(vovworld) – ​ວັນ​ທີ 04/06, ສະຫະ​ສະມາ​ຄົມ​ບັນດາ​ສະມາຄົມ UNESCO ຫວຽດນາມ ​ໄດ້​ອອກ​ຖະ​ແຫຼ​ງການ​ຄັດຄ້ານ​ເລື່ອງ​ຈີນ ຕັ້ງ​ຮ້ານ​ເຈາະ​ນ້ຳມັນ​ໄຮ​ຢາງ 981 ​ຢ່າງ​ຜິດ​ກົດໝາຍ ​ໃນ​ເຂດ​ເສດຖະກິດ​ຈຳ​ເພາະ ​ແລະ ​ໄຫຼ່​ທະວີບ​ຂອງ​ຫວຽດນາມ. ສະຫະ​ສະມາ​ຄົມ​ບັນດາ​ສະມາຄົມ UNESCO ຫວຽດນາມ ຮຽກ​ຮ້ອງ​ໃຫ້​ຈີນ ຖອນ​ຮ້ານ​ເຈາະນ້ຳມັນ​ໄຮ​ຢາງ 981 ​ແລະ ບັນດາ​ກຳ​ປັ່ນ​ປ້ອງ​ກັນ​ອອກ​ຈາກ​ເຂດເສດຖະກິດ​ຈຳ​ເພາະ ​ແລະ ​ໄຫຼ່​ທະວີບ​ຂອງ​ຫວຽດນາມ, ຢຸດຕິ​ບັນ​ດາ​ການ​ກະທຳ​ຄ້າຍ​ຄື​ກັນ​ໃນ​ອະນາຄົດ. ສະຫະ​ສະມາ​ຄົມ​ບັນດາ​ສະມາຄົມ UNESCO ຫວຽດນາມ ​ຮຽກຮ້ອງ​​ໃຫ້ສະຫະ​ສະມາ​ຄົມ UNESCO ຈີນ, ປະຊາຊົນ​ຈີນ, ສະມາຄົມ UNESCO ຂອງ​ບັນດາ​ປະ​ເທດ​ໃນ​ໂລກ, ປະຊາຊົນ​ທີ່​ຮັບ​ຫອມ​ສັນຕິພາບ​ໃນ​ໂລກອອກ​ສຽງ​ປົກ​ປ້ອງ​ຄວາມ​ຍຸຕິ​ທຳ, ປົກ​ປ້ອງ​ກົດໝາຍ​ສາກົນ, ປະກອບສ່ວນ​ຮັກສາ​ສັນຕິພາບ ​ແລະ ສະຖຽນ​ລະ​ພາບຢູ່​ພາກ​ພື້ນ ​ແລະ ​ໃນ​ໂລກ.