ເພີ່ມທະວີການພົບປະແລກປ່ຽນ,ຮ່ວມມືລະຫວ່າງບັນດາສະມາຊິກສະພາແຫ່ງຊາດຫວຽດນາມ-ຍີ່ປຸ່ນ
ທ່ານ ໂຕຮູຍເຣືອ ແລະ ທ່ານ Tsutomo Takebe
ພາບ:TTXVN
|
(vovworld)- ຕອນບ່າຍວັນທີ 22/2 ຢູ່ ຮ່າໂນ້ຍ, ທ່ານ ໂຕຮູຍເຣືອ, ປະທານກຸ່ມສະມາຊິກສະພາແຫ່ງຊາດມິດຕະພາບຫວຽດນາມ - ຍີ່ປຸ່ນ ໄດ້ຕ້ອນຮັບທ່ານ Tsutomo Takebe, ຜູ້ທີ່ປຶກສາພິເສດພັນທະມິດສະມາຊິກສະພາແຫ່ງຊາດມິດຕະພາບ ຍີ່ປຸ່ນ - ຫວຽດນາມ ພວມຢ້ຽມຢາມ ແລະ ເຮັດວຽກຢູ່ຫວຽດນາມ. ທ່ານປະທານກຸ່ມສະມາຊິກສະພາແຫ່ງຊາດມິດຕະພາບ ຫວຽດນາມ - ຍີ່ປຸ່ນ ໂຕຮູຍເຣືອ ເນັ້ນຫນັກວ່າ: ກຸ່ມສະມາຊິກສະພາແຫ່ງຊາດ ມິດຕະພາບ ຫວຽດນາມ - ຍີ່ປຸ່ນ ຍາມໃດກໍສະຫນັບສະຫນູນບັນດາການເຄື່ອນໄຫວຂອງພັນທະມິດສະມາຊິກສະພາແຫ່ງຊາດມິດຕະພາບ ຍີ່ປຸ່ນ - ຫວຽດນາມ. ຫວຽດນາມ ສືບຕໍ່ເພີ່ມພູນຄູນສ້າງໃຫ້ການພັດທະນາຂອງການພົວພັນລະຫວ່າງ ຫວຽດນາມ ແລະ ຍີ່ປຸ່ນ ເພື່ອຜົນປະໂຫຍດຂອງປະຊາຊົນສອງປະເທດ, ເພື່ອສະຖຽນລະພາບ, ສັນຕິພາບ ແລະ ຄວາມຈະເລີນຮຸ່ງເຮືອງຂອງພາກພື້ນ.