ສປປ. ເກົາຫຼີ ຍິງລູກສອນໄຟນຳວິຖີ
(VOVWORLD) - ຕອນເຊົ້າວັນທີ 31 ຕຸລາ, ສະພາຫົວໜ້າເສນາທິການທະຫານປະສົມ ສ.ເກົາຫຼີ (JCS) ໃຫ້ຮູ້ວ່າ ຕອນເຊົ້າຂອງວັນດຽວກັນ, ສປປ.ເກົາຫຼີ ອາດຈະໄດ້ຍິງລູກສອນໄພນຳວິຖີໄລຍະໄກ ອອກໄປຍັງເຂດທະເລທາງທິດຕາເວັນອອກ ແຫຼມເກົາຫຼີ.
 ການຍິງລູກສອນໄຟຂອງ ສປປ.ເກົາຫຼີ ໃນວັນທີ 17/5/2024 (ພາບປະກອບ: KCNA/TTXVN) |
ຕາມກອງທັບ ສ.ເກົາຫຼີ ແລ້ວ, ລູກສອນໄຟນຳວິຖີດັ່ງກ່າວມີລະດັບຍິງໄກດ້ວຍມູມຍິງທີ່ດັບສູງ ແລະ ປັດຈຸບັນຍັງບໍ່ທັນກຳນົດໄດ້ວ່າ ລູກສອນໄຟດັ່ງກ່າວ ຕົກຢູ່ໃສ. ກ່ອນໜ້ານັ້ນ, JCS ຕີລາຄາວ່າ ນີ້ອາດຈະແມ່ນເຫດຍິງລູກສອນໄຟນຳວິຖີຂ້າມທະວີບ (ICBM).
ໃນຂະນະນັ້ນ, ກຳລັງປ້ອງກັນຝັ່ງທະເລ ຍີ່ປຸ່ນ ກໍຖືວ່າ ສປປ.ເກົາຫຼີ ໄດ້ຍິງລູກສອນໄຟນຳວິຖີເຊັ່ນດຽວກັນ. ລັດຖະບານ ຍີ່ປຸ່ນ ໃຫ້ຮູ້ວ່າ ລູກສອນໄຟດັ່ງກ່າວອາດຈະຕົກຢູ່ເຂດທາງທິດຕາເວັນຕົກເກາະ Okushiri ຢູ່ເຂດ Hokkaido.
ການກະທຳຂອງ ສປປ.ເກົາຫຼີ ໄດ້ດຳເນີນພາຍຫຼັງທີ່ວົງການກອງທັບ ອາເມລິກາ ແລະ ສ.ເກົາຫຼີ ໄດ້ດຳເນີນການປຶກສາຫາລືກ່ຽວກັບການປ້ອງກັນຊາດປະຈຳປີ ຢູ່ ວໍຊິງຕັນ ໃນວັນທີ 30 ຕຸລາ. ປັດຈຸບັນ, ພຽງຢາງ ຍັງບໍ່ທັນມີຄຳເຫັນກ່ຽວກັບຂໍ້ມູນດັ່ງກ່າວ.