(ທ່ານນາຍົກລັດຖະມົນຕີ  ຟ້າມມິງຈິງ ມີບົດກ່າວປາໄສຢູ່ມະຫາວິທະຍາໄລສັງລວມ Warsaw)

ຕອນເຊົ້າວັນທີ 17 ມັງກອນ (ຕາມເວລາທ້ອງຖິ່ນ), ໂດຍສືບຕໍ່ການຢ້ຽມຢາມ ໂປໂລຍ ຢ່າງເປັນທາງການ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ໄປຢ້ຽມຢາມມະຫາວິທະຍາໄລສັງລວມ Warsaw ແລະ ມີບົດກ່າວປາໄສນະໂຍບາຍສຳຄັນດ້ວຍຫົວຂໍ້ “ນຳການພົວພັນ ຫວຽດນາມ - ໂປໂລຍ ມຸ່ງໄປເຖິງລະດັບສູນກວ່າ, ເພື່ອສັນຕິພາບ ແລະ ການພັດທະນາຂອງ 2 ພາກພື້ນ ອາຊີຕາເວັນອອກສ່ຽງໃຕ້ - ເອີລົບກາງ”.

ໃນບົດກ່າວປາໄສ, ທ່ານນາຍົກລັດຖະມົນຕີ ຟ້າມມິງຈິງ ໄດ້ແບ່ງປັນບັນດາປັດໃຈພື້ນຖານ, ທັດສະນະການພັດທະນາ, ຜົນງານ ແລະ ການກຳນົດທິດຂອງ ຫວຽດນາມ. ເມື່ອເຕື້ອງເຖິງການພົວພັນ ຫວຽດນາມ - ໂປໂລຍ, ທ່ານຢືນຢັນວ່າ, ຫວຽດນາມ ຖືເປັນສຳຄັນ ແລະ ປາດຖະໜາຢາກຊຸກຍູ້, ເຮັດໃຫ້ການພົວພັນຮ່ວມມືຮອບດ້ານກັບບັນດາປະເທດ ເອີລົບກາງ ຫຼາຍກວ່າເກົ່າ, ພິເສດແມ່ນກັບບັນດາປະເທດເພື່ອນມິດທີ່ເປັນມູນເຊື້ອຄື ໂປໂລຍ. ທ່ານນາຍົກລັດຖະມົນຕີໄດ້ແບ່ງປັນບັນດາບາດກ້າວບຸກທະລຸເພື່ອນຳການພົວພັນລະຫວ່າງ 2 ປະເທດໃຫ້ຂຶ້ນສູ່ລະດັບສູງໃໝ່, ລວມມີ: ບຸກທະລຸໃນການຍົກສູງການພົວພັນຮ່ວມມື, ມິດຕະພາບ ແລະ ຄວາມສາມັກຄີລະຫວ່າງ 2 ປະເທດ ມຸ່ງໄປເຖິງຄູ່ຮ່ວມມືຍຸດທະສາດ; ບຸກທະລຸໃນການຮ່ວມມືດ້ານເສດຖະກິດ, ການຄ້າ, ການລົງທຶນ, ການພົວພັນແລກປ່ຽນປະຊາຊົນ…