ຫວຽດນາມເຂົ້າຮ່ວມງານມະຫາກຳຮູບເງົາເອກະສານສາກົນຄັ້ງທີ 5 ຊຶ່ງຖືກຈັດຂຶ້ນຢູ່ຮ່າໂນ້ຍແຕ່ວັນທີ 5 ຫາວັນທີ 14/6 ແລະ ຢູ່ນະຄອນໂຮ່ຈິມິນ ແຕ່ວັນທີ 10 ຫາວັນທີ 29/6 ດ້ວຍຟິມຮູບເງົາ 9 ເລື່ອງຊຶ່ງຖືກຜະລິດໃນຊຸມປີມໍ່ມານີ້. ເຂົ້າຮ່ວມ ງານມະຫາກຳຮູບເງົາ ກໍແມ່ນໂອກາດເພື່ອໃຫ້ ຮູບເງົາເອກະສານ ຫວຽດນາມ ກ້າວໄປໃກ້ກ່ວາກັບພື້ນຖານຮູບເງົາໂລກ.
ຟິມຮູບເງົາ “ ເລື່ອງຍາວຢູ່ໂຮງໝໍ” ໄດ້ຖືກນຳມາສາຍໃນ
ງານມະຫາກຳຮູບເງົາເອກະສານສາກົນຄັ້ງທີ 5
|
ໃນ 5 ປີລຽນຕິດຄືນັບແຕ່ປີ 2009 ມາຮອດປະຈຸບັນ, ງານມະຫາກຳຮູບເງົາເອກະສານສາກົນ ໄດ້ກາຍເປັນຈຸດນັດພົບປະຈຳປີຂອງມວນຊົນຫວຽດນາມ ແລະ ສາກົນ. ປີນີ້, ບໍລິສັດຮູບເງົາເອກະສານ ແລະ ວິທະຍາສາດສູນກາງຫວຽດນາມ ເຂົ້າຮ່ວມ ງານມະຫາກຳຮູບເງົາດ້ວຍຟິມຮູບເງົາ 9 ເລື່ອງກ່ຽວກັບຫົວເລື່ອງວັດທະນະທຳ, ສັງຄົມ, ຄວາມຊົງຈຳສົງຄາມ, ການສຶກສາ....ນີ້ແມ່ນບັນດາຟິມຮູບເງົາບັນລຸຄຸນນະພາບສູງ ຊຶ່ງໄດ້ເຄີຍຮັບລາງວັນໃນ ງານມະຫາກຳຮູບເງົາຢູ່ພາຍໃນປະເທດ, ລາງວັນຂອງສະມາຄົມອາຊີບ, ລາງວັນ “ ປີກວາວ”ຂອງສະມາຄົມຮູບເງົາຫວຽດນາມ. ໃນງານມະຫາກຳຮູບເງົາປີນີ້, ຄະນະຈັດຕັ້ງສາຍ ຟິມຮູບເງົາເອກະສານເລື່ອງໜຶ່ງຂອງເອີລົບ ແລະ ຟິມຮູບເງົາເອກະສານເລື່ອງໜຶ່ງຂອງຫວຽດນາມ ແຕ່ບໍ່ຈຳເປັນຕ້ອງມີຫົວເລື່ອງດຽວກັນເພື່ອຊ່ວຍຜູ້ຊົມໃນຄ່ຳຄືນໜຶ່ງສາມາດເຫັນໄດ້ເຖິງຄວາມອຸດົມສົມບູນໃນການດຳລົງຊີວິດຜ່ານ ຟິມຮູບເງົາ. ທ່ານນາງ ຝ້າມທິຕວຽດ ຜູ້ອຳນວຍການ ບໍລິສັດຟິມຮູບເງົາເອກະສານ ແລະ ວິທະຍາສາດສູນກາງ ໃຫ້ຮູ້ວ່າ :
“ບັນດາຟິມຮູບເງົາຫວຽດນາມຖືກນຳມາສາຍ ແມ່ນຂອງຜູ້ກຳກັບການສະແດງລຸ່ນກ່ອນໆ, ແຕ່ກໍຍັງມີ ຟິມຮູບເງົາບາງເລື່ອງຂອງຜູ້ກຳກັບການສະແດງລຸ່ນໜຸ່ມ ອາຍຸ 30 ປີປາຍ. ພວກຂ້າພະເຈົ້າພາກພູມໃຈທີ່ສຸດຍ້ອນຜູ້ກຳກັບການສະແດງລຸ່ນສືບທອດຂອງ ບໍລິສັດຟິມຮູບເງົາເອກະສານໄດ້ປະກົດຕົວ, ເຂົ້າເຈົ້າໄດ້ນຳເອົາຜະລິດຕະພັນຂອງຕົນມາເຂົ້າຮ່ວມ ງານມະຫາກຳຮູບເງົາ. ບັນດາ ຟິມຮູບເງົາຂອງເຂົາເຈົ້າ, ພາຍຫຼັງນຳມາສາຍແລ້ວ, ກໍໄດ້ຮັບການຍ້ອງຍໍຢ່າງສຸດຂີດ”
ບັນດາຟິມຮູບເງົາເອກະສານຫວຽດນາມທີ່ນຳມາສາຍໃນ ງານມະຫາກຳຮູບເງົາຄັ້ງນີ້ ໄດ້ເຕື້ອງເຖິງບັນດາບັນຫາສັງຄົມຢ່າງເລິກເຊິ່ງຄືວຽກງານສຸຂາພິບານໃນວົງຄະນະຍາດຜ່ານ ຟິມຮູບເງົາ “ ເລື່ອງຍາວຢູ່ໂຮງໝໍ” ຫຼືບັນດາແງ່ມຸມທີ່ແຕກຕ່າງກັນຂອງບັນຫາສຶກສາຜ່ານ ຟິມຮູບເງົາ “ ຕົວໜັງສືຜ່ານລາຍການອອກອາກາດ” ແລະ “ ແຜນທີ່ຈິນຕະນາການ - ເສັ້ນທາງເຊື່ອມຕໍ່” ພ້ອມກັບ ຟິມຮູບເງົາອື່ນໆອີກຫຼາຍເລື່ອງ. ທ່ານນາງ Almuth Meyer – Zollitsch ຫົວໜ້າສະຖາບັນ Goeth ຫວຽດນາມ ໃຫ້ຮູ້ວ່າ :
“ ຂ້າພະເຈົ້າເຫັນຢູ່ຫວຽດນາມມີລຸ່ນຜູ້ຜະລິດຟິມຮູບເງົາທີ່ໜຸ່ມແໜ້ນ, ເຂົາເຈົ້າມີຄວາມເກັ່ງກ້າສາມາດ ແລະ ຍາມໃດກໍພ້ອມແລ້ວຈະພົວພັນແລກປ່ຽນ ກັບຜູ້ຜະລິດຟິມຮູບເງົາຕ່າງປະເທດ. ຄ່ຳຄືນມື້ແລ້ວນີ້, ຂ້າພະເຈົ້າໄດ້ຊົມຟິມຮູບເງົາຂອງຜູ້ຜະລິດຟິມຮູບເງົາຫວຽດນາມ ທີ່ມີຊື່ວ່າ “ ເລື່ອງຍາວຢູ່ໂຮງໝໍ”. ຂ້າພະເຈົ້າມີຄວາມຊົມຊອບທີ່ສຸດ ເພາະວ່ານີ້ແມ່ນຟິມຮູບເງົາທີ່ເວົ້າເຖິງບັນດາບຸກຄົນທຳມະດາ, ເວົ້າເຖິງຊີວິດເປັນຢູ່ແບບທຳມະດາຂອງເຂົາເຈົ້າ ແຕ່ຟິມຮູບເງົາໄດ້ສ້າງກາລະໂອກາດໃຫ້ແກ່ພວກເຂົາເຈົ້າໄດ້ອອກສຽງເວົ້າຂອງຕົນກ່ຽວກັບຊີວິດຂອງພວກເຂົາ. ຂ້າພະເຈົ້າເຫັນວ່າຟິມຮູບເງົາເລື່ອງນີ້ ມີລັກສະນະແທ້ຈິງ ແລະ ສ້າງຄວາມປະທັບໃຈ. ສິ່ງທີ່ຈັບໃຈກ່ວາໝູ່ແມ່ນເນື້ອໃນຂອງຟິມຮູບເງົາເອກະສານ ແມ່ນເວົ້າເຖິງສິ່ງທີ່ແທ້ຈິງໃນການດຳລົງຊີວິດ ”
ງານມະຫາກຳຮູບເງົາເອກະສານສາກົນປີນີ ກໍແມ່ນໂອກາດເພື່ອຍົກສູງຄຸນນະພາບບັນດາຟິມຮູບເງົາ, ແມ່ນເງື່ອນໄຂເພື່ອຮູບເງົາເອກະສານຫວຽດນາມ ກ້າວໄປໃກ້ກ່ວາກັບພື້ນຖານຮູບເງົາໂລກ. ນັກກຳກັບການສະແດງ ຫງວຽນວັນເຫືອງ ເປີດເຜີຍວ່າ:
“ ຂ້າພະເຈົ້າມີຄວາມເປັນກຽດເມື່ອ ຟິມຮູບເງົາຂອງຕົນຖືກນຳມາສາຍໃນ ງານມະຫາກຳຮູບເງົາຄັ້ງນີ້. ຟິມຮູບເງົາເອກະສານຫວຽດນາມ ກໍຄືຟິມຮູບເງົາເອກະສານຂອງຕ່່າງປະເທດ ລ້ວນແຕ່ມີແນວຄວາມຄິດດີທີ່ສຸດ, ແຕ່ໃນວິທີການສະແດງ, ພວກເຮົາມີໄລຍະຫ່່າງໃດໜຶ່ງ. ສິ່ງທີ່ອ່ອນດ້ອຍທີ່ສຸດຂອງພວກເຮົາແມ່ນຂອດການສຽງ. ພວກເຮົາຕ້ອງຖອດຖອນບົດຮຽນ. ຜ່ານບັນດາຟິມຮູບເງົາເອກະສານຂອງຕ່າງປະເທດທີ່ຖືກນຳມາສາຍນັ້ນ, ຂ້າພະເຈົ້າເຫັນວ່າ ໂຄງປະກອບຂອງ ຟິມຮູບເງົາແມ່ນຮັດກຸ່ມ. ສຳລັບຟິມຮູບເງົາເອກະສານຫວຽດນາມນັ້ນ, ໂຄງປະກອບຂອງຟິມແມ່ນຕ້ອງ ຖອດຖອນບົດຮຽນຫຼາຍ. ງານມະຫາກຳຮູບເງົາ ໄດ້ນຳມາເຊິ່ງຜົນປະໂຫຍດດີທີ່ສຸດ ເປັນຕົ້ນແມ່ນການພົບປະແລກປ່ຽນລະຫວ່າງວັດທະນະທຳຝ່າຍຕາເວັນອອກ ແລະ ຕາເວັນຕົກ. ທັງນີ້ກໍແມ່ນໂອກາດເພື່ອໃຫ້ຜູ້ຊົມ ແລະ ບັນດາຜູ້ຜະລິດຟິມຮູບເງົາຄືພວກຂ້າພະເຈົ້າສາມາດ ຖອດຖອນບົດຮຽນໄດ້ຫຼາຍຢ່າງ.”
ນາງ ຕະທິເຫ້ວ ຢູ່ຮ່າໂນ້ຍ ຜູ້ມາຊົມຟິມຮູບເງົາໃນ ງານມະຫາກຳຮູບເງົາ ເອກະສານສາກົນຄັ້ງທີ່ 5 ເປີດເຜີຍວ່າ:
“ ພາຍຫຼັງໄດ້ຮັບຊົມບັນດາຟິມຮູບເງົາເອກະສານຫວຽດນາມໃນງານມະຫາກຳຮູບເງົາຄັ້ງນີ້, ຂ້າພະເຈົ້າຮູ້ສຶກວ່າຟິມຮູບເງົາເອກະສານຫວຽດນາມຜ່ານງານມະຫາກຳຮູບເງົາ 5 ຄັ້ງ ໄດ້ມີການເຊື່ອມຕົວໃນວິທີການສະແດງຮູບເງົາ ”
ງານມະຫາກຳຮູບເງົາ ເອກະສານສາກົນຄັ້ງທີ່ 5 ແມ່ນໂອກາດເພື່ອໃຫ້ບັນດາ ຜູ້ຜະລິດຟິມຮູບເງົາຫວຽດນາມໄດ້ສຳຜັດກັບແບບວິທີຜະລິດຟິມຮູບເງົາເອກະສານ ທີ່ສາມາດດຶງດູດຜູ້ຊົມທຸກຊັ້ນຄົນ, ທຸກປະຊາຊາດໃນໂລກ. ພ້ອມກັນນັ້ນ, ບັນດາຜູ້ຜະລິດຟິມຮູບເງົາຫວຽດນາມຍັງໄດ້ສຳຜັດກັບບັນດາສິ່ງທີ່ແຕກຕ່າງກັນກ່ຽວກັບໂລກຮູບເງົາທີ່ຍາມໃດກໍຕ້ອງມີສິ່ງໃໝ່ອຽມ