ທ່ານພົນຈັດຕະວາ ເຈິ່ນກົງເຈື່ອງ, ຮອງຫົວໜ້າກົມເສນາຮັກ, ກົມໃຫຍ່ພະລາທິການເຕັກນິກ, ກະຊວງປ້ອງກັນປະເທດ ຫວຽດນາມ (ພາບ: qdnd.vn)
ໃນຂອບເຂດລາຍການພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ - ຈີນ ຄັ້ງທີ 10, ວັນທີ 17 ມີນາ, ຢູ່ຫໍວັດທະນະທຳມິດຕະພາບ ຫວຽດນາມ - ຈີນ (ຕາແສງ ແຮວ່ງໂມ, ແຂວງ ກວາງນິງ), ກຳລັງເສນາຮັກສອງປະເທດ ຫວຽດນາມ - ຈີນ ໄດ້ກວດ, ປິ່ນປົ່ວພະຍາດໃຫ້ແກ່ປະຊາຊົນໃນບໍລິເວນຕາແສງ ແຮວ່ງໂມ, ແຂວງ ກວາງນິງ (ຫວຽດນາມ) ແລະ ເທດສະບານ ຕຸ້ງຈູງ, ເຂດ ຝາງເຈີງ, ນະຄອນ ຝາງເຈີງກາງ, ເຂດປົກຄອງດ້ວຍຕົນເອງຊາວເຜົ່າ ຈວາງ ແຂວງກວາງຊີ (ຈີນ).
ກຳລັງເສນາຮັກສອງປະເທດກວດພະຍາດໃຫ້ແກ່ປະຊາຊົນ (ພາບ: qdnd.vn)

ເມື່ອກ່າວຄຳເຫັນໄຂກອງປະຊຸມ, ທ່ານພົນຈັດຕະວາ ເຈິ່ນກົງເຈື່ອງ, ຮອງຫົວໜ້າກົມເສນາຮັກ, ກົມໃຫຍ່ພະລາທິການເຕັກນິກ, ກະຊວງປ້ອງກັນປະເທດ ຫວຽດນາມ ໃຫ້ຮູ້ວ່າ ນີ້ແມ່ນການເຄື່ອນໄຫວທີ່ມີຄວາມໝາຍດ້ານການເມືອງ, ສັງຄົມ ແລະ ມະນຸດສະທຳອັນສູງສົ່ງ ເພື່ອແນໃສ່ສະແດງຄວາມຮູ້ບຸນຄຸນຕໍ່ການອຸ້ມຊູຊ່ວຍເຫຼືອຂອງປະຊາຊົນ, ອຳນາດການປົກຄອງທ້ອງຖິ່ນທີ່ມີຕໍ່ກອງທັບສອງປະເທດ. ການເຄື່ອນໄຫວນີ້ຈະປະກອບສ່ວນຍົກສູງນ້ຳໃຈຄວາມສາມັກຄີມິດຕະພາບຂອງປະຊາຊົນ, ກອງທັບສອງປະເທດເວົ້າລວມ ແລະ ກຳລັງເສນາຮັກເວົ້າສະເພາະ.

ໄປຄຽງຄູ່ກັບການເຄື່ອນໄຫວກວດ, ປິ່ນປົ່ວພະຍາດຢູ່ ຫວຽດນາມ, ຄະນະປະຕິບັດງານເສນາຮັກສອງປະເທດ ກໍໄດ້ຈັດກິດຈະກຳກວດພະຍາດ, ແຈກຢາຍຢຸກຢາໂດຍບໍ່ເກັບຄ່າໃຫ້ແກ່ປະຊາຊົນຢູ່ເທດສະບານ ຕຸ້ງຈູງ, ເຂດຝາງເຈີງ, ນະຄອນ ຝາງເຈີງກາງ, ເຂດປົກຄອງດ້ວຍຕົນເອງຊາວເຜົ່າຈວາງ ແຂວງ ກວາງຊີ (ຈີນ).

ເລເຟືອງ