(vovworld) – ວັນທີ 10/5, ບັນດາລັດຖະມົນຕີການເງິນ ແລະ ຜູ້ວ່າການທະນາຄານ ສູນກາງ ກຸ່ມບັນດາປະເທດອຸດສາຫະກຳພັດທະນາ (G7) ແລະ ລັດເຊຍໄດ້ຈັດກອງປະຊຸມເພື່ອແນໃສ່ປຶກສາຫາລືແຜນການຊຸກຍູ້ການເຕີບໂຕ. ກ່າວຄຳເຫັນໄຂກອງປະຊຸມທີ່ຈັດຂຶ້ນໃນ 2 ວັນຢູ່ ລອນດອນ, ແຫ່ງລາຊະອານາຈັກ ອັງກິດ, ທ່ານ George Osborne, ລັດຖະມົນຕີການເງິນ ອັງກິດ, ເຊິ່ງແມ່ນປະເທດພວມເປັນປະທານ G7 ຢືນຢັນວ່າ: ໜ້າທີ່ປະຈຸບັນແມ່ນຮັກສາວິວັດທະນາການຟື້ນຟູ ເມື່ອບັນດາຕະຫຼາດໄດ້ເປັນປົກກະຕິ. ແຕ່ເຖິງຢ່າງໃດກໍ່ຕາມ, ທ່ານ George Osborne ເນັ້ນໜັກວ່າ: ບໍ່ຄວນຖືວ່າເສດຖະກິດທົ່ວໂລກໄດ້ຟື້ນຟູແລ້ວ, ບັນດາປະເທດ G7 ຄວນສຸມໃສ່ປຶກສາຫາລື ກ່ຽວກັບບົດບາດຂອງບັນດາທະນາຄານສູນກາງເພື່ອປະກອບສ່ວນຊຸກຍູ້ການເຕີບໂຕເສດຖະກິດ ພ້ອມທັງຮັກສາລະດັບເງິນເຟີ້ໃຫ້ເປັນປົກກະຕິໃນໄລຍະປານກາງ, ເມື່ອລັດຖະບານເກືອບທັງໝົດພວມມານະພະຍາຍາມຫຼຸດຜ່ອນການໃຊ້ຈ່າຍ ແລະ ເພີ່ມອັດຕາພາສີ. ກອງປະຊຸມ G7 ອາດຈະບໍ່ສ້າງບາດກ້າວບຸກທະລຸໃນການແກ້ໄຂສະພາບອ່ອນດ້ອຍໃນປະຈຸບັນຂອງເສດຖະກິດທົ່ວໂລກ, ແຕ່ປາດຖະໜາວ່າບັນດາຝ່າຍຈະຊອກຫາມາດຕະການທີ່ກົມກ່ຽວກ່ວາ ເພື່ອແນໃສ່ຮັບປະກັນການເຕີບໂຕເສດຖະກິດໂລກໃຫ້ໝັ້ນຄົງ.