(VOVWORLD) - ກໍ່ສ້າງ ແລະ ປັບປຸງຕາຫນ່າງຄົມມະນາຄົມເຊື່ອມຕໍ່ໃຫ້ສຳເລັດສົມບູນ ແມ່ນຫນຶ່ງໃນ ສາມບຸກທະລຸໂດຍມະຕິກອງປະຊຸມໃຫຍ່ອົງຄະນະພັກແຂວງ ອາຍຸການ 2020 -2025 ໄດ້ກຳນົດເພື່ອຊຸກຍູ້ການພັດທະນາຂອງແຂວງ ຮ່າຢາງ. ສະນັ້ນ ທາງແຂວງ ໄດ້ ແລະ ພວມສຸມໃສ່ລະດົມທຸກແຫລ່ງກຳລັງໃຫ້ແກ່ການລົງທຶນພັດທະນາພື້ນຖານໂຄງລ່າງຄົມມະນາຄົມເຊື່ອມຕໍ່. ມີຫລາຍໆໂຄງການກໍ່ສ້າງພື້ນຖານໂຄງລ່າງຄົມມະນາຄົມໂດຍແຂວງ ຮ່າຢາງ ໄດ້ຜັນຂະຫຍາຍໃນໄລຍະຜ່ານມາ ປະກອບສ່ວນແກ້ໄຂຈຸດອຸດຕັນກ່ຽວກັບຄົມມະນາຄົມ, ສ້າງກຳລັງຫນູນຊຸກຍູ້ການດຶງດູດການລົງທຶນ, ພັດທະນາເສດຖະກິດສັງຄົມ, ເປັນປະຖົມປັດໄຈເພື່ອໃຫ້ ຮ່າຢາງ ບືນຕົວຂຶ້ນພັດທະນາຢ່າງແຮງ.

(VOVWORLD) - ບໍ່ພຽງແຕ່ແມ່ນແຂວງ ມີທິວທັດທຳມະຊາດ ແລະ ວັດທະນະທຳທີ່ເປັນເອກະລັກສະເພາະ, ກາວບັ່ງ ຍັງມີເສັ້ນຊາຍແດນຕິດກັບຈີນ ທີ່ມີຄວາມຍາວກວ່າ 333 ກິໂລແມັດ ດ້ວຍບັນດາສະຖານທີ່ທ່ອງທ່ຽວອັນດູດດື່ມ ຊື່ງໄດ້ຕັ້ງຢູ່ໃກ້ກັບເຊດຊາຍແດນ. ສະນັ້ນ ກາວບັ່ງ ໄດ້ກຳນົດການທ່ອງທ່ຽວຂ້າມຊາຍແດນແມ່ນຄວາມສາມາດບົ່ມຊ້ອນອັນໃຫຍ່ຫລວງ ຄວນໃຫ້ບຸລິມະສິດຊຸກຍູ້, ເພື່ອແນໃສ່ສ້າງບຸກທະລຸໃຫ້ແກ່ການພັດທະນາເສດຖະກິດ ສັງຄົມຂອງແຂວງ.

(VOVWORLD) - ໃນສະພາບການໂລກພວມມີການປ່ຽນແປງຫລາຍຢ່າງ ແລະ ຜັນແປຢ່າງສັບສົນ, ເລື່ອງປະຕິບັດບັນດາເປົ້າໝາຍພັດທະນາແບບຍືນຍົງຂອງຫລາຍປະເທດ, ໃນນັ້ນ ມີ ຫວຽດນາມ, ພື້ນຖານເສດຖະກິດມີລະດັບເປີດສູງທີ່ສຸດນັ້ນພວມປະສົບກັບສິ່ງທ້າຍທາຍບໍ່ແມ່ນຫນ້ອຍ. ປະຊາຄົມວິສາຫະກິດ ຫວຽດນາມ ພວມມານະພະຍາຍາມຈັບເອົາກາລະໂອກາດ ແລະ ຜ່ານຜ່າສິ່ງທ້າທາຍໃນວິວັດການຫັນເປັນດິຈີຕອນ, ຫັນປ່ຽນສີຂຽວ. ການຫນູນຊ່ວຍກ່ຽວກັບກົນໄກ, ນະໂຍບາຍໃຫ້ແກ່ວິສາຫະກິດຈາກບັນດາອົງການຄຸ້ມຄອງລັດແມ່ນມີຄວາມສຳຄັນທີ່ສຸດໃນວິວັດການນີ້.

(VOVWORLD) - ທ່າອາກາດສະຍານສາກົນ ເກີນເທີ ແມ່ນປະຕູສຳຄັນເຊື່ອມຕໍ່ທາງທິດຕາເວັນຕົກສ່ຽງໃຕ້ ແລະ ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ກັບບັນດາທ້ອງຖິ່ນພາຍໃນປະເທດ ແລະ ສາກົນ. ສະນັ້ນ ບັນດາຖ້ຽວບິນໂດຍກົງຈາກບັນດາທ້ອງຖິ່ນໄປຍັງສະຫນາມບິນ ເກີນເທີ ແມ່ນຄວາມຕ້ອງການທີ່ຈຳເປັນເພື່ອພັດທະນາການທ່ອງທ່ຽວເຂດແບບຍືນຍົງ.

(VOVWORLD) - ໂດຍເປັນຄົນທີ່ດຸໝັ່ນຂະຫຍັນພຽນ, ມັກຮຽນຮູ້ ແລະ ມີໄຫວພິບ, ມີວິທີເຮັດທີ່ຂະຫຍັນຂັນເຄື່ອນ, ອ້າຍ ຫຼໍ່ວັນກົງ ເກີດປີ 1991 ຢູ່ຕາແສງ ນ່າງິ້ວ, ເມືອງ ຊົງມ້າ, ແຂວງ ເຊິນລາ ໄດ້ສ້າງສຳເລັດຮູບແບບຟາມປະສົມຢູ່ເຂດໂນນພູ. ດ້ວຍລາຍຮັບກວ່າ 1 ຕື້ດົ່ງ (ກວ່າ 40.000 USD) ຕໍ່ປີ, ຮູບແບບດັ່ງກ່າວ ໄດ້ຊ່ວຍໃຫ້ຄອບຄົວອ້າຍຫຼຸດພົ້ນອອກຈາກຄວາມທຸກຍາກ ແລະ ບືນຕົວຂຶ້ນສ້າງຄວາມຮັ່ງມີຢູ່ດິນແດນແຫ່ງບ້ານເກີດເມືອງນອນຂອງຕົນ.

(VOVWORLD) - ຮ່າຢາງ ແມ່ນແຂວງຢູ່ເຫນືອສຸດຂອງຫວຽດນາມ ມີຄວາມສາມາດບົ່ມຊ້ອນ, ທ່າໄດ້ປຽບຫລາຍຢ່າງເພື່ອພັດທະນາການທ່ອງທ່ຽວ. ຮ່າຢາງ ພວມມຸ່ງໄປເຖິງເປົ້າໝາຍການກຳນົດທີ່ຕັ້ງ ການທ່ອງທ່ຽວຂອງແຂວງໃນແຜນທີ່ທ່ອງທ່ຽວ ຫວຽດນາມ ແລະ ໂລກ, ນຳຂະແຫນງທ່ອງທ່ຽວໃຫ້ກາຍເປັນກຳລັງຫນູນໃນການພັດທະນາເສດຖະກິດ.

(VOVWORLD) -ການພັດທະນາການລ້ຽງປູກສິນໃນນ້ຳຢູ່ທະເລ ແມ່່ນເພື່ອແນໃສ່ຂຸດຄົ້ນ, ປົກປັກຮັກສາແຫລ່ງຜົນປະໂຫຍດຈາກສິນໃນນ້ຳ, ກໍ່ສ້າງຂະແຫນງສິນໃນນ້ຳແບບຍືນຍົງ. ເພື່ອຫັນຍຸດທະສາດການພັດທະນາການລ້ຽງປູກສິນໃນນ້ຳຢູ່ທະເລ ໃຫ້ເປັນລະອຽດ, ທ່ານນາຍົກລັດຖະມົນຕີ ໄດ້ເຊັນອະນຸມັດແຜນຮ່າງລ້ຽງປູກສິນ ໃນນ້ຳຢູ່ທະເລ ຮອດປີ 2030 ວິໄສທັດຮອດປີ 2045. ກວ໋າງນິງ ແມ່ນຫນຶ່ງໃນບັນດາທ້ອງຖິ່ນນຳຫນ້າຂອງທົ່ວປະເທດໃນການພັດທະນາການລ້ຽງປູກສິນ ໃນນ້ຳຢູ່ທະເລ ແລະ ບັນລຸໄດ້ບັນດາໝາກຜົນຕັ້ງຫນ້າ.

(VOVWORLD) -ແຂວງ ດ້ຽນບຽນ ພວມມານະພະຍາຍາມພັດທະນາການທ່ອງທ່ຽວໂດຍອີງໃສ່ເສົາຄ້ຳຫລັກເຊັ່ນ: ການທ່ອງທ່ຽວປະຫວັດສາດ, ຈິດວິນຍານ; ທ່ອງທ່ຽວຊອກຮູ້ສີສັນວັດທະນະທຳຊົນເຜົ່າ, ຢ້ຽມຊົມທິວທັດທຳມະຊາດ. ແຂວງ ໄດ້ກຳນົດການພັດທະນາທ່ອງທ່ຽວໃຫ້ກາຍເປັນຂະແຫນງເສດຖະກິດປາຍແຫລມ; ສ້າງກຳລັງຫນູນໃຫ້ແກ່ການເຕີບໂຕ ແລະ ຫັນປ່ຽນອົງປະກອບເສດຖະກິດຂອງທ້ອງຖິ່ນ.

(VOVWORLD) - ພາຍຫລັງ 70 ປີແຫ່ງການສ້າງສາ ແລະ ພັດທະນາ ຈາກສະພາບຖືກທຳລາຍຢ່າງຮ້າຍແຮງຈາກສົງຄາມ, ແຂວງ ດ້ຽນບຽນ ປະຈຸບັນ ໄດ້ມີການປ່ຽນແປງ ດ້ວຍໂສມຫນ້າຂອງເຂດຕົວເມືອງທີ່ໃຫຍ່ໂຕສວຍງາມ, ເຂດຊົນນະບົດກໍ່ມີການປ່ຽນແປງໃຫມ່ຫລາຍຢ່າງ. ຈາກບັນດາຄວາມສາມາດບົ່ມຊ້ອນ, ທ່າໄດ້ປຽບທີ່ມີຢູ່ແລ້ວກ່ຽວກັບຊັບພະຍາກອນປ່າ ແລະ ເຂດດິນປ່າ, ບໍ່ແຮ່, ໄຟຟ້າ, ການທ່ອງທ່ຽວ... ດ້ຽນບຽນ ໄດ້, ພວມເອົາໃຈໃສ່ດຶງດູດການລົງທຶນເພື່ອການພັດທະນາຢ່າງວ່ອງໄວ ແລະ ໝັ້ນຄົງກວ່າ.

(VOVWORLD) -ວັນສາກົນເຄື່ອນໄຫວເພື່ອບັນດາແມ່ນ້ຳປີ 2024 (ວັນທີ 14 ມີນາ) ມີຫົວຂໍ້ວ່າ “ນ້ຳເພື່ອທຸກສິ່ງທຸກຢ່າງ” ແນໃສ່ເນັ້ນຫນັກເຖິງຄວາມສຳຄັນຂອງນ້ຳໃນຊີວິດການເປັນຢູ່ທາງດ້ານເສດຖະກິດ, ສັງຄົມຂອງແຕ່ລະປະເທດ. ດ້ວຍແມ່ນ້ຳລຳເຊກວ່າ 2.360 ສາຍ ຍອດລວງຍາວປະມານ 41.900 km ຫວຽດນາມ ມີທ່າໄດ້ປຽບໃຫຍ່ເພື່ອເສີມຂະຫຍາຍຄວາມສາມາດບົ່ມຊ້ອນຂອງບັນດາແມ່ນ້ຳລຳເຊ. ຂະແຫນງຄົມມະນາຄົມຂົນສົ່ງ, ບັນດາແຂວງ, ນະຄອນ ໄດ້, ພວມມີບັນດາມາດຕະການລະອຽດເພື່ອເພີ່ມການປະກອບສ່ວນຂອງການຂົນສົ່ງທາງນ້ຳໃນພື້ນຖານເສດຖະກິດ.