ພະນັກງານຂອງກຳປັ່ນ 561 (ພາບ: ກຳປັ່ນ 561)

ກຳປັ່ນ 561 ທັງແມ່ນພາຫະນະຂົນສົ່ງ, ໂດຍສານ, ທັງແມ່ນບອນອີງດ້ານການແພດຢູ່ເຂດທະເລ. ດ້ວຍການອອກແບບທີ່ທັນສະໄໝ, ມີລວງຍາວເກືອບ 71 ແມັດ, ກວ້າງກວ່າ 13 ເມັດ ແລະ ນ້ຳໜັກກວ່າ 2.000 ໂຕນ, ເຂດສາທາລະນະສຸກຂອງກຳປັ່ນໄດ້ຮັບການຕິດຕັ້ງຢ່າງຄົບຖ້ວນພໍສົມຄວນດ້ວຍຕຽງນອນ 20 ຕຽງ, ບັນດາຫ້ອງຟື້ນຟື້ຊີບ, ວິໄຈ, ຊ່ອງເອໂກ, ຖ່າຍ X-quang… ທ່ານ ພັນໂທ ດວ່ານວັນຢວນ, ຮອງຫົວໜ້າຮັບຜິດຊອບການເມືອງກອງພົນນ້ອຍ 955 ແບ່ງປັນກ່ຽວກັບພາລະກຳຫຼັກແຫຼ່ງນີ້ວ່າ:

“ກຳປັ່ນ 561 ແມ່ນກຳປັ່ນໂຮງໝໍປະຕິບັດຫຼາຍໜ້າທີ່. ໃນນັ້ນມີໜ້າທີ່ນຳສົ່ງຄະນະ. ໃນຊຸມປີຜ່ານມາ, ກຳປັ່ນ 561 ກໍ່ປະຕິບັດໜ້າທີ່ກວດປິ່ນປົວພະຍາດໃຫ້ແກ່ທັງປະຊາຊົນ, ທະຫານຢູ່ເຂດໝູ່ເກາະ ເຈື່ອງຊາ ແລະສູນDK1. ນີ້ແມ່ນໜ້າທີ່ຈຸດສຸມຂອງປີ, ກໍ່ແມ່ນໜ້າທີ່ຂອງກຳປັ່ນ ແລະ ໜ້າທີ່ຂອງກອງພົນນ້ອຍ 955.”

ແຕ່ລະປີ, ກຳປັ່ນໄດ້ປະຕິບັດ 5 – 10 ຖ້ຽວ, ປິ່ນປົວສຸກເສີນໃຫ້ແກ່ຊາວປະມົງປະມານ 500 ຄົນ ແລະ ກວດປິ່ນປົວໃຫ້ແກ່ທະຫານ, ປະຊາຊົນກວ່າ 2.000 ເທື່ອຄົນ. ຍ້ອນເຫດນັ້ນ, ເຖິງວ່າຢູ່ຫ່າງຈາກຝັ່ງທະເລ ນັບຮ້ອຍໄມທະເລ, ແຕ່ທຸກຄົນຍັງໄດ້ຮັບການເບິ່ງແຍງດູແລສຸຂະພາບຢ່າງທັນການ. ພະນັກງານ, ນັກຮົບຢູ່ກຳປັ່ນຍາມໃດກໍ່ຖືປະຊາຊົນ, ທະຫານ, ຊາວປະມົງຄືດັ່ງຍາດຕິພີ່ນ້ອງ, ຜັນຄວາມຫຍຸ້ງຍາກກາຍເປັນກຳລັງໜູນປະຕິບັດສຳເລັດໜ້າທີ່ໃຫ້ເປັນຢ່າງດີ. ທ່ານ ຮ້ອຍເອກ ຫງວຽນຈຸງແທັ່ງ ຜູ້ຮັບຜິດຊອບການເມືອງກຳປັ່ນ ມີຄວາມເອກອ້າງທະນົງໃຈເລົ່າສູ່ຟັງວ່າ:

“ຈຸດພົ້ນເດັ່ນທີ່ສຸດຂອງກຳປັ່ນ 561 ໃນຊຸມປີຜ່ານມາ ນັ້ນແມ່ນການປະຕິບັດສຳເລັດບັນດາໜ້າທີ່ໂດຍລັດ, ກອງທັບ ແລະ ພິເສດແມ່ນເຫຼົ່າທັບກອງທັບເຮືອ ມອບໝາຍໃຫ້. ກຳປັ່ນປະຕິບັດສຳເລັດໜ້າທີ່ຮັບສົ່ງຄະນະ, ໜ້າທີ່ກວດປິ່ນປົວພະຍາດໃຫ້ແກ່ທະຫານ, ປະຊາຊົນທົ່ວໝູ່ເກາະ ເຈື່ອງຊາ, ໜ້າທີ່ແລກປ່ຽນພົນທະຫານປະຕິບັດໜ້າທີ່ ກໍ່ຄືໜ້າທີ່ສຳຫຼວດກວດກາວຽກງານການຕ່າງປະເທດຂອງ ກຳປັ່ນ 561”

“ໃນໃຈຂ້າພະເຈົ້າມີຄວາມຮູ້ສຶກຢ່າງແຮງກ້າ. ຜ່ານການຢ້ຽມຢາມ ແລະ ການໂອ້ລົມກັບບັນຫານັກຮົບ, ຂ້າພະເຈົ້າເຫັນວ່າ ບັນດາພະນັກງານ, ນັກຮົບຍາມໃດກໍ່ມີຄວາມຕັດສິນໃຈໃນການປະຕິບັດໜ້າທີ່. ແນ່ນອນວ່າ ບັນດາການຢ້ຽມຢາມຄັ້ງນີ້ກໍ່ຈະເພີ່ມພະລັງແຮງໃຫ້ແກ່ບັນດາສະຫາຍທີ່ພວມປະຕິບັດໜ້າທີ່ປົກປັກຮັກສາເຂດທະເລໝູ່ເກາະຂອງປະເທດຊາດ”

ທັງພໍ່ແລະ ແມ່ຂອງ ຕວັນ ລ້ວນແຕ່ເປັນທະຫານເຮືອ, ສຳລລັບຜູ້ເປັນພໍ່, ລຸງ ບຸຍວິງຖຸຍ ໄດ້ເຮັດວຽກຢູ່ກຳປັ່ນ 571 ມາເປັນເວລາກ່ວາ 30 ປີ ແລະ ກຳປັ່ນຮັບໃຊ້ກຳປັ່ນດຳນ້ຳ, ຕວັນ ໄດ້ຮັບການລ້ຽງດູດ້ວຍພື້ນຖານແນວຄິດກອງທັບເຮືອ ແຕ່ຕອນຍັງນ້ອຍ. ພາຍຫຼັງຮຽນຈົບວິທະຍາຄານກອງທັບເຮືອຢູ່ ຍາຈາງ, ເພິ່ນໄດ້ຈັດສົ່ງໄປປະຕິບັດງານຢູ່ ກອງພົນນ້ອຍ 955 ແລະ ນັບແຕ່ເດືອນທັນວາ ປີກາຍນີ້, ມາເຮັດວຽກທາງການຢູ່ກຳປັ່ນ 561, ເຮັດວຽກຢູ່ຂະແໜງ 5 ໂດຍໄດ້ຮັບຖືວ່າແມ່ນຫົວໃຈຂອງກຳປັ່ນ. ບຸຍແອັງຕວັນ ແບ່ງປັນຄວາມເອກອ້າງທະນົງໃຈວ່າ:

“ເຮັດວຽກຢູ່ສະຖານທີ່ພິເສດນີ້, ແນ່ນອນວ່າ ສ່ວນຫຼາຍຜູ້ໃດກໍ່ຮູ້ສຶກເອກອ້າງທະນົງໃຈ. ນ້ອງຈະສືບຕໍ່ຮັບໃຊ້ຢູ່ກອງທັບໃນເວລາດົນນານທີ່ສຸດ. ພໍ່ຂອງນ້ອງເປັນທະຫານກວ່າ 30 ປີແລ້ວ. ດັ່ງນັ້ນ, ນ້ອງຢາກເຮັດວຽກຄືກັບພໍ່. ມານະພະຍາຍາມອຸທິດສ່ວນ.”