ພາບປະກອບ: TTXVN

ເວັບໄຊຂອງກຸ່ມບໍລິສັດຄົ້ນຄ້ວາຕະຫຼາດ (IMARC), ໃນວັນທີ 1 ທັນວາ ໄດ້ປະກາດບົດລາຍງານໃຫ້ຂໍ້ສັງເກດວ່າ ຫວຽດນາມມີຄວາມສາມາດບົ່ມຊ້ອນກາຍເປັນປະເທດມະຫາອຳນາດກ່ຽວກັບການຄ້າເອເລັກໂຕນິກໃນພາກພື້ນ ອາຊີຕາເວັນອອກສ່ຽງໃຕ້, ເມື່ອຂະແໜງການນີ້ພວມມີການເຕີບໂຕຢ່າງແຮງ ແລະ ປະກອບສ່ວນຊຸກຍູ້ການຫັນເສດຖະກິດແຫ່ງຊາດ. ຕາມ IMARC ແລ້ວ, ດ້ວຍບັນດາເງື່ອນໄຂນິຕິກຳທີ່ອຳນວຍຄວາມສະດວກ, ການລົງທຶນຕ່າງປະເທດທີ່ເປີດກວ້າງ ແລະ ຄວາມສາມາດໃນການສຳຜັດກັບອິນເຕີແນັດ ໄດ້ຮັບການປັບປຸງ, ລະບົບນິເວດການຄ້າເອເລັກໂຕນິກຂອງ ຫວຽດນາມພ້ອມກຽມພ້ອມພັດທະນາແບບຍືນຍົງ, ຫັນຫວຽດນາມກາຍເປັນປະເທດມະຫາອຳນາດໃນພາກພື້ນໃນພື້ນຖານເສດຖະກິດດີຈີຕອນ. ການຄ້າເອເລັກໂຕນິກກວມເອົາກ່ວາ 60% ພື້ນຖານເສດຖະກິດດີຈີຕອນຂອງ ຫວຽດນາມ. ຕາມການຄາດຄະເນຂອງ IMARC ແລ້ວ, ຂະແໜງການຄ້າເອເລັກໂຕນິກຂອງ ຫວຽດນາມ ຄາດວ່າຈະບັນລຸຄວາມໄວໃນການເຕີບໂຕປະຈຳປີຢູ່ລະດັບ 28% ໃນໄລຍະ 2025 – 2033. ອະທິບາຍກ່ຽວກັບຄວາມສາມາດບົ່ມຊ້ອນທີ່ຫວຽດນາມ ຈະນຳໜ້າການປະຕິວັດການຄ້າເອເລັກໂຕນິກຢູ່ ອາຊີຕາເວັນອອກສ່ຽງໃຕ້, IMARC ຖືວ່າ ຫວຽດນາມໄດ້ຮັບການຢັ້ງຢືນແມ່ນໜຶ່ງໃນບັນດາສະຖານທີ່ມີສະພາບແວດລ້ອມທາງດ້ານນິຕິກຳທີ່ອຳນວຍຄວາມສະດວກດີທີ່ສຸດໃຫ້ແກ່ການຄ້າເອເລັກໂຕນິກ ໃນອາຊຽນ.