ເດືອນ 09/2015 ຈະປະກາດຜົນການ ກວດກາການປະຕິບັດນະໂຍບາຍບຸລິມະສິດແກ່ຜູ້ມີຄຸນງາມຄວາມດີຕໍ່ການປະຕິວັດ
(ພາບປະກອບ)
(vovworld) – ເດືອນ 09/2015 ຈະປະກາດຜົນການສຳຫຼວດກວດກາຄັ້ງໃຫຍ່ກ່ຽວກັບການປະຕິບັດນະໂຍບາຍບຸລິມະສິດແກ່ຜູ້ມີຄຸນງາມຄວາມດີຕໍ່ການປະຕິວັດ. ນີແມ່ນຂໍ້ມູນທີ່ຍົກອອກມາທີ່ກອງປະຊຸມປະເມີນຜົນການສຳຫຼວດກວດກາຄັ້ງໃຫຍ່ກ່ຽວກັບການປະຕິບັດນະໂຍບາຍບຸລິມະສິດແກ່ຜູ້ມີຄຸນງາມຄວາມດີຕໍ່ການປະຕິວັດໃນໄລຍະປີ 2014 – 2015 ຜ່ານເຄືອຂ່າຍອິນເຕີແນັດ, ໂດຍກະຊວງແຮງງານ, ທະຫານເສຍອົງຄະ ແລະ ສັງຄົມ ສົມທົບກັບຄະນະປະຈຳຄະນະກຳມະການສູນກາງແນວໂຮມປະເທດຊາດຫວຽດນາມ ຫາກໍ່ຈັດຕັ້ງ ຢູ່ຮ່າໂນ້ຍ . ກ່ຽວກັບຄວາມຄືບໜ້າໃນການປະຕິບັດວຽກງານດັ່ງກ່າວ, ທ່ານ ເຢືອງມິນໂດ້, ຮອງຫົວໜ້າກົມຜູ້ມີຄຸນງາມຄວາມດີ, ກະຊວງແຮງງານ, ທະຫານເສຍອົງຄະ ແລະ ສັງຄົມ ໃຫ້ຮູ້ວ່າ.
“ພາຍຫຼັງສູນກາງຜັນຂະຫຍາຍລາຍການສຳຫຼວດກວດກາຄັ້ງໃຫຍ່ ກ່ຽວກັບການປະຕິບັດນະໂຍບາຍບຸລິມະສິດທີ່ມີຕໍ່ຜູ້ມີຄຸນງາມຄວາມດີ, 63 ແຂວງ, ນະຄອນລ້ວນແຕ່ສ້າງຕັ້ງຄະນະຊີ້ນຳ ແລະ ຈັດຕັ້ງການຝຶກອົບຮົມໃຫ້ພະນັກງານໃນຂອບເຂດທົ່ວປະເທດ. ແຕ່ລະແຂວງ, ນະຄອນລ້ວນແຕ່ເລືອກຕັ້ງເມືອງ, ຕາແສງເພື່ອປະຕິບັດທົດລອງ. ປະຈຸບັນໄດ້ມີບັນດາບົດລາຍງານໝາກຜົນການສຳຫຼວດກວດກາສຳລັບຜູ້ມີຄຸນງາມຄວາມດີໃນຂອບເຂດທົ່ວປະເທດແລ້ວ”.
ໂຄງການສຳຫຼວດກວດການະໂຍບາຍບຸລິມະສິດເລີ່ມໄດ້ຮັບການຜັນຂະຫຍາຍແຕ່ເດືອນ 04/2014. ມາຮອດປະຈຸບັນ, ຢູ່ທ້ອງຖິ່ນຕ່າງໆໄດ້ດຳເນີນການສຳຫຼວດກວດກາຜູ້ມີຄຸນງາມຄວາມດີໄດ້ກວ່າ 2 ລ້ານຄົນ, ໃນນັ້ນມີກວ່າ 1.900 ຄົນໄດ້ຮັບບຸລິມະສິດຖືກຕ້ອງຕາມລະບອບ.