(vovworld)-ຕາມໝາກຜົນແຫ່ງການເລືອກຕັ້ງຊື່ງຖືກປະກາດໃນຕອນເຊົ້າວັນທີ 6/10, ຜູ້ມີສິດເລືອກຕັ້ງ ບຣາຊີນ ຕອ້ງໄປປ່ອນບັດເລືອກຕັ້ງປະທານາທິບໍດີ ຮອບທີ 2 ໃນວັນທີ 26/10 ຍ້ອນບໍ່ມີຜູ້ສະໝັກຮັບເລືອກຕັ້ງທ່ານໃດຍາດໄດ້ຈຳນວນບັດກາຍເຄິ່ງເພື່ອກາຍເປັນຜູ້ນຳຂອງປະເທດໃຫຍ່ສຸດ ແລະ ມີພົນລະເມືອງຫລາຍສຸດຢູ່ ອາເມລິກາລາຕີນ. ທີ່ການປ່ອນບັດຮອບທີ 2 ນີ້ ພຽງແຕ່ແມ່ນການແກ້ງແຍ້ງລະຫວ່າງຜູ້ສະໝັກຮັບເລືອກຕັ້ງ 2 ທ່ານຄື: ທ່ານນາງ ປະທານາທິບໍດີ Dilma Rousseff ຂຶ້ນກັບພັກແຮງງານ(PT) ແລະ ສະມາຊິກສະພາສູງ ທ່ານ Aecio Neves ຂຶ້ນກັບພັກປະຊາທິປະໄຕສັງຄົມ(PSDB). ນີ້ແມ່ນຜູ້ສະໝັກຮັບເລືອກຕັ້ງ 2 ທ່ານຍາດໄດ້ຈຳນວນບັດຫລາຍສຸດໃນການປ່ອນບັດເລືອກຕັ້ງປະທານາທິບໍດີ ຄັ້ງທຳອິດ.
ປະທານາທິບໍດີ Dilma Rousseff ເປັນຄູ່ແຂງກັບທ່ານ Aecio Neves
ໃນການເລືອກຕັ້ງປະທານາທິບໍດີຮອບ 2
ໝາກຜົນການເລືອກຕັ້ງປະທານາທິບໍດີ ບຣາຊີນ ໃນຄັ້ງທຳອິດສະແດງໃຫ້ເຫັນວ່າ ທ່ານນາງ ປະທານາທິບໍດີ Dilma Rousseff ນຳຫນ້າດ້ວຍ 41,08% ບັດສະຫນັບສະຫນູນ ໃນຂະນະຜູ້ສະໝັກຮັບເລືອກຕັ້ງ Aecio Neves ຢືນອັນດັບ 2 ດ້ວຍຈຳນວນບັດສະຫນັບສະຫນູນ 34,20%. ສ່ວນທ່ານນາງ Marina Silva ພຽງໄດ້ຮັບຈຳນວນບັດສະຫນັບສະຫນູນ 21%. ດ້ວຍໝາກຜົນນີ້, ທ່ານນາງ Marina Silva, ຕ້ອງຢຸດຕິໃນການຊ່ວງເສັງຍາດທີ່ນັ່ງປະທານາທິບໍດີ ບຣາຊີນ.
ບັນດາທ່າໄດ້ປຽບຂອງຜູ້ສະໝັກຮັບເລືອກຕັ້ງ 2 ທ່ານ
ທ່ານນາງ Dilma Rousseff ໄດ້ຮູ້ຈັກເຖິງແມ່ນປະທານາທິບໍດີຍິງຄົນທຳອິດຂອງ ບຣາຊີນ. ປີ 2010, ພາຍໃຕ້ການຊີ້ນຳນຳພາຂອງອະດີດປະທານາທິບໍດີ Lula da Silva, ທ່ານນາງຍາດໄດ້ທີ່ນັ່ງເປັນຜູ້ນຳສູງສຸດຂອງປະເທດຊາດ. ທ່ານນາງຂຶ້ນກຳອຳນາດໃນເງື່ອນໄຂສະດວກ ພ້ອມກັບແນວທາງຊີ້ນຳນຳພາຢ່າງມີໄຫວພິບ, ທ່ານນາງ Dilma Rousseff ໄດ້ປະກອບສ່ວນບໍ່ຫນ້ອຍຊ່ວຍໃຫ້ ບຣາຊີນ ບັນລຸໄດ້ບັນດາຜົນງານກ່ຽວກັບເສດຖະກິດ ສັງຄົມ. ໃນບົດລາຍງານໂດຍ ສປຊ ປະກາດຫວ່າງແລ້ວນີ້ ໄດ້ຮັບຮູ້ວ່າ ພາຍໃຕ້ການຊີ້ນຳນຳພາຂອງທ່ານນາງ Dilma Rousseff ແລະ ຜູ້ສືບທອດແມ່ນທ່ານ Lula da Silva, ອັດຕາສ່ວນຜູ້ວ່າງງານຫລຸດລົງຍັງເຫລືອພຽງ 5%, ຊື່ງແມ່ນລະດັບຕ່ຳສຸດໃນປະຫວັດສາດຂອງປະເທດຊາດທີ່ມີພົນລະ ເມືອງກວ່າ 200 ລ້ານຄົນ. ນີ້ແມ່ນໝາກຜົນຂອງບັນດາຄວາມມານະພະຍາຍາມຂອງລັດຖະບານໃນ ການສ້າງວຽກເຮັດງານທຳ, ຫນູນຊ່ວຍດ້ານການເງິນ ແລະ ກໍ່ສ້າງເຮືອນຢູ່ນັບລ້ານຫລັງໃຫ້ແກ່ຜູ້ມີລາຍຮັບຕ່ຳ.
ໃນລາຍການຫາສຽງເລືອກຕັ້ງ, ທ່ານນາງ Dilma Rousseff ໃຫ້ຄຳໝັ້ນສັນຍາ, ຈະສືບຕໍ່ປະຕິບັດນະໂຍບາຍພັດທະນາເສດຖະກິດ ພ້ອມກັບການປະຕິບັດຄວາມສະເໝີພາບໃນສັງຄົມ, ເຊິ່ງໄດ້ຮັບການປະຕິບັດກ່ອນນີ້ 12 ປີ, ນັບແຕ່ເມື່ອ PT ຂຶ້ນກຳອຳນາດ, ອະນຸບາດໃຫ້ຄົນທຸກຍາກກວ່າ 40 ລ້ານຄົນ ເຂົ້າເປັນສະມາຊິກຊົນຊັ້ນກາງໃນສັງຄົມ.
ຄູ່ແຂງຂອງ ທ່ານນາງ Dilma Rousseff ແມ່ນທ່ານ Aecio Neves ແມ່ນຜູ້ທີ່ມີນະໂຍບາຍສະຫງ່ຽມຄ່ຽມຄົມ ແລະ ໄດ້ຮັບການສະໜັບສະໜູນທີ່ສຸດຈາກນັກທຸລະກິດ. ນັກການເມືອງທີ່ມີອາຍຸ 54 ປີນີ້ ແມ່ນນັກເສດຖະກິດຕາມທ່າອ່ຽງເສລີໃໝ່ ແລະ ພວມນຳພາ PSDB. ທ່ານເຄີຍແມ່ນປະທານສະພາຕຳ່ສະຫະພັນສະມາຊິກສະພາຕຳ່ສະຫະພັນ ແລະ ນັບແຕ່ເດືອນ 2/2013 ມາຮອດປະຈຸບັນ ແມ່ນສະມາຊິກສະພາສູງສະຫະພັນ.
ທ່າໄດ້ປຽບທີ່ສຸດຂອງທ່ານ ແມ່ນມີຄວາມສະໜິດກັບວົງການນັກທຸລະກິດ ແລະ ເຄີຍແມ່ນຜູ້ຮັກສາການລັດ Minas Gerais ທີ່ມີພົນລະເມືອງຫຼາຍອັນດັບ 2 ຂອງ ບຣາຊິນ. ຢູ່ທີ່ນີ້, ທ່ານໄດ້ປະສົບຜົນສຳເລັດທີ່ສຸດ ດ້ວຍໂຄງການຟື້ນຟູຂະແໜງການເງິນລັດ, ສະໜອງປື້ມຕຳລາຮຽນໃຫ້ນັກຮຽນມັດທະຍົມຕອນປາຍ, ນັບທັງປື້ມສຳລັບຄົນຕາບອດອີກ. ປີ 2010, ທ່ານລາອອກຈາກຕຳແໜ່ງຜູ້ວ່າການລັດ ແລະ ໄດ້ຮັບການໜູນຊ່ວຍຈາກນັກລົງທຶນຫຼາຍຄົນກໍ່ຄືບັນດາກຸ່ມບໍລິສັດການຄ້າ.
Aecio Neves ແມ່ນຜູ້ທີ່ມີທັດສະນະຕ່າງກັບລັດຖະບານໃນປະຈຸບັນ, ນັບທັງທາງດ້ານເສດຖະກິດ ກໍ່ຄືນະໂຍບາຍການຕ່າງປະເທດ, ແຕ່ທ່ານຍັງໃຫ້ຄຳໝັ້ນສັນຍາສືບຕໍ່ເປີດກວ້າງບັນດາລາຍການສັງຄົມໃນປະຈຸບັນ.
ສິ່ງບັງເອີນທຸກຢ່າງອາດຈະເກີດຂຶ້ນໄດ້
ຫາງສຽງຍັງຄົງຈື່ຈຳການເລືອກຕັ້ງປະທານາທິບໍດີ ບຣາຊິນ ຮອບທຳອິດ, ເມື່ອຜູ້ສະໝັກຮັບເລືອກຕັ້ງຂອງພັກສັງຄົມ (PSDB) ຝ່າຍຄ້ານ, ສະມາຊິກສະພາສູງ Aecio Neves ລື່ນກາຍຄູ່ແຂງຂອງຕົນແມ່ນທ່ານນາງ Marina Silva ໂດຍບັງເອີນ ເພື່ອຍາດໄດ້ສິດລອດເຂົ້າຮອບທີ່ 2 ແລະ ກາຍເປັນຄູ່ແຂງຂອງປະທານາທິບໍດີໃນປະຈຸບັນແມ່ນທ່ານນາງ Dilma Rousseff. ໃນຂະນະທີ່ຜົນຂອງການຢັ່ງຫາງສຽງພັດໃຫ້ຮູ້ວ່າ, ທ່ານ Aecio Neves ບໍ່ໄດ້ຮັບການສະໜັບສະໜູນຫຼາຍຈາກຜູ້ມີສິດເລືອກຕັ້ງເມື່ອທຽງໃສ່ທ່ານນາງ Marina Silva. ຍ້ອນເຫດນັ້ນ, ຫາງສຽງຈຶ່ງບໍ່ສາມາດຄາດຄະເນຢ່າງຄັກແນ່ໄດ້ວ່າໃນການເລືອກຕັ້ງຮອບທີ 2 ນີ້, ຜູ້ໃດຈະຍາດໄດ້ໄຊຊະນະ.
ຄຽງຂ້າງນັ້ນການຊຸດໂຊມເສດຖະກິດໃນໄລຍະຜ່ານມາກໍ່ສົ່ງຜົນສະທ້ອນເຖິງຜົນສຳເລັດຂອງທ່ານນາງປະທານາທິບໍດີ ບຣາຊິນ ໃນປະຈຸບັນ. ອັດຕາເຕີບໂຕເສດຖະກິດຈາກ 4% ໃນເມື່ອກ່ອນ, ປະຈຸບັນບັນລຸພຽງ 1,5%/ປີ. ລະດັບໄພເງິນເຟີ້ເພີ່ມຂຶ້ນກວ່າ 6.5%... ສິ່ງດັ່ງກ່າວໄດ້ເຮັດໃຫ້ອິດທິພົນຊື່ສຽງຂອງນັກການເມືອງຍິງລັດຖະບານ ບຣາຊິນ ຜູ້ນີ້ຖືກຫຼຸດລົງໃນລະດັບ 30% (ກ່ອນນີ້ແມ່ນ 78%).
ສ່ວນທ່ານ ສະມາຊິກສະພາສູງ Aecio Neves, ພາຍຫຼັງຖືກຈັດອັນດັບ 2 ໃນການເລືອກຕັ້ງປະທານາທິບໍດີ ບຣາຊິນ ຮອບທີໜຶ່ງ, ຜູ້ສະໝັກຮັບເລືອກຕັ້ງຂອງພັກສັງຄົມປະຊາທິປະໄຕ (PSDB) ຝ່າຍຄ້ານ ໄດ້ຮຽກຮ້ອງການສະໜັບສະໜູນຂອງຜູ້ມີສິດເລືອກຕັ້ງພັກສັງຄົມ (PSB) ໃນການເລືອກຕັ້ງຮອບທີ 2. ທ່ານ Aecio Neves ຖືວ່າສອງພັກຝ່າຍຄ້ານຕົ້ນຕໍຢູ່ປະເທດທີ່ມີພົນລະເມືອງຫຼາຍກວ່າໝູ່ຢູ່ ອາເມລິກາລາຕີນ ນີ້, ຕ້ອງຮ່ວມສຳພັນນຳກັນ ເພື່ອຢຸດຕິ 12 ປີ ແຫ່ງກຳອຳນາດຂອງພັກແຮງງານ (PT)ຕາມແນວທາງຝ່າຍຊ້າຍ.
ປະທານາທິບໍດີຄົນໃໝ່ຂອງ ບຣາຊິນ ຈະໄດ້ຮັບເລືອກລະຫວ່າງທ່ານທັງທັງທອງແມ່ນທ່ານນາງ Dilma Rousseff ແລະ ທ່ານນາງ Aecio Neves ໃນວັນທີ 26/10. ຜູ້ໃດໃນຈຳນວນຜູ້ສະໝັກຮັບເລືອກຕັ້ງ 2 ທ່ານ ຈະກາຍເປັນຜູ້ບໍລິຫານປະເທດທີ່ມີພົນລະເມືອງກວ່າ 200 ຄົນນີ້ ນັບແຕ່ວັນທີ 1/1/2015 ຢ່າງເປັນທາງການ. ນີ້ຈະຂຶ້ນກັບສິດຕັດສິນຂອງຜູ້ມີສິດເລືອກຕັ້ງ ບຣາຊິນ.