(ເຈົ້າຄຸນ ຊຸມພອນ, ເລຂານຸການ ແລະ ຜູ້ຊ່ວຍວຽກເຈົ້າອາວາດວັດ ອະຣຸນ ຣາຊະວະຣາຣາມ)

ໄທ ແມ່ນປະເທດແຫ່ງວັດວາອາຮາມ ແລະ ສຽງສວດມົນດັງກ້ອງໃນຍາມຮຸ່ງເຊົ້າ - ແມ່ນໜຶ່ງໃນບັນດາສູນກາງພຸດທະສາສະໜາຂອງໂລກ. ດ້ວຍປະຊາກອນກວ່າ 90% ເຊື່ອຖືສາສະໜາພຸດ, ພຸດທະສາສະໜາບໍ່ພຽງແຕ່ແມ່ນ ສາສະໜາເທົ່ານັ້ນ, ຫາກຍັງແມ່ນພື້ນຖານຂອງວັດທະນະທຳ, ການສຶກສາ ແລະ ວີຖີຊີວິດຂອງຊາວ ໄທ ອີກດ້ວຍ. ໃນລາຍການມື້ນີ້, ພວກເຮົາຈະພ້ອມກັນຊອກຮູ້ກ່ຽວກັບການເຄື່ອນໄຫວພົບປະແລກປ່ຽນຂອງພຸດທະສາສະໜາ ໄທ ຜ່ານການເຄື່ອນໄຫວຕ່າງໆຂອງວັດ ອະຣຸນ - ເຊິ່ງແມ່ນໜຶ່ງໃນບັນດາວັດທີ່ສັກສິດ ແລະ ມີຊື່ສຽງທີ່ສຸດຢູ່ ບາງກອກ.

ຕາມການແບ່ງປັນຂອງ ເຈົ້າຄຸນ ຊຸມພອນ, ເລຂານຸການ ແລະ ຜູ້ຊ່ວຍວຽກເຈົ້າອາວາດວັດ ອະຣຸນ ຣາຊະວະຣາຣາມ ແລ້ວ: ບັນດາວັດຂອງ ໄທ, ພິເສດແມ່ນວັດ ອະຣຸນ ໄດ້ຮັບການກໍ່ສ້າງໂດຍອີງຕາມຫຼັກການຂອງຈັກກະວານວິທະຍາທາງພຸດທະສາສະໜາ. ວັດໄດ້ຮັບການອອກແບບດ້ວຍຍອດພະທາດໃຈກາງເປັນສັນຍາລັກໃຫ້ພູ Meru - ສູນກາງຈັກກະວານ ຕາມທັດສະນະຄະຕິຂອງພຸດທະສາສະໜາ. ບັນດາພະພຸດທະຮູບ, ຫໍ, ໂຮງໃນວັດລ້ວນແຕ່ເຄົາລົບຕາມຫຼັກມູນນີ້, ອັນໄດ້ສະແດງໃຫ້ເຫັນຄວາມຜູກພັນຢ່າງເລິກເຊິ່ງລະຫວ່າງສະຖາປັດຕະຍາກຳ ແລະ ປັດຊະຍາພຸດທະສາສະໜາ.

(ເຈົ້າຄຸນ ຊຸມພອນ, ເລຂານຸການ ແລະ ຜູ້ຊ່ວຍວຽກເຈົ້າອາວາດວັດ ອະຣຸນ ຣາຊະວະຣາຣາມ)

ໄທ ກໍ່ໄດ້ຮັບຖືວ່າ ແມ່ນໜຶ່ງໃນບັນດາສູນກາງພຸດທະສາສະໜາສຳຄັນຢູ່ໂລກໃນປະຈຸບັນ. ຕົວຢ່າງທີ່ພົ້ນເດັ່ນແມ່ນ, ວັນບຸນວິສາຂະບູຊາ ສະຫະປະຊາຊາດ (Visakha Bucha Day). ໄທ ໄດ້ເປັນເຈົ້າພາບຈັດຕັ້ງເຫດການດັ່ງກ່າວໃນຫຼາຍປີ, ແລະເຊີນຫຼາຍປະເທດເຂົ້າຮ່ວມ. ບັນດາອົງການຈັດຕັ້ງພຸດສາສະໜາສາກົນທີ່ສຳຄັນ ມີສຳນັກງານ ຫຼື ສູນເຄື່ອນໄຫວປະຈຳ ໄທ, ຄື: International Network of Engaged Buddhists, World Fellowship of Buddhists ແລະ International Buddhist College.

ພ້ອມກັນນັ້ນ, ໄທ ກໍ່ຖືເປັນສຳຄັນການພັດທະນາການສຶກສາພຸດທະສາສະໜາວິທະຍາ. ມີພະສົງສຳມະເນນຫຼາຍອົງທີ່ມາຈາກຫຼາຍປະເທດ, ໃນນັ້ນມີ ຫວຽດນາມ. ເຈົ້າຄຸນ ຊຸມພອນ, ເລຂານຸການ ແລະ ຜູ້ຊ່ວຍວຽກເຈົ້າອາວາດວັດ ອະຣຸນ ຣາຊະວະຣາຣາມ, ແບ່ງປັນວ່າ:

(ເຈົ້າຄຸນ ຊຸມພອນ, ເລຂານຸການ ແລະ ຜູ້ຊ່ວຍວຽກເຈົ້າອາວາດວັດ ອະຣຸນ ຣາຊະວະຣາຣາມ)

ໃຫ້ຂໍ້ສັງເກດກ່ຽວກັບການພົວພັນດ້ານພຸດທະສາສະໜາລະຫວ່າງ ໄທ ແລະ ຫວຽດນາມ, ເຈົ້າຄຸນ ຊຸມພອນ, ເລຂານຸການ ແລະ ຜູ້ຊ່ວຍວຽກເຈົ້າອາວາດວັດ ອະຣຸນ ຣາຊະວະຣາຣາມ ໃຫ້ຮູ້ວ່າ: ນີ້ແມ່ນການພົວພັນອັນດີງາມ. ແມ່ນການແລກປ່ຽນຄວາມຮູ້ທີ່ສຳຄັນທີ່ສຸດ.

(ເຈົ້າຄຸນ ຊຸມພອນ, ເລຂານຸການ ແລະ ຜູ້ຊ່ວຍວຽກເຈົ້າອາວາດວັດ ອະຣຸນ ຣາຊະວະຣາຣາມ)

(ທ່ານ ຍຸດທະສັກ ແກ້ວພຣະພານ, ນັກວິຊາການສາສາສະໜາຊຳນານການພິເສດ, ກົມສົ່ງເສີມວຽກງານເຜີຍແຜ່ ພຸດທະສາສະໜາ, ສຳນັກງານພຸດທະສາສະໜາແຫ່ງຊາດ ໄທ)

ສຳລັບລັດຖະບານ ໄທ, ການໜູນຊ່ວຍ ແລະ ໂຄສະນາເຜີຍແຜ່ພຸດທະສາສະໜາ ແມ່ນໜຶ່ງໃນບັນດານະໂຍບາຍສຳຄັນຂອງລັດຖະບານ ໄທ, ໂດຍໄດ້ມອບໃຫ້ກົມສາສະໜາແຫ່ງຊາດຮັບຜິດຊອບ. ທ່ານ ຍຸດທະສັກ ແກ້ວພຣະພານ, ນັກວິຊາການສາສະໜາຊຳນານການພິເສດ, ກົມສົ່ງເສີມວຽກງານເຜີຍແຜ່ ພຸດທະສາສະໜາ, ສຳນັກງານພຸດທະສາສະໜາແຫ່ງຊາດ ໄທໃຫ້ຮູ້ວ່າ:

(ທ່ານ ຍຸດທະສັກ ແກ້ວພຣະພານ)

ເຖິງວ່າໂລກມີການຜັນແປຫຼາຍຢ່າງກໍ່ຕາມ, ແຕ່ຄວາມເຊືື່ອໃຈຕໍ່ພຸດທະສາສະໜາຍັງຄົງແມ່ນບ່ອນອີງທາງດ້ານຈິດໃຈຂອງປະຊາຊົນ 2 ປະເທດ. ການເຊື່ອມຕໍ່ດ້ານຈິດວິນຍານ, ວັດທະນະທຳ ແລະ ນ້ຳໃຈເມດຕາປານີໃນພຸດທະສາສະໜາ ໄດ້ປະກອບສ່ວນສ້າງຄວາມສະໜິດຕິດພັນປະຊາຄົມເຊື່ອຖືສາສະໜາພຸດ, ບໍ່ພຽງແຕ່ໃນປະຈຸບັນເທົ່ານັ້ນ, ຫາກຍັງໃນອະນາຄົດອີກດ້ວຍ.