(vovworld)-
ການເຫຼື້ອມໃສບູຊາພະແມ່ໄດ້ຂະຫຍາຍຕົວແຮງໃນສັດຕະວັດທີ 15, ໃນສະໄໝເຈົ້າຊີວິດເລ ແລະ ແກ່ຍາວມາຮອດທຸກວັນນີ້. ຍ້ອນການເຫຼື້ອມໃສນີ້ມີຄຸນລັກສະນະຫວຽດນາມ, ບູຊາຜູ້ເປັນແມ່ ແລະ ນັກວິລະຊົນຂອງຊາດນັ້ນ ມັນຈຶ່ງມີພະລັງຊີວິດທີ່ໝັ້ນຄົງ, ຍາວນານ.
(ພາບ:vov.vn)
ພ້ອມກັບຊີວິດດ້ານວັດທະນະທຳ, ຈິດວີນຍານຂອງຊາວຫວຽດນາມໃນຫຼາຍສັດຕະວັດ, ການເຫລື້ອມໃສບູຊາພະແມ່ຈຶ່ງກາຍເປັນບ່ອນເພິ່ງພາດ້ານຈິດວີນຍານຂອງແຕ່ລະຄົນ. ການເຫລື້ອມໃສບູຊາພະແມ່ຍັງແມ່ນບ່ອນເພິງພາດ້ານຈິດໃຈໃຫ້ແກ່ມະນຸດຍາມໃດກໍ່ມຸ່ງໄປສູ່ປະຫວັດສາດ, ອະດີດຕະການ, ທີ່ຕ້ອງຈົດຈຳ, ຮັບຮູ້ຄຸນງາມຄວາມດີຂອງບັນພະບູລຸດ, ຂອງບັນດານັກວິລະຊົນຂອງຊາດ. ທ່ານຫງວຽນຕຽນຢຸງ, ພະນັກງານຄົ້ນຄ້ວາຂອງສູນຄົ້ນຄວ້າການເຫຼື້ອມໃສສາດສາໜາຫວຽດນາມ ຖືວ່າ, ຄຸນຄ່າໃຫ່ຍຫຼວງທີ່ສຸດແມ່ນຄວາມເຊື່ອໝັ້ນຂອງປະຊົນສະຫງວນໃຫ້ແກ່ການເຫລື້ອມໃສບູຊາພະແມ່:
“ການເຫຼື້ອມໃສນີ້ໄດ້ບອກສອນໃຫ້ຄົນເຮົາດຳລົງຊີວິດດີກ່ວາ, ມີຄວາມສະໜິດສະໜົມກ່ວາ. ພາວະນາໃຫ້ປະເທດຊາດມີຄວາມສະຫງົບປອດໄພ, ດິນຟ້າອາກາດເອື້ຍອຳນວຍຄວາມສະດວກ ແລະ ປະຊາຊົນມີຄວາມຢູ່ເຢັນເປັນສຸກ. ນັ້ນແມ່ນຄາດໝາຍໂດຍການເຫຼື້ອມໃສນີ້ໄດ້ວາງອອກ“.
(ພາບ:vov.vn)
ໃນການເຫລື້ອມໃສບູຊາພະແມ່ ໄດ້ເຕົ້າໂຮມບັນດາຄຸນຄ່າສິລະປະຄື: ສິລະປະແກະຄວັດສະຫຼັກ, ສະຖາປັດຕະຍາກຳ, ດົນຕີ, ຟ້ອນລຳທຳເພງ, ຕີມວຍ, ອາຫານການກິນ, ຊຸດອາພອນ...ນັ້ນແມ່ນການຄັດເລືອກຜ່ານເວລາຫຼາຍປີຊື່ງການເຫລື້ອມໃສບູຊາພະແມ່ໄດ້ຮ່ວມເດີນທາງພ້ອມກັບປະຊາຊົນ.
ບັນດາທ້າວທຽມນາງທຽມແມ່ນຜູ້ສົ່ງຄຳຂໍພອນພາວະນາຂອງປະຊາຊົນຈາກຊີວິດປະຈຸບັນ ໄປເຖິງໂລກຟາກນັ້ນ. ຄວາມງາມໃນການການເຫລື້ອມໃສບູຊາພະແມ່ແມ່ນມີຄວາມເຄັ່ງຂືມ ແລະ ຮັກສາປະເພນີທີ່ເປັນມູນເຊື້ອ. ໃນພິທີເຂົ້າຊົງ, ບັນດານາງທຽມທ້າວທຽມຖືວ່າ, ເວລານັ້ນ, ເຂົາເຈົ້າຕ່າງກັບຄົນທຳມະດາ. ນາງທຽມ ຫງວນທິມາດ ໃຫ້ຮູ້ວ່າ:
“ພະອໍລະຫັນບໍ່ທັນເຂົ້າມາທຽມຈະບໍ່ເຮັດຫຍັງໄດ້, ຂ້າພະເຈົ້າແມ່ນຜູ້ທີ່ມີມີຄວາມລະມັດລະວັງ, ເມື່ອເຮັດວຽກງານທຳພິທີເຂົ້າຊົງ, ຕ້ອງມີຈິດໃຈເພື່ອມະນຸດ ແລະ ເພື່ອການກຸສົນ“
ການເຫລື້ອມໃສບູຊາພະແມ່ບັນຈຸຫຼາຍຄຸນຄ່າດ້ານວັດທະນະທຳທີ່ເປັນມູນເຊື້ອທີ່ອຸດົມສົມບູນ ແລະ ມີຫຼາຍຮູບຫຼາຍແບບ. ເຄົາລົບນັບຖືຜູ້ເປັນພະແມ່ກໍ່ໝາຍຄວາມວ່າມີຄວາມປາດຖະໜາຢາກອາລັກຂາ, ມີການດຳລົງຊີວິດທີ່ເກີດດອກອອກຜົນ, ມີຫົວຄິດປະດິດສ້າງ. ມັນບໍ່ຄືກັນກັບບັນດາສາສະໜາ, ການເຫຼື້ອມໃສບູຊາອື່ນໆຢູ່ບ່ອນວ່າ ມັນໄດ້ມຸ່ງໄປສູ່ການດຳລົງຊີວິດປະຈຳວັນ, ມີຄວາມສະໜິດສະໜົມ. ການເຫລື້ອມໃສບູຊາພະແມ່ບໍ່ພາໃຫ້ມະນຸດ ແລະ ຄວາມເຊື່ອໝັ້ນຂອງມະນຸດມຸ່ງໄປສູ່ນາລົກ, ຫາກໄດ້ມຸ່ງໄປສູ່ໂລກປະຈຸບັນ, ໂລກຊື່ງມວນມະນຸດຕ້ອງການມີສຸຂະພາບແຂງແຮງ, ມີເງິນທອງ, ໂຊກລາບ, ຖານະຕຳແໜ່ງ....
ການເຫລື້ອມໃສບູຊາພະແມ່ໃນປະຈຸບັນໄດ້ນຳມາເຊິ່ງໂສມໜ້າໃໝ່ໃຫ້ແກ່ຊີວິດດ້ານວັດທະນະທຳເຫຼື້ອມໃສບູຊາຂອງຊາວຫວຽດນາມ, ປະກອບສ່ວນສຳຄັນໃນການຮັກສາບັນດາຄຸນຄ່າດ້ານວັດທະນະທຳທີ່ເປັນມູນເຊື້ອຂອງຊາດ. ທ່ານຫງວຽນຄັກເລີ້ຍ, ຮອງຫົວໜ້າພະແນກວັດທະນະທຳ, ກິລາ ແລະ ທ່ອງທ່ຽວຮ່າໂນ້ຍ ໃຫ້ຮູ້ວ່າ: ກະຊວງວັດທະນະທຳ, ກິລາ ແລະ ທ່ອງທ່ຽວຫວຽດນາມ ພວມສ້າງສຳເນົາເອກະສານຍື່ນສະເໜີຕໍ່ອົງການອູແນສະໂກ ເພື່ອຮັບຮອງເອົາການເຫລື້ອມໃສບູຊາພະແມ່ແມ່ນມໍລະດົກວັດທະນະທຳບໍ່ມີຮູບຮ່າງຕາງໜ້າຂອງມວນມະນຸດ, ໄດ້ຢັ້ງຢືນສ່ວນໜຶ່ງບັນດາຄຸນຄ່າຕອ້ງອະນຸລັກຮັກສາ, ເສີມຂະຫຍາຍການເຫລື້ອມໃສບູຊາພະແມ່ນີ້. ທ່ານຫງວຽນຄັກເລີ້ຍ ໃຫ້ຮູ້ວ່າ:
“ກ່ອນອື່ນໝົດຕ້ອງຢັ້ງຢືນວ່າ, ການເຫຼື້ອມໃສບູຊາພະແມ່ແມ່ນຈຸດພິເສດສະເພາະຂອງຊາວຫວຽດນາມ. ທີທສອງແມ່ນ, , ການເຫຼື້ອມໃສບູຊາພະແມ່ ມີລັກສະນະວັດທະນະທຳມະນຸດ, ລັກສະນະສຶກສາອົບຮົມສູງທີ່ສຸດ. ທີ່ສາມແມ່ນພະລັງຊີວິດ, ສະນັ້ນ, ບັນດານັກຄົ້ນຄ້ວາລ້ວນແຕ່ເວົ້າວ່າ, ບັນດາການເຄື່ອນໄຫວເຫຼື້ອມໃສບູຊາພະແມ່ ແມ່ນຫໍພິພິຕະພັນທີ່ມີຊີວິດຊີວາ. ນັ້ນແມ່ນປັດໄຈພື້ນຖານເພື່ອຍື່ນສະໜີຕໍ່ອູແນສໂກຮັບຮອງເອົາການເຫລື້ອມໃສບູຊາພະແມ່ແມ່ນມໍລະດົກວັດທະນະທຳບໍ່ມີຮູບຮ່າງຕາງໜ້າຂອງມວນມະນຸດ “.
ໃນຊີວິດຍຸກປະຈຸບັນ, ການເຫລື້ອມໃສບູຊາພະແມ່ໄດ້ຂະຫຍາຍຕົວແຮງຢູ່ບັນດາຕົວເມືອງ ແລະ ໃນແຕ່ລະເຂດພາກພັດມີຈຸດທີ່ເປັນເອກະລັກສະເພາະ ແລະ ໄດ້ດຶງດູດຄວາມເອົາໃຈໃສ່ຈາກຫຼາຍພາກສ່ວນແຕກຕ່າງກັນໃນສັງຄົມ. ປີ 2009, ກະຊວງວັດທະນະທຳ, ກິລາ ແລະ ທ່ອງທ່ຽວຫວຽດນາມ ພ້ອມກັບຄະນະກຳມະການປະຊາຊົນແຂວງຮ່ນາມ ໄດ້ຈັດພິທີເຫລື້ອມໃສບູຊາພະແມ່ຢູ່ວິຫານແຫຼງຢາງ, ເມືອງຢຸຍຕຽນ, ແຂວງຮ່ານາມ. ປີ 2010, ງານມະໂຫລານການເຫລື້ອມໃສບູຊາພະແມ່ເຂດທົ່ງພຽງແມ່ນ້ຳແດງຄັ້ງທີ 1 ໄດ້ຖືກຈັດຂຶ້ນຢູ່ທຽນວ້ຽນຈຸກເລີມ, ຕາມດ້າວ, ແຂວງວີ້ງຟຸກ. ງານມະໂຫລານການເຫລື້ອມໃສບູຊາພະແມ່ຄັ້ງທີ 2 ຫາກໍ່ຖືກຈັດຂຶ້ນຢູ່ຮ່າໂນ້ຍຫວ່າງແລ້ວນີ້ ໄດ້ດຶງດູດການເຂົ້າຮ່ວມຂອງນາງທຽມທ້າວທຽມມາຈາກຮ່າໂນ້ຍ ແລະ ແຂວງຕ່າງໆລວມ 170 ຄົນ ສະແດງໃຫ້ເຫັນການຂະຫຍາຍຕົວຢ່າງແຮງຂອງການເຫລື້ອມໃສບູຊາພະແມ່ໃນຊີວິດຍຸກປະຈຸບັນ./.