫ້ກະທັດລັດ, ມີຜູ້ມີສິດເລືອກຕັ້ງຫຼາຍຄົນໄດ້ສະແດງຄວາມເຫັນດີເຫັນພ້ອມ, ສະໜັບສະໜູນແຜນນະໂຍບາຍນີ້, ຖືວ່ານີ້ແມ່ນພາລະກຳປະຫວັດສາດເພື່ອຊ່ວຍຍົກສູງປະສິດທິຜົນການເຄື່ອນໄຫວຂອງບັນດາອົງການແຫ່ງລັດ, ພ້ອມທັງເພີ່ມແຫຼ່ງງົບປະມານແຫ່ງລັດ ໃຫ້ແກ່ການລົງທຶນພັດທະນາ ແລະ ປະຕິບັດ ນະໂຍບາຍໜູນຊ່ວຍສັງຄົມ ແລະສະຫວັດດີການສັງຄົມ. ເມື່ອເຕື້ອງເຖິງບັນຫາດັ່ງກ່າວ, ທ່ານເລຂາທິການໃຫຍ່ ໂຕເລີມ ຢືນຢັນວ່າ: ທັງລະບົບການເມືອງມີຄວາມຕັດສິນໃຈອັນໃຫຍ່ຫຼວງເພື່ອປະຕິບັດການປະຕິວັດສ້າງກົງຈັກບັນດາອົງການຂອງພັກ ແລະ ລັດໃຫ້ກະທັດລັດ ເພື່ອຕອບສະໜອງຄວາມຮຽກຮ້ອງຕ້ອງການພັດທະນາໃນໄລຍະໃໝ່. ນອກນີ້, ທ່ານເລຂາທິການໃຫຍ່ຍັງໃຫ້ຮູ້ວ່າ, ປະຈຸບັນ ຍັງບໍ່ທັນມີແຜນນະໂຍບາຍຄວບບັນດາແຂວງ, ນະຄອນໃນທົ່ວປະເທດ.