ວັນທີ 8/8, ສະມາຄົມບັນດາປະຊາຊາດອາຊີຕາເວັນອອກສ່ຽງໃຕ້ ຫຼືອາຊຽນໄດ້ຈັດຕັ້ງສະເຫຼີມສະຫຼອງ 49 ປີແຫ່ງວັນສ້າງຕັ້ງຂອງຕົນ (ວັນທີ 8/8/1967- 8/8/2016). ໂດຍຜ່ານເກືອບ 5 ທົດສະວັດແຫ່ງການສ້າງຕັ້ງ ແລະ ຂະຫຍາຍຕົວ, ອາຊຽນໃນວັນນີ້ໄດ້ກາຍເປັນປະຊາຄົມລວມ, ໃນນັ້ນຖືເອົາເສດຖະກິດເປັນເສົາຄ້ຳ, ດ້ວຍເປົ້າໝາຍນຳອາຊຽນກາຍເປັນພາກພື້ນພັດທະນາເສດຖະກິດທີ່ຂະຫຍັ່ນຂັ່ນເຄື່ອນ ແລະ ວັດທະນາຖາອອນ. ໂດຍການເປັນສະມາຊິກອາຊຽນເປັນເວລາ 21 ປີ, ຫວຽດນາມພວມມານະພະຍາຍາມພ້ອມກັບປະຊາຄົມອາຊຽນກ້າວເຂົ້າສູ່ໄລຍະໃໝ່, ເຊື່ອມໂຍງເຂົ້າກັບສາກົນຢ່າງແຂງແຮງກວ່າ.
 |
ຈາກຈຳນວນ 5 ປະເທດພາຄີໃນເບື້ອງຕົ້ນ, ພາຍຫຼັງ 49 ປີ, ອາຊຽນໄດ້ກາຍເປັນພາກພື້ນທີ່ໄດ້ເຊື່ອມຈອດລະຫວ່າງ 10 ປະເທດ ອາຊີຕາເວັນອອກສ່ຽງໃຕ້, ພ້ອມກັນກໍ່ສ້າງປະຊາຄົມ ແລະ ສ້າງຄວາມເຊື່ອໝັ້ນຕໍ່ກັນ. ຜ່ານ 49 ປີແຫ່ງການສ້າງຕັ້ງ ແລະ ຂະຫຍາຍຕົວ, ໜຶ່ງໃນບັນດາຂີດໝາຍທີ່ເປັນໜ້າຈົດຈຳຂອງອົງການນີ້, ນັ້ນແມ່ນການສ້າງຕັ້ງປະຊາຄົມອາຊຽນເມື່ອທ້າຍປີ 2015 ຊຶ່ງລວມທັງບັນດາເປົ້າໝາຍຈຸດສຸມ ນັ້ນແມ່ນລະດັບຮ່ວມສຳພັນດ້ານເສດຖະກິດໃຫ້ແຂງແຮງກວ່າ, ເສີມຂະຫຍາຍບົດບາດເປັນແກ່ນກາງຂອງອາຊຽນໃນສະພາວະທີ່ນັບມື້ນັບສັບສົນ ແລະ ມີບັນດາການໜູນຊ່ວຍຂອງບັນດາປະເທດໃຫຍ່.
ຜັນຂະຫຍາຍວິໄສທັດພັດທະນາປະຊາຄົມຢ່າງມີປະສິດທິຜົນ
ນັບຕັ້ງແຕ່ ປະຊາຄົມອາຊຽນໄດ້ຮັບການສ້າງຕັ້ງຂຶ້ນ, ອາຊຽນໄດ້ຜັນຂະຫຍາຍບັນດາແຜນການທີ່ໄດ້ວາງອອກ. ໃນຂົງເຂດສັນຕິພາບ ແລະຄວາມໝັ້ນຄົງ, ດ້ວຍການເຄື່ອນໄຫວປະມານ 300 ປະການໃນແຜນການໄດ້ຮັບການປະຕິບັດ, ກວມເອົາປະມານ 40%. ໃນຂົງເຂດເສດຖະກິດ, ອາຊຽນໄດ້ເປີດກ້ວາງການຮ່ວມສຳພັນກັບບັນດາຄູ່ຮ່ວມມືພາຍນອກ ແລະ ປະຕິບັດຂໍ້ຕົກລົງໃນຂອບເຂດຂອງປະຊາຄົມເສດຖະກິດອາຊຽນ. ໃນ 7 ເດືອນທີ່ຜ່ານມາ, ນັບຕັ້ງແຕ່ໄດ້ຮັບການສ້າງຕັ້ງຂຶ້ນ, ຜົນງານທີ່ດີພໍສົມຄວນຂອງ ປະຊາຄົມເສດຖະກິດອາຊຽນ, ນັ້ນແມ່ນຜັນຂະຫຍາຍການປະຕິບັດບັນດາແຜນການທີ່ໄດ້ວາງອອກໃນຂົງເຂດເສດຖະກິດ ຄືສືບຕໍໍ່ຊຸກຍູ້ການເຈລະຈາສັນຍາຄູ່ຮ່ວມມືເສດຖະກິດຮອບດ້ານໃນພາກພື້ນ (RCEP) ລະຫວ່າງບັນດາປະເທດອາຊີປາຊີຝິກ ແລະ ອາຊຽນພາຍຫຼັງທີ່ໄດ້ສ້າງຕັ້ງປະຊາຄົມ ນັ້ນແມ່ນການດຶງດູດຄວາມສົນໃຈ ແລະ ການສະໜັບສະໜູນຢ່າງແຂງແຮງຈາກປະຊາຄົມໂລກ. ທ່ານລັດຖະມົນຕີກະຊວງການຕ່າງປະເທດຫວຽດນາມ ເລຮ່ວາຍຈຸງ ເນັ້ນໜັກວ່າ :
“ ດັ່ງທີ່ພວກເຮົາໄດ້ຮູ້ນຳກັນແລ້ວວ່າ ທີ່ກອງປະຊຸມລັດຖະມົນຕີການຕ່າງປະເທດ ອາຊຽນ 49 ທີ່ຜ່ານມາຢູ່ລາວ, ໄດ້ມີ 4 ປະເທດຢູ່ນອກພາກພື້ນໄດ້ເຂົ້າຮ່ວມສັນທິສັນຍາມິດຕະພາບ ແລະ ການຮ່ວມມື, ມີຕື່ມ 2 ຄູ່ຮ່ວມມືເຂົ້າຮ່ວມການພົວພັນຄູ່ຮ່ວມມືໃນແຕ່ລະຂົງເຂດ. ປະຈຸບັນ, ໂລກກໍລ້ວນແຕ່ຮູ້ຈັກເຖິງການສ້າງຕັ້ງ ປະຊາຄົມອາຊຽນ ກໍຄືອິດທິພົນຂອງ ອາຊຽນໃນເວທີສາກົນ ”
ຮັບປະກັນຄວາມສາມັກຄີໃນ ອາຊຽນຕໍ່ໜ້າສິ່ງທ້າທາຍຮ່ວມ
ໃນວິວັດການແຫ່ງການສ້າງຕັ້ງວ ແລະ ຂະຫຍາຍຕົວ, ອາຊຽນໄດ້ມີຄວາມສະດວກຫຼາຍຢ່າງຍ້ອນມີສະພາບແວດລ້ອມສັນຕິພາບ ແລະ ສະຖຽນລະພາບໃນພາກພື້ນ, ແຕ່ໃນປະຈຸບັນ, ອາຊຽນກໍພວມປະເຊີນໜ້າກັບສິ່ງທ້າທາຍໃຫຍ່ຕໍ່ໜ້າສະພາບການຜັນແປຂອງໂລກ. ພ້ອມກັນນັ້ນ, ອາຊຽນກໍພວມປະເຊີນໜ້າກັບບັນດາສິ່ງທ້າທາຍໃນພາກພື້ນຄືການຜັນແປທີ່ສັບສົນຢູ່ທະເລຕາເວັນອອກ. ເຄັດລັບເພື່ອສ້າງໃຫ້ມີ ອາຊຽນ ຄືໃນປະຈຸບັນ ກໍແມ່ນນ້ຳໃຈສາມັກຄີ. ທ່ານລັດຖະມົນຕີກະຊວງການຕ່າງປະເທດຫວຽດນາມ ເລຮ່ວາຍຈຸງ ໃຫ້ຮູ້ວ່າ :
“ອາຊຽນໄດ້ມີການເຫັນດີເປັນເອກະສັນ ແລະ ສຳຄັນ, ນັ້ນແມ່ນສັນຕິພາບ ແລະ ສະຖຽນລະພາບ, ການຮ່ວມມືຢູ່ທະເລຕາເວັນອອກ ມີທີ່ຕັ້ງສຳຄັນທີ່ບໍ່ອາດຕັດແຍກອອກຈາກສັນຕິພາບ ແລະ ສະຖຽນລະພາບ, ການຮ່ວມມືຢູ່ອາຊີຕາເວັນອອກສ່ຽງໃຕ້ໄດ້. ບັນດາປະເທດກໍເປັນເອກະສັນກັນຕໍ່ຫຼັກການພື້ນຖານເພື່ອແກ້ໄຂການຂັດແຍ້ງກັນ, ນັ້ນແມ່ນບັນດາປະເທດຕ້ອງປະຕິບັດຕາມກົດໝາຍສາກົນ, ໃນນັ້ນມີສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982. ສຳລັບອາຊຽນ-ຈີນ ແມ່ນຕ້ອງປະຕິບັດຖະແຫຼງການກ່ຽວກັບການປະພຶດຂອງຝ່າຍຕ່າງໆຢູ່ ທະເລຕາເວັນອອກ (DOC) ແລະ ກ້າວໄປສູ່ການສ້າງກົດແຫ່ງການປະພຶດຂອງຝ່າຍຕ່າງໆຢູ່ ທະເລຕາເວັນອອກ (COC) ໂດຍໄວ. ສະໜັບສະໜູນ, ຊຸກຍູ້ການຮ່ວມມືມິດຕະພາບລະຫວ່າງບັນດາປະເທດຢູ່ທະເລຕາເວັນອອກ ແລະ ບັນດາປະເທດພາຍນອກເພາະເຂົາເຈົ້າມີຜົນປະໂຫຍດ, ພ້ອມກັນນັ້ນ ກໍສະໜັບສະໜູນການແກ້ໄຂການຂັດແຍ້ງກັນໂດຍສັນຕິວິທີ”
21ປີແຫ່ງການຮ່ວມເດີນທາງ,ຫວຽດນາມເປັນພາກສ່ວນໜຶ່ງທີ່ບໍ່ອາດຕັດອອກຈາກອາຊຽນໄດ້
21 ປີ ແຫ່ງການເຂົ້າເປັນສະມາຊິກອາຊຽນ, ຫວຽດນາມນາມນັບມື້ນັບເຊື່ອມໂຍງກວ້າງເລິກເຂົ້າໃນບັນດາຄວາມມານະພະຍາຍາມລວມ ຂອງອາຊຽນ, ປະກອບສ່ວນຢ່າງຕັ້ງໜ້າ ແລະ ມີຄວາມຮັບຜິດຊອບເຂົ້າໃນວຽກງານລວມຂອງອາຊຽນ. ນັບແຕ່ສ້າງຕັ້ງປະຊາຄົມອາຊຽນ, ຫວຽດນາມໄດ້ປະກອບສ່ວນຢ່າງຕັ້ງໜ້າເຂົ້າໃນແຜນການກໍ່ສ້າງ ແລະ ຜັນຂະຫຍາຍວິໄສທັດປະຊາຄົມອາຊຽນ 2015 ກໍ່ຄືບັນດາຍຸດທະສາດທີ່ໄດ້ວາງອອກ ໃນທຸກຂົງເຂດ. ທ່ານ ຮອງລັດຖະມົນຕີກະຊວງການຕ່າງປະເທດຫວຽດນາມ ເລຮວາຍຈຸງ ຢືນຢັນວ່າ:
“ຫວຽດນາມປະກອບສ່ວນຢ່າງຕັ້ງໜ້າ, ສົມທົບຢ່າງແໜ້ນແຟ້ນກັບປະເທດລາວ ປະທານອາຊຽນ ປີ 2016 ເພື່ອຮັກສາຄວາມສາມັກຄີ ແລະ ເສີມຂະຫຍາຍບົດບາດແກ່ນກາງຂອງອາຊຽນ. ຫວຽດນາມ ກໍ່ໄດ້ຍົກອອກຂໍ້ລິເລີ່ມຫຼາຍຂໍ້ໃນບັນດາຂົງເຂດຢ່າງລະອຽດ. ຕົວຢ່າງເຊັ່ນ: ຢູ່ເວທີປາໄສຄວາມໝັ້ນຄົງພາກພື້ນ (ARF)ໃນມໍ່ໆມານີ້ຢູ່ລາວ, ຫວຽດນາມໄດ້ຍົກອອກຂໍ້ລິເລີ່ມຖືກບັນດາປະເທດຮັບຮອງເອົາເຊິ່ງມີສ່ວນກ່ຽວຂ້ອງເຖິງການການສົມທົບລະຫວ່າງບັນດາອົງການປະຕິບັດກົດໝາຍໃນທະເລ. ໃນສະພາບການຢູ່ທະເລຕາເວັນອອກທີ່ພວມສັບສົນຄືປັດຈຸບັນ ຂໍ້ລິເລີ່ມຂອງຫວຽດນາມແມ່ນມີຜົນປະໂຫຍດຫຼາຍທີ່ສຸດ.”
ດ້ວຍກຳລັງແຮງສາມັກຄີ ພ້ອມກັນມານະພະຍາຍາມ ແລະ ຕັດສິນໃຈ ຂອງບັນດາປະເທດສະມາຊິກ, ປະຊາຄົມອາຊຽນ ຈະສືບຕໍ່ກ້າວໄປເຖິງບັນດາເປົ້າໝາຍຮ່ວມສຳພັນສູງກວ່າ. ໂດຍແມ່ນພາກສ່ວນມີຄວາມຜູກພັນຢ່າງສະໜິດແໜ້ນ ແລະ ເປັນສະມາຊິກໜຶ່ງມີຄວາມຮັບຜິດຊອບໃນອາຊຽນ, ອະນາຄົດການພັດທະນາຂອງຫວຽດນາມ ຈະສືບຕໍ່ສະໜິດຕິດພັນແໜ້ນແຟ້ນກັບອາຊຽນ ໃນການຮ່ວມສຳພັນ ແລະ ເຊື່ອມໂຍງເຂົ້າກັບພາກພື້ນ.