(vovworld)- ວັນກາບກອນຫວຽດນາມ ຄັ້ງທີ 15 ປີ 2017 ໂດຍສະມາຄົມນັກປະພັນວັນນະຄະດີຫວຽດນາມ ຈັດຂຶ້ນ ໃນວັນທີ 11/2 (ກົງກັບວັນທີ 15 ເດືອນຈຽງປີລະກາໄລ່ຕາມຈັນທະປະຕິທິນ) ຢູ່ວັນມຽວ ກວກຕືຢາມ (ຮ່າໂນ້ຍ). ດ້ວຍຫົວຂໍ້ວ່າ “ຮ່ວມເດີນທາງ ແລະ ປະດິດຄິດສ້າງພ້ອມກັບປະເທດຊາດ”, ເຂົ້າຮ່ວມວັນກາບກອນຫວຽດນາມ ຄັ້ງທີ 15 ນີ້ມີບັນດານັກກະວີ ຫວຽດນາມ ທີ່ພວມດຳລົງຊີວິດຢູ່ພາຍໃນປະເທດ ແລະ ຢູ່ຕ່າງປະເທດ ເປັນຈຳນວນຫລວງຫລາຍ.
ຜູ້ນິຍົມກາບກອນມາເຂົ້າຮ່ວມວັນກາບກອນຫວຽດນາມ
|
ວັນກາບກອນຫວຽດນາມ ຄັ້ງທີ 15 ມີການປ່ຽນໃຫມ່ຫລາຍຢ່າງກ່ຽວກັບເນື້ອໃນ ແລະ ຮູບການ. ບັນດາການເຄື່ອນໄຫວຕົ້ນຕໍຂອງວັນກາບກອນລວມມີ: ການແຂ່ງຂັນແຕ່ງບົດກາບກອນ, ອ່ານກາບກອນ,… ມອບບົດກາບກອນ, ມອບຕົວຫນັງສື, ຄຳພະຫຍາ… ດ້ວຍເນື້ອໃນແມ່ນຍ້ອງຍໍສັນລະເສີນບ້ານເກີດເມືອງນອນ, ປະເທດຊາດ, ຍ້ອງຍໍພັກ, ປະທານໂຮ່ຈິມີນ, ຈິດໃຈມີຫົວຄິດປະດິດສ້າງ, ຄວາມສາມັກຄີ, ຄວາມປ່ອງດອງຊາດ, ຮ່ວມແຮງຮ່ວມໃຈສ້າງສາປະເທດຊາດໃຫ້ຮັ່ງມີສວຍງາມ. ປີນີ້ ສະຖານທີ່ດຳເນີນວັນກາບກອນແມ່ນຢູ່ ວັນມຽວກວາຕືຢາມ ຊື່ງຈັດເປັນ 2 ເຂດຄື: ເດີນຫນ້າ ແລະ ເດີນຫລັງ. ນັກກະວີ ຫງວຽນກວາງທ່ຽວ, ຮອງປະທານສະມາຄົມນັກປະພັນວັນນະຄະດີ ຫວຽດນາມໃຫ້ຮູ້ວ່າ: ຄະນະຈັດຕັ້ງບໍ່ມີແຜນນະໂຍບາຍຈັດແບ່ງເວທີສະແດງຂັບກາບກອນສະຫງວນໃຫ້ນັກກະວີຫນຸ່ມ ແລະ ເວທີສະແດງຂັບ ກາບກອນສະຫງວນໃຫ້ນັກກະວີລຸ້ນກອ່ນ ດ້ວຍຄວາມປາດຖະຫນາຢາກບັນດານັກປະພັນວັນນະຄະດີຫນຸ່ມ ແລະ ບັນດານັກປະພັນວັນນະຄະດີລຸ້ນກ່ອນ ເຄື່ອນໄຫວນຳກັນໃນເວທີສະແດງດຽວ. ເວທີສະແດງແມ່ນເຂດທີ່ກ້ວາງໃຫຍ່ ຊື່ງຢູ່ທີ່ນີ້ນັກກະວີລຸ້ນຕ່າງໆພ້ອມກັນສືບຕໍ່ກ້າວເດີນບົນເສັ້ນທາງປະດິດແຕ່ງກາບກອນຫວຽດນາມ.
“ປີນີ້ ພວກຂ້າພະເຈົ້າຢາກວາດພາບເຖິງເສັ້ນທາງປະຫວັດສາດໂດຍສັງເຂບຂອງສະມາຄົມນັກປະພັນວັນນະຄະດີຫວຽດນາມໃນ 60 ປີ ຜ່ານມາ. ຢູ່ເວທີສະແດງຂັບກາບກອນ, ບັນດານັກກະວີລຸ້ນຕ່າງໆພ້ອມກັນສ້າງພາບພົດກາບກອນຂອງຫວຽດນາມ. ຄຽງຂ້າງນັ້ນ, ພວກຂ້າພະເຈົ້າຢາກເຊີດຊູບັນດານັກກະວີທີ່ຍາດໄດ້ລາງວັນໃຫຍ່ຫລືນ້ອຍໃນປີກ່ອນ.”
ເວທີສະແດງຂັບກາບກອນຫວຽດນາມ2017
ພາບ:VTC
|
ຕາມນັກກະວີ ຫືວຫວຽດແລ້ວ, ປີໃດ ມະຫາຊົນນິຍົມບົດກາບກອນກໍ່ລໍຄອຍສິ່ງທີ່ໃຫມ່ອ່ຽມ, ການປ່ຽນໃຫມ່, ບາດກ້າວກະໂດດຂັ້ນກໍຄືບັນດານັກກະວີຫນຸ່ມຈະປະກົດອອກໃນເວທີສະແດງຂັບກາບກອນ. ເພາະສະນັ້ນ, ເວທີສະແດງຂັບກາບກອນສະຫງວນໃຫ້ແກ່ນັກກະວີຫນຸ່ມຍາມໃດກໍຖືກກຳລັງດັນຈາກເລື່ອງຊອກຫານັກກະວີໃຫມ່, ພ້ອມທັງຊອກບັນດາວິທີຈັດຕັ້ງໃຫມ່. ສະນັ້ນ ເວທີສະແດງບົດກາບກອນສະຫງວນໃຫ້ແກ່ນັກກະວີຫນຸ່ມບໍ່ຖືກສູນເສຍໄປ ຫາກໃນຫລາຍປີ, ເວທີສະແດງບົດກາບກອນສະຫງວນໃຫ້ແກ່ນັກກະວີຫນຸ່ມໄດ້ມອບເວທີສະແດງຂອງຕົນເພື່ອຮັບໃຊ້ຫົວເລື່ອງລວມຂອງວັນກາບກອນຫວຽດນາມ. ແຕ່ເຖິງຢ່າງໃດກໍຕາມ, ປີໃດກໍເຊັນດຽວກັນ ບັນດານັກກະວີຫນຸ່ມກໍສະແດງບັນດາບົດກາບກອນໃຫມ່ຂອງຕົນເປັນຈຳນວນຫລວງຫລາຍ. ການປະສານສົມທົບລະຫວ່າງ ເວທີສະແດງຂັບກາບກອນສະຫງວນໃຫ້ແກ່ນັກກະວີຫນຸ່ມ ແລະ ເວທີສະແດງຂັບກາບກອນສະຫງວນໃຫ້ແກ່ນັກກະວີລຸ້ນກ່ອນເປັນການເຊີດຊູ, ຕີລາຄາສູງຄຸນນະພາບຂອງກາບກອນກໍຄືບັນດາການປະກອບສ່ວນຂອງເພື່ອນຫນຸ່ມເພື່ອສ້າງຄວາມສະເຫມີພາບກັບນັກກະວີລຸ້ນກ່ອນ.
“ເວທີສະແດງຂັບກາບກອນສະຫງວນໃຫ້ແກ່ນັກກະວີຫນຸ່ມປີນີ້ມີແມ່ນມີລັກສະນະເປີດກວ້າງ. ນີ້ແມ່ນ ເວທີສະແດງຂັບກາບກອນເພື່ອເຊີດຊູບັນດານັກກະວີຫາກໍໄດ້ຮັບລາງວັນໂດຍວາລະສານວັນນະສີນກອງທັບຊື່ງແມ່ນວາລະສານມີອິດທີພົນຊື່ສຽງມອບໃຫ້ບັນດານັກປະພັນວັນນະຄະດີ, ນັກກະວີຂອງຫວຽດນາມນັບແຕ່ກອ່ນມາຮອດປະຈຸບັນ. ທີສອງ ເປັນການເຊີດຊູບັນດານັກກະວີທີ່ຍາດໄດ້ລາງວັນຂອງສະມາຄົມນັກປະພັນວັນນະຄະດີຫວຽດນາມ. ປີນີ້ ຜູ້ທີ່ໄດ້ຮັບລາງວັນກ່ຽວກັບກາບກອນຈະປະກົດຕົວຕໍ່ຫນ້າມະຫາຊົນ, ຂັບບັນດາບົດກາບກອນໃຫມ່ຂອງຕົນ ແລະ ພົບປະແລກປ່ຽນ, ໂອ້ລົມກັບມະຫາຊົນ. ທີ 3 ເປັນການເຊີດຊູບັນດານັກກະວີ ຊື່ງແມ່ນສະມາຊິກໃຫມ່ຂອງສະມາຄົມນັກປະພັນວັນນະຄະດີຫວຽດນາມ.”
ກໍຄ້າຍຄືກັນກັບເວທີສະແດງຂັບກາບກອນສຳລັບນັກກະວີຫນຸ່ມ, ປີນີ້ ບົດກາບກອນສຳລັບອະນຸຊົນບໍ່ປະກົດອອກ, ແຕ່ມີເຂດພິເສດເພື່ອສະຫງວນໃຫ້ບັນດາສະໂມສອນກາບກອນອະນຸຊົນ. ການແຂ່ງຂັນປະດິດແຕ່ງຂັບກາບກອນ, ການເຄື່ອນໄຫວກ່ຽວກັບກາບກອບຂອງພວກນ້ອງອະນຸຊົນຈະໄດ້ເຕົ້າໂຮມທີ່ “ເຂດກາບກອນອະນຸຊົນຫວຽດນາມ”.
ຈຸດພົ້ນເດັ່ນຂອງວັນກາບກອນປີນີ້ ແມ່ນເຂດວາງສະແດງບົດກາບກອນທີ່ໄດ້ຮັບການແກະຄວັດສະຫລັກໃນເຄື່ອງປັ້ນດິນເຜົາຂອງຈິດຕະກອນ ເລທຽດເກືອງ. ນອກນັ້ນ, ເປັນຄັ້ງທຳອິດ ວັນກາບກອນຫວຽດນາມ ຈັດຕັ້ງເສັ້ນທາງການເຄື່ອນໄຫວຂອງນັກກະວີ ເພື່ອແນະນຳຮູບພາບ, ບົດກາບກອນຂອງບັນດານັກກະວີດີເດັ່ນຂອງຫວຽດນາມ. ນັກກະວີ ຫງວຽນກວາງທ່ຽວ ໃຫ້ຮູ້ຕື່ມອີກວ່າ:
“ປີນີ້ ມີການເຂົ້າຮ່ວມຂອງຈິດຕະກອນ ເລທຽດເກືອງ. ທ່ານໄດ້ແນະນຳປື້ມນັບສີບໆຫົວ ຊື່ງບົດກາບກອນໃນຫນ້າປົກໂດຍແມ່ນທ່ານແຕ່ງເອງ. ທ່ານກໍໄດ້ເລືອກເຟັ້ນບັນດາກາບກອນມ່ວນເພື່ອແກະຄວັດສະຫລັກໃນເຄື່ອງປັ້ນດິນເຜົາໂດຍທ່ານອອກແບບ. ຄຽງຄູ່ກັນນັ້ນ, ພວກຂ້າພະເຈົ້າໄດ້ສ້າງເສັ້ນທາງກາບກອນເພື່ອໃຫ້ຜູ້ອ່ານສາມາດຮູ້ສຶກກ່ຽວກັບເສັ້ນທາງຂອງບັນດານັກກະວີ. “
ໃນຂອບເຂດວັນກາບກອນຫວຽດນາມຄັ້ງທີ 15, ສະມາຄົມນັກປະພັນວັນນະຄະດີຫວຽດນາມ ໄດ້ຈັດຕັ້ງງານວາງສະແດງ 60 ປີແຫ່ງວັນສ້າງຕັ້ງສະມາຄົມນັກປະພັນວັນນະຄະດີຫວຽດນາມ. ນີ້ແມ່ນງານວາງສະແດງກ່າງແຈ້ງແນະນຳບັນດາຮູບພາບທີ່ເປັນເອກະລັກສະເພາະທີ່ສຸດ, ໃນນັ້ນ ມີພາບຫລາຍແຜ່ນຍັງບໍ່ທັນໄດ້ຮັບການປະກາດກ່ຽວກັບການເຄື່ອນໄຫວ, ວິວັດການສ້າງຕັ້ງ ແລະ ພັດທະນາຂອງສະມາຄົມນັກປະພັນວັນນະຄະດີຫວຽດນາມ. ພ້ອມກັນນັ້ນ “ເວທີສະແດງຂັບກາບກອນຂອງແຖບຖິ່ນຮ້ອຍແຫ່ງ” ຈະແມ່ນສະຖານທີ່ເພື່ອໃຫ້ນັກສິລະປິນບັນດາແຂວງ, ນະຄອນ ແລະ ສະໂມສອນກາບກອນພົບປະແລກປ່ຽນ, ສະແດງບັນດາບົດກາບກອນທີ່ເປັນເອກະລັກສະເພາະທີ່ສຸດ.
ວັນກາບກອນຫວຽດນາມ ແມ່ນການເຄື່ອນໄຫວປະຈຳປີຂອງສະມາຄົມນັກປະພັນວັນນະຄະດີຫວຽດນາມ ທີ່ສະຫງວນໃຫ້ມະຫາຊົນນິຍົມກາບກອນ. ວັນກາບກອນໄດ້ຮັບການຕອບສະຫນອງຈາກປະຊາຊົນໃນທົ່ວປະເທດເປັນຈຳນວນຫລວງຫລາຍ, ມີທ້ອງຖິ່ນຫລາຍແຫ່ງກໍໄດ້ຈັດຕັ້ງວັນກາບກອນຂອງຕົນ, ຄ່ອຍໆກາຍເປັນງານບຸນວັດທະນະທຳສະຫງວນໃຫ້ແກ່ມະຫາຊົນນິຍົມກາບກອນ.