(VOVWORLD) - ຍຸດທະສາດແຫ່ງຊາດກ່ຽວກັບການເຕີບໂຕສີຂຽວ ໄລຍະ 2021 – 2030, ວິໄສທັດຮອດປີ 2050 ໄດ້ວາງເປົ້າໝາຍຫັນບັນດາຂະແໜງເສດຖະກິດເປັນສີຂຽວ. ໃນນັ້ນ, ການພັດທະນາບັນດາສູນ Logicstic ສີຂຽວ, ທ່າກ່ຳປັ່ນສີຂຽວ ກໍ່ແມ່ນໜ້າທີ່ໄດ້ວາງອອກ. ຕາມບັນດານັກຊ່ຽວຊານເສດຖະກິດແລ້ວ, ການພັດທະນາເຄືອຂ່າຍສະໜອງສີຂຽວ ໄດ້ຮັບຖືວ່າແມ່ນທິດພັດທະນາໃຫ້ແກ່ບັນດາວິສາຫະກິດທີ່ຢາກສ້າງເຄື່ອງໝາຍການຄ້າທີ່ເປັນມິດກັບສິ່ງແວດລ້ອມ. ພ້ອມທັງ ຈະປະກອບສ່ວນຍົກສູງກຳລັງຄວາມສາມາດບົ່ມຊ້ອນແກ້ງແຍ້ງ ໃນພື້ນຖານເສດຖະກິດທີ່ມີຄວາມຮຽກຮ້ອງຕ້ອງການຢ່າງເຂັ້ມງວດກ່ຽວກັບການພັດທະນາສີຂຽວ, ພັດທະນາແບບຍືນຍົງ.

(VOVWORLD) - 6 ເດືອນຕົ້ນປີນີ້, ລັດຖະບານ, ບັນດາກະຊວງ, ຂະແຫນງການ, ທ້ອງຖິ່ນ ມີຄວາມເປັນເຈົ້າການໃນການເຂົ້າເຖິງ, ແກ້ໄຂຈຸດອຸດຕັນ, ຮົ້ວກີດຂວາງດ້ານນິຕິກຳທີ່ກີດຂວາງການລົງທຶນ, ດຳເນີນທຸລະກິດຂອງວິສາຫະກິດ. ຍ້ອນເຫດນັ້ນ ການດຶງດູດທຶນFDI ຂອງ ຫວຽດນາມ ບັນລຸໝາກຜົນຕັ້ງຫນ້າ. ຍອດຈຳນວນທຶນບັນລຸເກືອບ 15,2 ຕື້ USD, ເພີ່ມຂຶ້ນກວ່າ 13% ເມື່ອທຽບໃສ່ໄລຍະດຽວກັນຂອງປີກາຍ. ບໍ່ພຽງແຕ່ເທົ່ານັ້ນ ການດຶງດູດ FDI ຂອງ ຫວຽດນາມ ຍັງໄດ້ຮັບການຄາດຄະເນວ່າ ຈະສືບຕໍ່ຮັກສາທ່າຕັ້ງຫນ້າ.

(VOVWORLD) - ໄລຍະຜ່ານມາ ແຂວງ ລອງອານ ໄດ້ສົ່ງອອກໝາກນາວໄປຍັງຕະຫລາດ ຕາເວັນອອກກາງ ຜ່ານບັນດາວິສາຫະກິດໃຫຍ່. ເພື່ອຫັນກຳໄລໃຫ້ໄດ້ສູງສຸດ ແລະ ເຂົ້າເຖິງຕະຫລາດບົ່ມຊ້ອນນີ້ໃຫ້ດີກວ່າ, ບັນດາສະຫະກອນຂອງທ້ອງຖິ່ນ ໄດ້ກ້າແກ່ນໄປຍັງຕາເວັນອອກກາງ ເພື່ອຊອກຮູ້ຕະຫລາດຂາຍສົ່ງ, ເປີດຫ້ອງການ ແລະ ເຊັນສັນຍາການຄ້າໂດຍກົງເພື່ອສະຫນອງໝາກນາວໃຫ້ຫລາຍປະເທດໃນພາກພື້ນນີ້. ສິ່ງດັ່ງກ່າວໄດ້ສ້າງຄວາມເປັນປົກກະຕິ, ນຳມາເຊິ່ງມູນຄ່າສູງໃຫ້ແກ່ປະເພດສິນຄ້າຜະລິດຕະພັນກະເສດນີ້.

(VOVWORLD) - 6 ເດືອນຕົ້ນປີ 2024, ສະພາບການເສດຖະກິດ ຫວຽດນາມ ຮັກສາທ່າອ່ຽງຕັ້ງຫນ້າ, ດ້ວຍລະດັບການເຕີບໂຕ GDP ບັນລຸ 6,42%. ໃນນັ້ນ ການຜະລິດດຳເນີນທຸລະກິດໄດ້ຮັບການຮັບຮູ້ວ່າແມ່ນຟື້ນຕົວຢ່າງແຮງ, ປະກອບສ່ວນຫລາຍສົມຄວນເຂົ້າໃນການເຕີບໂຕລວມຂອງທົ່ວພື້ນຖານເສດຖະກິດ, ໝັ້ນໝາຍຈະສ້າງທ່ວງທ່າໃຫ້ແກ່ການຫັນປ່ຽນກ້າວຂຶ້ນຂອງ 6 ເດືອນທ້າຍປີນີ້ ແລະ ປີຫນ້າ.

(VOVWORLD) - ຂະແຫນງທ່ອງທ່ຽວ ແຂວງ ກວ໋າງບິ່ງ ພວມຍູ້ແຮງການຂຸດຄົ້ນ, ເປີດກວ້າງການເຂົ້າເຖິງຕະຫລາດທ່ອງທ່ຽວຜ່ານບັນດາ Digital Data Platform. ເລື່ອງໝູນໃຊ້ເຕັກໂນໂລຊີ, ຫັນເປັນດິຈີຕອນ ແລະ ຜ່ານບັນດາDigital Platform ໄດ້ນຳມາເຊິ່ງກາລະໂອກາດໃຫຍ່ກວ່າໃຫ້ແກ່ຂະແຫນງທ່ອງທ່ຽວ, ບັນດາວິສາຫະກິດທ່ອງທ່ຽວ, ປະຕິບັດເປົ້າໝາຍທ່ອງທ່ຽວຊີວະພາບ, ຍືນຍົງ, ອອກໄປສູ່ໂລກ.

(VOVWORLD) -ລ່າວກາຍ ແມ່ນແຂວງ ພູດອຍ, ຢູ່ເຂດຊາຍແດນ ໄຕບັກ(ຕາເວັນຕົກສ່ຽງເຫນືອ) ຫວຽດນາມ, ມີທ່າໄດ້ປຽບຫລາຍຢ່າງເພື່ອພັດທະນາການທ່ອງທ່ຽວຄື: ດິນຟ້າອາກາດ, ຊັບພະຍາກອນທຳມະຊາດ, ສີສັນວັດທະນະທຳທີ່ເປັນເອກະລັກ. ລ່າວກາຍ ໄດ້ຕ້ອນຮັບນັກທ່ອງທ່ຽວກວ່າ 3,5 ລ້ານເທື່ອຄົນ, ເທົ່າກັບ 41,6% ແຜນການທີ່ວາງອອກໃຫ້ທັງປີ. ບັນລຸໄດ້ໝາກຜົນຄືດັ່ງກ່າວແມ່ນຍ້ອນວິທີເຮັດທີ່ມີຫົວຄິດປະດິດສ້າງ, ປະສິດທິຜົນຂອງບັນດາຫົວຫນ່ວຍເຮັດການບໍລິການທ່ອງທ່ຽວ, ພິເສດ ແມ່ນຂອງວົງຄະນາຍາດຊຸມຊົນ.

(VOVWORLD) - ໃນຊຸມເດືອນຕົ້ນປີນີ້, ແຂວງ ບ່າເຣ້ຍ - ຫວູງເຕົາ ມີ 18 ໂຄງການລົງທຶນໂດຍກົງຂອງຕ່າງປະເທດ (FDI) ຈົດທະບຽນໃຫມ່, ດ້ວຍຍອດລະດັບການລົງທຶນແມ່ນກວ່າ 1,5 ຕື້ USD, ເພີ່ມຂຶ້ນທົບ 42 ເທົ່າ ເມື່ອທຽບໃສ່ໄລຍະດຽວກັນຂອງປີກາຍ. ຈຳນວນໂຄງການດັດປັບທຶນກໍ່ເພີ່ມຂຶ້ນສູງທົບ 1,3 ເທົ່າເມື່ອທຽບໃສ່ໄລຍະດຽວກັນຂອງປີກາຍ. ດ້ວຍຕົວເລກດັ່ງກ່າວ, ເປັນຄັ້ງທຳອິດ ທີ່ແຂວງ ບ່າເຣ້ຍ - ຫວູງເຕົາ ນຳຫນ້າທົ່ວປະເທດກ່ຽວກັບການດຶງດູດທຶນ FDI. ບັນລຸໄດ້ໝາກຜົນນັ້ນກໍ່ຍ້ອນມີຄວາມມານະພະຍາຍາມອັນໃຫຍ່ຫລວງຈາກອຳນາດການປົກຄອງຂອງແຂວງ.

(VOVWORLD) - ຜ່ານ 24 ປີທີ່ຈັດຕັ້ງ, Festival ເຫ້ວແມ່ນງານບຸນວັດທະນະທຳສິລະປະທີ່ມີຂອບຂະຫນາດລະດັບຊາດແລະ ສາກົນ, ປະກອບສ່ວນແນະນຳສິ່ງຍອດຢ້ຽມດ້ານວັດທະນະທຳຂອງເຫ້ວ, ໂຄສະນາສະຖານທີ່ທ່ອງທ່ຽວສວຍງາມ, ປອດໄພ, ໄມຕີຈິດຂອງກຸງເກົ່າເຫ້ວຫວຽດນາມ, ສ້າງກຳລັງຫນູນພັດທະນາເສດຖະກິດ - ສັງຄົມຂອງແຂວງເທື່ອທຽນ - ເຫ້ວ. ຜ່ານແຕ່ລະໄລຍະ, Festivalເຫ້ວນັບມື້ນັບດຶງດູດນັກທ່ອງທ່ຽວຢູ່ພາຍໃນແລະຕ່າງປະເທດມາເຂົ້າຮ່ວມເປັນຈຳນວນຫລວງຫລາຍ.

(VOVWORLD) - ການຄ້າທາງເອເລັກໂຕນິກເຕີບໂຕວ່ອງໄວ ແລະ ກາຍເປັນທ່າອ່ຽງພົ້ນເດັ່ນຂອງການຄ້າທົ່ວໂລກໃນຊຸມປີມໍ່ໆມານີ້. ຢູ່ ຫວຽດນາມ ນັບມື້ນັບມືຫລາຍວິສາຫະກິດໝູນໃຊ້ການຄ້າເອເລັກໂຕນິກໃຫ້ແກ່ການເຄື່ອນໄຫວຂອງຕົນ. ບໍ່ພຽງແຕ່ປະສົບຜົນສຳເລັດຢູ່ຕະຫລາດພາຍໃນປະເທດ, ຫາກບັນດາວິສາຫະກິດຍັງປ່ຽນແປງໃຫມ່, ຈັບເອົາຄວາມນິຍົມການບໍລິໂພກ ຈາກນັ້ນ ກໍ່ມີຍຸດທະສາດດຳເນີນທຸລະກິດຢ່າງເໝາະສົມເພື່ອນຳສິນຄ້າ ຫວຽດນາມ ຜ່ານຊ່ອງ ການຄ້າທາງເອເລັກໂຕນິກຂ້າມຊາຍແດນ, ມີຫນ້າຢູ່ຕະຫລາດຫລາຍແຫ່ງໃນທົ່ວໂລກ.

(VOVWORLD) - ໃນຊຸມເດືອນຕົ້ນປີ 2024 ວົງເງິນສົ່ງອອກເຂົ້າສານຂອງຫວຽດນາມ ບັນລຸກວ່າ 1,4 ຕື້ USD. ໃນສະພາບການແຫລ່ງສະຫນອງເຂົ້າສານທົ່ວໂລກຫລຸດລົງ ຍ້ອນບາງປະເທດຍັງຄົງຈຳກັດການສົ່ງອອກເຂົ້າສານ ແລະ ສະພາບດິນຟ້າອາກາດກໍ່ຜັນແປຮ້າຍແຮງຂຶ້ນ ໄດ້ສົ່ງຜົນສະທ້ອນເຖິງສະມັດຕະພາບ, ການສົ່ງອອກເຂົ້າສານຂອງ ຫວຽດນາມ ຄາດຄະເນວ່າ ຈະມີສັນຍານດີຂຶ້ນ ແລະ ເຂົ້າເຖິງຫລາຍຕະຫລາດໃນໄລຍະຈະມາເຖິງ.