(VOVWORLD) - ການເສັງ startup ພ້ອມກັບ Kawai ຄັ້ງທີ 19 ປີ 2024 ຫາກໍ່ໄດ້ຮັບການປຸກລະດົມໃນທ້າຍເດືອນກຸມພາ ຜ່ານມາຢູ່ຮ່າໂນ້ຍ. ນີ້ແມ່ນການເສັງແນວຄວາມຄິດດຳເນີນທຸລະກິດ startup ສຳລັບຊາວໜຸ່ມ ໄດ້ຈັດຂຶ້ນທຸກໆປີ ນັບແຕ່ປີ 2006 ໂດຍສະໂມສອນ ນັກທຸລະກິດໃນອະນາຄົດ - ວ່າທີ່ນັກທຸລະກິດ (ມະຫາວິທະຍາໄລການຄ້າຕ່າງປະເທດ) ແລະ ໄດ້ຮັບການອຸປະຖຳຈາກກອງທຶນການສຶກສາ Kawai ຂອງ ຍີ່ປຸ່ນ. ນັບແຕ່ປີ 2014 ເປັນຕົ້ນມາ, ການເສັງ startup ພ້ອມກັບ Kawai ໄດ້ຮັບການອຸປະຖຳຈາກສະຖານທູດ ຍີ່ປຸ່ນ ປະຈຳ ຫວຽດນາມ.

(VOVWORLD) -ຂະແຫນງຄົມມະນາຄົມຂົນສົ່ງ ພວມຜັນຂະຫຍາຍບັນດາມາດຕະການຍູ້ໄວຄວາມຄືບຫນ້າໃນການປະຕິບັດ ແລະ ປ່ອຍທຶນລົງທຶນພາກລັດນັບແຕ່ຕົ້ນປີນີ້ ພິເສດແມ່ນບັນດາໂຄງການຈຸດສຸມແຫ່ງຊາດ, ເສັ້ນທາງຄວາມໄວສູງ, ລະຫວ່າງເຂດ, ແຄມທະເລ ແລະ ບັນດາໂຄງການເປົ້າໝາຍແຫ່ງຊາດ. ຄາດໝາຍແມ່ນປ່ອຍເງິນກວ່າ 95% ແຜນການວາງອອກ. ພ້ອມກັບຂະແຫນງຄົມມະນາຄົມຂົນສົ່ງ, ບັນດາຫົວຫນ່ວຍປະຕິບັດການກໍ່ສ້າງນັ້ນ ກໍ່ພວມມານະພະຍາຍາມສູ້ຊົນເພື່ອໃຫ້ບັນດາກິດຈະກຳຄົມມະນາຄົມຈຸດສຸມແຫ່ງຊາດສຳເລັດຕາມແຜນການວາງອອກ.

(VOVWORLD) -ໃນຍຸດທະສາດພັດທະນາໃນຊຸມປີຈະມາເຖິງ, ນະຄອນໂຮ່ຈິມິນໄດ້ວາງອອກບັນດາຄາດໝາຍສຳຄັນກ່ຽວກັບການເຕີບໂຕສີຂຽວ, ມຸ່ງໄປສູ່ພື້ນຖານເສດຖະກິດສີຂຽວ, ຄວາມເປັນກາງດ້ານກາກບອນ (Carbon neutral),ວາງຄາດໝາຍຫຼຸດຜ່ອນການປ່ອຍອາຍພິດໃຫ້ໄດ້ 10% ໃນປີ 2030. ເພື່ອເຮັດໄດ້ສິ່ງນັ້ນນະຄອນໂຮ່ຈີມິນກໍ່ພວມຍູ້ແຮງການດຶງດູດການລົງທຶນເຂົ້າບັນດາໂຄງການສີຂຽວ ແລະພັດທະນາຕະຫຼາດ Carbon Credit.

(VOVWORLD) - ຍ້ອນມີການເຊື່ອມໂຍງເຂົ້າກັບເສດຖະກິດສາກົນ, ສິນຄ້າຕ່າງປະເທດດ້ວຍບັນດາເຄື່ອງໝາຍການຄ້າທີ່ມີຊື່ສຽງບໍ່ແມ່ນເລື່ອງແປກປະຫລາດສຳລັບຜູ້ບໍລິໂພກ ຫວຽດນາມ. ແຕ່ເຖິງຢ່າງໃດກໍຕາມ, ສິນຄ້າໂດຍບັນດາວິສາຫະກິດຜະລິດຢູ່ພາຍໃນປະເທດ ກໍ່ນັບມື້ນັບກວມອັດຕາສ່ວນເປັນສ່ວນໃຫຍ່ຢູ່ຕະຫລາດ ຍ້ອນຄຸນນະພາບດີ, ຮູບແບບງາມຕາ, ລາຄາເໝາະສົມ... ຄວາມຈິງນີ້ໄດ້ຢັ້ງຢືນທີ່ຕັ້ງ ແລະ ຈຸດຢືນອັນໝັ້ນແກ່ນຂອງສິນຄ້າຫວຽດນາມ ຢູ່ ຕະຫລາດພາຍໃນປະເທດ.

(VOVWORLD) -ສັນຍາຄູ່ຮ່ວມມືຮອບດ້ານ ແລະ ກ້າວຫນ້າຂ້າມປາຊິຟີກ (CPTPP) ມີຜົນສັກສິດຢ່າງເປັນທາງການສຳລັບ ຫວຽດນາມ ເມື່ອວັນທີ 14 ມັງກອນ 2019. ໂດຍແມ່ນສັນຍາການຄ້າເສລີລຸ້ນໃຫມ່, ມີມາດຖານສູງທີ່ໄດ້ປະຕິບັດເປັນຄັ້ງທຳອິດ, ພາຍຫລັງ 5 ປີ ສັນຍາສະບັບນີ້ໄດ້ຊ່ວຍການນຳເຂົ້າສົ່ງອອກສິນຄ້າຂອງຫວຽດນາມ ໄປຍັງບັນດາປະເທດໃນພາກພື້ນ ອາຊີ ຂຶ້ນກັບກຸ່ມ CPTPP ກໍ່ຄືບັນດາຕະຫລາດທີ່ຍັງບໍ່ທັນມີສັນຍາການຄ້າເສລີກັບ ຫວຽດນາມ ໄດ້ເພີ່ມຂຶ້ນຫລາຍສົມຄວນ.

(VOVWORLD) -ໃນປີຜ່ານມາ, ນະຄອນ ຫາຍຟ່ອງ ດຶງດູດການລົງທຶນຂອງຕ່າງປະເທດບັນລຸ 3,5 ຕື້ USD;ປະຈຸບັນ 14 ເຂດອຸດສາຫະກຳຢູ່ ຫາຍຟ່ອງໄດ້ດຶງດູດເກືອບ 800 ໂຄງການລົງທຶນ, ດ້ວຍກວ່າ 500 ໂຄງການລົງທຶນໂດຍກົງຂອງຕ່າງປະເທດ (FDI).ພ້ອມກັບການກໍ່ສ້າງບັນດາເຂດອຸດສາຫະກຳໃຫມ່, ນະຄອນ ຫາຍຟ່ອງ ພວມຍູ້ແຮງການສົ່ງເສີມການສ້າງຕັ້ງເຂດເສດຖະກິດ ແຄມທະລທາງພາກໃຕ້ ນະຄອນ, ເປີດຄວາມບົ່ມຊ້ອນພັດທະນາໃຫມ່ໃຫ້ແກ່ນະຄອນ ແລະ ເຊື່ອມຕໍ່ບັນດາເຂດອຸດສາຫະກຳແຄມທະເລ, ສ້າງກຳລັງຫນູນໃຫ້ແກ່ທ້ອງຖິ່ນ ແລະ ທັງເຂດທົ່ງພຽງແມ່ນ້ຳແດງ.

(VOVWORLD) -ນະຄອນ ໂຮ່ຈີມິນ ວາງຄາດໝາຍໃນປີນີ້ ຈະຕ້ອນຮັບແຂກທ່ອງທ່ຽວສາກົນ 6 ລ້ານເທື່ອຄົນ ແລະ ແຂກທ່ອງທ່ຽວພາຍໃນປະເທດ 38 ລ້ານເທື່ອຄົນ. ເຖິງວ່າສະພາບການເສດຖະກິດໂລກ ຄາດຄະເນວ່າຍັງຄົງສືບຕໍ່ປະສົບກັບຄວາມຫຍຸ້ງຍາກຫລາຍຢ່າງກໍຕາມ ແຕ່ດ້ວຍບັນດາຜະລິດຕະພັນໃຫມ່, ເປັນຫລາຍຮູບແບບ, ມີຄຸນນະພາບ… ຂະແຫນງທ່ອງທ່ຽວນະຄອນ ໝັ້ນໃຈວ່າຈະເຮັດສຳເລັດ ແລະ ລື່ນກາຍຄາດໝາຍຂອງປີ.

(VOVWORLD) -ໃນສະພາບການເສດຖະກິດທົ່ວໂລກເຕີບໂຕຢູ່ໃນລະດັບຕ່ຳ, ຕະຫລາດການເງິນຊ້ອນແຝງຄວາມສ່ຽງຫລາຍຢ່າງ, ພາໄປເຖິງການເກີດທ່າອ່ຽງຮັດກຸມການໃຊ້ຈ່າຍຂອງຜູ້ບໍລິໂພກ, ໃນນັ້ນ ຕຳແຜ່ນຕັດຫຍິບຍາມໃດກໍ່ນອນໃນ Top 5 ບັນດາປະເພດສິນຄ້າຖືກຫລຸດລົງ. ພ້ອມກັນນັ້ນ ຄວາມຮຽກຮ້ອງຕ້ອງການສິນຄ້າສົ່ງອອກກ່ຽວຂ້ອງເຖິງບັນຫາສິ່ງແວດລ້ອມ, ສັງຄົມ ແລະການຄຸ້ມຄອງ… ວິສາຫະກິດຕ່ຳແຜ່ນຕັດຫຍິບ ຫວຽດນາມ ໄດ້ ແລະ ພວມຫັນປ່ຽນຢ່າງວ່ອງໄວຕາມທິດພັດທະນາແບບຍືນຍົງ, ທັງມີໄຫວພິບໃນການຮັບມືກັບສະພາບການປ່ຽນແປງ, ທັງກະກຽມໄດ້ແຫລ່ງກຳລັງທີ່ເໝາະສົມເພື່ອສ້າງທ່າໄດ້ປຽບການແກ້ງແຍ່ງ ແລະ ການເຕີບໂຕຄືນໃຫມ່.

(VOVWORLD) -ດ້ວຍຈຳນວນພົນລະເມືອງກວ່າ 100 ລ້ານຄົນ, ໃນນັ້ນ ຄົນຊັ້ນກາງກວມເອົາ 20%, ຫວຽດນາມ ແມ່ນຕະຫລາດບົ່ມຊ້ອນໃຫ້ແກ່ການບໍລິການສິນຄ້າ, ການບໍລິໂພກ, ການຂາຍຍ່ອຍ. ໃນສະພາບການເສດຖະກິດໂລກທີ່ຍັງປະສົບກັບຄວາມຫຍຸ້ງຍາກ, ການສົ່ງອອກຍັງບໍ່ທັນບັນລຸຄືດັ່ງຄວາມຫວັງ, ລັດຖະບານຫວຽດນາມ ພວມມານະພະຍາຍາມຜັນຂະຫຍາຍຫລາຍນະໂຍບາຍເພື່ອແນໃສ່ເປີດກວ້າງຊ່ອງຈຳຫນ່າຍ, ສ້າງເຄື່ອງໝາຍການຄ້າກະຕຸກຊຸກຍູ້ການບໍລິໂພກພາຍໃນປະເທດ ແລະ ຖືນີ້ແມ່ນ ໄມ້ງັດຫນູນຊ່ວຍທີ່ຕັ້ງຫນ້າໃຫ້ແກ່ການເຕີບໂຕຂອງພື້ນຖານເສດຖະກິດໃນປີ 2024.

(VOVWORLD) -ໃນມື້ທຳອິດຂອງປີ 2024, ເສັ້ນທາງຄວາມໄວສູງ ດົ່ງດັງ (ລ້າງເຊີນ) - ຈາຫລີງ (ກາວບັ່ງ) ດຳເນີນພິທີລົງມືກໍ່ສ້າງຢ່າງເປັນທາງການ. ເສັ້ນທາງສາຍນີ້ໄດ້ຮັບຄວາມຫວັງວ່າຈະປະກອບສ່ວນສຳຄັນແກ້ໄຂ “ຈຸດອຸດຕັນ” ກ່ຽວກັບພື້ນຖານໂຄງລ່າງຄົມມະນາຄົມ, ຊ່ວຍເສດຖະກິດ ກາວບັ່ງ ມີການພັດທະນາບຸກທະລຸຢ່າງແຮງ.