(ພາບ: moit.gov.vn)

   ໃນຂອບເຂດການຢ້ຽມຢາມ ໂປໂລຍ ຢ່າງເປັນທາງການ ຂອງທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ, ວັນທີ 16 ມັງກອນ, ຢູ່ Warsaw, ທ່ານລັດຖະມົນຕີກະຊວງອຸດສາຫະກຳການຄ້າ ຫວຽດນາມ ຫງວຽນຮົ່ງຢຽນ ມີການປະຊຸມປຶກສາດ້ານເສດຖະກິດສອງຝ່າຍຄັ້ງທີ 2 ກັບທ່ານ Krystof Paszyk ລັດຖະມົນຕີກະຊວງພັດທະນາເສດຖະກິດ ແລະ ເຕັກໂນໂລຊີ ໂປໂລຍ.

  ລັດຖະມົນຕີສອງທ່ານ ໄດ້ປຶກສາຫາລືກ່ຽວກັບບັນດາຂົງເຂດຮ່ວມມືຄື: ການຄ້າ, ອຸດສາຫະກຳ, ຂຸດຄົ້ນແຮ່ທາດ, ນະວັດຕະກຳ, ພັດທະນາອຸດສາກະກຳເຄິ່ງຊັກນຳໄຟຟ້າ, ຫັນເປັນດີຈີຕອນ, ຜະລິດຕະພັນກະເສດ, ການຢາ ແລະ ສະແດງທັດສະນະກ່ຽວກັບການຮ່ວມມືໃນອະນາຄົດໃນບັນດາຂົງເຂດນີ້.

  ລັດຖະມົນຕີສອງທ່ານເນັ້ນໜັກວ່າ, ຕ້ອງໝູນໃຊ້ສັນຍາການຄ້າເສລີ ອີຢູ-ຫວຽດນາມ (EVFTA) ໃຫ້ບັນລຸປະສິດທິຜົນ, ສ້າງເງື່ອນໄຂໃຫ້ສິນຄ້າທີ່ມີທ່າແຮງຂອງແຕ່ລະປະເທດ ແຊກຊືມເຂົ້າຕະຫຼາດຂອງກັນ. ສິ່ງນີ້ຈະສ້າງພື້ນຖານອັນໝັ້ນຄົງ ໃຫ້ແກ່ການຊຸກຍູ້ການເຕີບໂຕວົງເງິນການຄ້າລະຫວ່າງ ຫວຽດນາມ-ໂປໂລຍ ໃນໄລຍະຈະມາເຖິງ.