ປະຊາຄົມຜູ້ເຊື່ອຖືສາດສະໜາ ຕີລາຄາສູງເລື່ອງສະພາແຫ່ງຊາດຫວຽດນາມ ຫາກໍ່ປຶກສາຫາລື ແລະ ຄາດຄະເນຈະຮັບຮອງເອົາຮ່າງກົດໝາຍວ່າດ້ວຍການເຫຼື້ອມໃສ, ສາດສະໜາ ໃນກອງປະຊຸມສະໄໝສາມັນ ຄັ້ງທີ 2, ສະພາແຫ່ງຊາດ ຊຸດທີ 14. ບັນດາຜູ້ມີຍົດສັກຕຳແໜ່ງ ຂອງບັນດາສາດສະໜາ ຖືວ່າ: ການສ້າງ ແລະ ປະກາດໃຊ້ກົດໝາຍວ່າດ້ວຍການເຫຼື້ອມໃສ, ສາດສະໜາ ໃນຈຸດເວລານີ້ ແມ່ນຈຳເປັນທີ່ສຸດ, ຍ້ອນໄດ້ຫັນເປັນລະບອບລະບຽບການ ບັນດາຂໍ້ກຳນົດ ຂອງລັດຖະທຳມະນູນປີ 2013 ກ່ຽວກັບສິດເສລີ ໃນການເຫຼື້ອມໃສສາດສະໜາ ກໍຄືປະກອບສ່ວນຮັບປະກັນສິດເສລີໃນການເຫຼື້ອມໃສ, ສາດສະໜາ ໃຫ້ແກ່ທຸກຄົນ, ເປັນຕົ້ນແມ່ນໃຫ້ແກ່ບັນດາຜູ້ເຊື່ອຖືສາດສະໜາ, ເຫຼື້ອມໃສ.
ພະອາຈານໃຫຍ່ ທິກແທງກວຽດໃນກອງປະຊຸມສະໄໝສາມັນ ຄັ້ງທີ 2, ສະພາແຫ່ງຊາດ ຊຸດທີ 14 |
ຫວຽດນາມເປັນປະເທດທີ່ມີຫຼາຍຊົນເຜົ່າ, ສາດສະໜາ, ຄວາມເຫຼື້ອມໃສ. ພັກ ແລະ ລັດ ຫວຽດນາມ ຍາມໃດກໍ່ຢືນຢັນ ແຜນນະໂຍບາຍ, ນະໂຍບາຍສະເໝີຕົ້ນສະເໝີປາຍ ເປັນທີ່ເຄົາລົບ, ຮັບປະກັນສິດເສລີ, ໃນການເຫຼື້ອມໃສ ຂອງປະຊາຊົນ. ບັນດາສາດສະໜາ ຍາມໃດກໍສາມັກຄີຮ່ວມເດີນທາງພ້ອມກັບຊາດ, ສ້າງສາດສະໜາ ແລະ ການດຳລົງຊີວິດໃຫ້ດີງາມ. ກົດໝາຍວ່າດ້ວຍການເຫຼື້ອມໃສສາດສະໜາ ໄດ້ຖືກສ້າງຂື້ນ ອີງໃສ່ນະໂຍບາຍສະເໝີຕົ້ນສະເໝີປາຍ ພ້ອມທັງ ເພີ່ມເຕີມຫຼາຍຈຸດໃໝ່ ໃຫ້ສອດຄ່ອງກັບການດຳລົງຊີວີດທາງສາດສະໜາ ໃນປັດຈຸບັນນີ້.
ເຄົາລົບຄວາມເຊື້ອຖືເຫຼື້ອມໃສ່ສາດສະໜາ
ຮ່າງກົດໝາຍວ່າດ້ວຍການເຫຼື້ອມໃສ, ສາດສະໜາ ໄດ້ຍື່ນສະເໜີຕໍ່ສະພາແຫ່ງຊາດ ຄັ້ງນີ້ ລວມມີ 9 ພາກ, 68 ມາດຕາ ໄດ້ມີຄວາມກ້າວໜ້າເມື່ອທຽບໃສ່ລັດຖະບັນຍັດວ່າດ້ວຍການເຫຼື້ອມໃສ, ສາດສະໜາກ່ອນໜ້ານີ້. ຈຸດກ້າວໜ້າທີ່ສຳຄັນໃນຮ່າງກົດໝາຍນີ້ ແມ່ນຢູ່ ມາດຕາ 6 ໄດ້ສະແດງເຖິງສິດເສລີ ການເຫຼື້ອມໃສ ບໍ່ພຽງແຕ່ແມ່ນຂອງປະຊາຊົນ ຫາກຍັງແມ່ນສິດເສລີຂອງແຕ່ລະຄົນ, ທີ່ເຊື່ອຖື ຫຼື ບໍ່ເຊື່ອຖືສາດສະໜາໃດ. ນັກບວດ, ທ່ານ ເຈີ່ນວັນຮິ່ງ ຫົວໜ້າຄະນະປະຈຳສະມາຄົມສາດສະໜາກາວດາຍແບກອີ ສະມາຊິກສະພາແຫ່ງຊາດ ແຂວງກຽນຢາງ, ຕີລາຄາວ່າ:
“ ນອກຈາກເປີດກ້ວາງຂອບເຂດ, ບັນດາອົງການ, ສ່ວນບຸກຄົນມີສິດເສລີໃນການເຫຼືຶ້ອມໃສສາສະໜາ, ສາສະໜາແມ່ນຈາກພົນລະເມືອງເຕົ້າໂຮມກັນຫຼາຍຄົນ ສະແດງໃຫ້ເຫັນຢ່າງຖືກຕ້ອງກ່ຽວກັບທາດແທ້ຂອງ ສິດເສລີໃນການເຫຼືຶ້ອມໃສ, ສາສະໜາ ແມ່ນສິດທິມະນຸດຕາມຈິດໃຈຂອງຂອງລັດຖະທຳມະນູນປີ 2013, ຮ່າງກົດໝາຍໄດ້ເພີ່ມເຕີມອີກພາກໜຶ່ງ, ພາກທີ 2 ກ່ຽວກັບ ສິດເສລີໃນການເຫຼືຶ້ອມໃສສາສະໜາ ສ່ອງແສງຢ່າງຈະແຈ້ງກວ່າກ່ຽວກັບລັກສະນະສະເໝີຕົ້ນສະເໝີປາຍຂອງພັກ, ລັດ ແມ່ນເຄົາລົບ ແລະ ຮັບປະກັນ ສິດເສລີໃນການເຫຼືຶ້ອມໃສສາສະໜາຂອງທຸກໆຄົນ, ສິດ ແລະ ພັນທະທີ່ມີການເຫຼືຶ້ອມໃສ, ສາສະໜາຂອງອົງການສາສະໜາ ”
ເມື່ອເຕື້ອງເຖິງເງື່ອນໄຂການເຄື່ອນໄຫວຂອງບັນດາສາສະໜາ, ຕາມພະອາຈານໃຫຍ່ ທິກແທງກວຽດ, ຮອງປະທານສະພາບໍລິຫານງານສະມາຄົມພຸດທະສາສະໜາຫວຽດນາມ, ສ.ສ.ຊແຂວງ ກວາງນິງແລ້ວ, ຮ່າງກົດໝາຍສະບັບນີ້ ມີຫຼາຍຂໍ້ກຳນົດກ່ຽວກັບກົນໄກ ຂໍ-ໃຫ້ເມື່ອກ່ອນນີ້ ໄດ້ຖ ືກທົດແທນດ້ວຍຮູບການຈົດທະບຽນຫຼືປະກາດ. ຮ່າງກົດໝາຍສະບັບນີ້ຍັງກຳນົດແຈ້ງຄວາມຮັບຜິດຊອບຂອງລັດທີ່ມີຕໍ່ການເຄື່ອນໄຫວເຫຼືຶ້ອມໃສສາສະໜາ, ປະກອບສ່ວນໃຫ້ແກ່ບັນດາອົງການສາສະໜາເຊື່ອມໂຍງເຂົ້າສາກົນຢ່າງສະດວກກວ່າເກົ່າ. ພະອາຈານໃຫຍ່ ທິກແທງກວຽດ ຖືວ່າ :
“ກົດໝາຍສະບັບນີ້ ໄດ້ເປີດກ້ວາງກ່ວາກ່ຽວກັບຄຳນິຍາມດ້ານນິຕິທຳຂອງລັດຖະບັນຍັດ, ໄດ້ຖືເປັນສຳຄັນລັກສະນະນິຕິທຳບັນດາການເຕຄື່ອນໄຫວດຳເນີນຊີວິດທາງສາສະໜາຄື ເງື່ອນໄຂຈົດທະບຽນ ດຳເນີນຊີວິດທາງສາສະໜາລວມສູນ, ອອກໜັງສືອະນຸຍາດຈົດທະບຽນການເຄື່ອນໄຫວທາງສາສະໜາ, ພິເສດ, ການຮັບຮອງບັນດາອົງການສາສະໜາໄດ້ປະຕິບັດຢ່ງງ່າຍດາຍກ່ວາເກົ່າ ”
ເປັນຄັ້ງທຳອິດ ສິດເສລີໃນການເຫຼືຶ້ອມໃສສາສະໜາຂອງຊາວຕ່າງປະເທດທີ່ພັກອາໄສຢ່າງຖືກຕ້ອງຢູ່ຫວຽດນາມໄດ້ຮັບການຢັ້ງຢືນຢ່າງເຕັມສ່ວນກວ່າ. ຕາມນັ້ນແລ້ວ, ຊາວຕ່າງປະເທດຈະມີສິດ ດຳເນີນຊີວິດ, ເຄື່ອນໄຫວເຫຼືອມໃສ,ສາສະໜາປຽບເໝືອນພົນລະເມືອງຫວຽດນາມ. ຄຸນພໍໍ່ຫງວຽນວັນຣ້ຽນ ຫົວໜ້າເຂດຊາວຄຼິດເຟືອກແທ່ງ, ຟູ້ເກືອງ, ສ.ສ.ຊ ແຂວງບີງເຢືອງ ຕີລາຄາວ່າ :
“ ປີ 2004, ພວກເຮົາມີພຽງລັດຖະບັນຍັດວ່າດ້ວຍການເຫຼືຶ້ອມໃສສາສະໜາ. ນີ້ແມ່ນບາດກ້າວເດີນໃໝ່ ສອດຄ່ອງກັບຄວາມມຸ່ງຫວັງຂອງປະຊາຊົນ, ສອດຄ່ອງກັບທ່າອຽງຂອງຍຸກສະໄໝ, ຕອບສະໜອງຄວາມຮຽກຮ້ອງຕ້ອງການປ່ຽນແປງໃໝ່ຂອງປະເທດຊາດ ແລະ ສ້າງເງື່ອນໄຂໃຫ້ແກ່ບັນດາອົງການສາສະໜາປະຕິບັດສິດອັນຊອບທຳຂອງຕົນ ”
ມອບສິດໃຫ້ແກ່ບັນດາອົງການສາສະໜາໃນຂົງເຂດສາທາລະນະສຸກ, ການສຶກສາ ແລະ ຊ່ວຍເຫຼືອສັງຄົມ
ສິ່ງທີ່ໜ້າສົນໃຈໃນ ຮ່າງກົດໝາຍວ່າດ້ວຍການເຫຼືຶ້ອມໃສສາສະໜາແມ່ນການເຄື່ອນໄຫວຂອງອົງການສາສະໜາໃນຂົງເຂດ ສາທາລະນະສຸກ, ການສຶກສາ ແລະ ຊ່ວຍເຫຼືອສັງຄົມ ໄດ້ຮັບການເປີດກ້ວາງຕາມທິດສອດຄ່ອງກັບຂໍ້ກຳນົດຂອງກົດໝາຍທີ່ກ່ຽວຂ້ອງ. ຄຸນພໍໍ່ຫງວຽນວັນຣ້ຽນ ຫົວໜ້າເຂດຊາວຄຼິດເຟືອກແທ່ງ, ຟູ້ເກືອງ, ສ.ສ.ຊ ແຂວງບີງເຢືອງ ແບ່ງປັນວ່າ :
“ ຕາມລັດຖະບັນຍັດປີ 2004, ການເຄື່ອນໄຫວເພື່ອການກຸສົນຂອງບັນດາສາສະໜາ ແມ່ນການເຄື່ອນໄຫວໄດ້ຮັບການສົ່ງເສີມຈາກລັດນັ້ນ, ປະຈຸບັນ, ໃນ ຮ່າງກົດໝາຍໃໝ່, ບັນດາບັນຫານີ້ໄດ້ກາຍເປັນສິດແລ້ວ. ນີ້ແມ່ນບັນດາຂໍ້ກຳນົດຢ່າງຖືກຕ້ອງ, ເປີດກາລະໂອກາດໃຫ້ແກ່ບັນດາອົງການສາສະໜາເຂົ້າຮ່ວມໃນ ຂົງເຂດສາທາລະນະສຸກ, ການສຶກສາ ເພື່ອຜົນປະໂຫຍດຂອງທົ່ວສັງຄົມ”
ສ່ວນພະອາຈານໃຫຍ່ ຫຼີມິນດຶກ, ເຈົ້າອະທິການວັດ ຊອມຣົງ ນະຄອນ ຊອກຈັງ, ສ.ສ.ຊ ແຂວງຊອກຈັງ ເຊື່ອໝັ້ນວ່າ :
“ ຮ່າງກົດໝາຍວ່າດ້ວຍການເຫຼືຶ້ອມໃສສາສະໜາຈະປະກອບສ່ວນລະດົມໃຈທຸກໆຄົນໃນສາສະໜາເສີມຂະຫຍາຍບັນດາຄຸນຄ່າອັນດີງາມຂອງສາສະໜາ ແລະ ລັດທິສັງຄົມນິຍົມ, ເສີມຂະຫຍາຍນ້ຳໃຈຮັກຊາດ, ຕໍ່ສູ້ຕ້ານກົນອຸບາຍຫວັງມ້າງເພທຳລາຍລະບອບສັງຄົມນິຍົມ”
ຮ່າງກົດໝາຍວ່າດ້ວຍການເຫຼືຶ້ອມໃສສາສະໜາຖ້າຫາກໄດ້ຮັບການຮັບຮອງເອົາຈາກສະພາແຫ່ງຊາດໃນກອງປະຊຸມສະໄໝສາມັນເທື່ອນີ້ຈະສ້າງເງື່ອນໄຂໃຫ້ແກ່ບັນດາສາສະໜາປະກອບສ່ວນຫຼາຍກວ່າເຂົ້າໃນການພັດທະນາປະເທດຊາດ.