(vovworld) – ຕອນເຊົ້າວັນທີ 4/9, ທ່ານນາງຮອງປະທານປະເທດ ຫງວຽນທິຢວານ ໄດ້ເຂົ້າຮ່ວມພິທີໄຂສົກຮຽນໃໝ່ 2013 – 2014 ຢູ່ໂຮງຮຽນມັດທະຍົມຕອນປາຍກິນນອນຊົນເຜົ່າ ແຂວງ ຮ່ວາບິ່ນ ແລະ ມອບທຶນສຶກສາ “ພ້ອມກັບພວກນ້ອງໄປໂຮງຮຽນ” ໃຫ້ແກ່ບັນດານັກຮຽນທີ່ປະສົບກັບຄວາມຫຍຸ້ງຍາກເປັນພິເສດໃນແຂວງ.
ທ່ານຮອງນາຍົກລັດຖະມົນຕີ ຫງວຽນທ້ຽນເຍີນ ໄດ້ເຂົ້າຮ່ວມ, ມອບດອກໄມ້ອວຍພອນ ແລະ ຕີກອງໄຂສົກຮຽນໃໝ່ 2013 – 2014 ຢູ່ມະຫາວິທະຍາໄລແພດສາດ ຮ່າໂນ້ຍ.
ແລະກໍ່ໃນວັນດຽວກັນ, ທ່ານຮອງນາຍົກລັດຖະມົນຕີ ຫງວຽນຊວນຟຸກ, ຫົວໜ້າຄະນະຊີ້ນຳເຂດ ໄຕບັກ,ກໍ່ໄດ້ເຂົ້າຮ່ວມພິທີໄຂສົກຮຽນໃໝ່ 2013 – 2014 ຢູ່ໂຮງຮຽນມັດທະຍົມຕອນປາຍກິນນອນຊົນເຜົ່າ ແຂວງ ອຽນບ໋າຍ. ກ່າວຄຳເຫັນທີ່ພິທີ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ເນັ້ນໜັກວ່າ: ການສຶກສາແມ່ນລັດຖະນະໂຍບາຍອັນດັບໜຶ່ງ ແລະ ປະກອບສ່ວນສຳຄັນເຂົ້າໃນການພັດທະນາລວມຂອງ ຫວຽດນາມ. ດັ່ງນັ້ນ, ໃນໄລຍະມໍ່ໆມານີ້, ພັກ ແລະ ລັດໄດ້ປະກາດໃຊ້ຫຼາຍນະໂຍບາຍເພື່ອໃຫ້ຂະແໜງສຶກສາ, ບຳລຸງສ້າງແຫຼ່ງຊັບພະຍາກອນມະນຸດຢູ່ເຂດຫ່າງໄກ່ສອກຫຼີກ, ບຳລຸງສ້າງທັກສະການມະນຸດສຳພັນ, ສຶກສາ ແລະ ຮັກສາມູນເຊື້ອວັດທະນະທຳໃຫ້ແກ່ລູກຫຼານພໍ່ແມ່ປະຊາຊົນບັນດາເຜົ່າສວນໜ້ອຍ. ທ່ານຮອງນາຍົກລັດຖະມົນຕີ ຫງວຽນຊວນຟຸກ ຊີ້ແຈ້ງວ່າ:
“ຂ້າພະເຈົ້າສະເໜີໃຫ້ຂະແໜງສຶກສາແຂວງ ອຽນບ໋າຍ ຄວນມານະພະຍາຍາມສຸ້ຊົນໃນການສຸມໃສ່ຜັນຂະຫຍາຍຢ່າງຄົບຊຸດ ແລະ ມີປະສິດທິຜົນຍຸດທະສາດພັດທະນາການສຶກສາໄລຍະ 2011 – 2020 ແລະ ຈັດຕັ້ງປະຕິບັດໜ້າທີ່ສົກຮຽນ 2013 – 2014 ບົນຈິດໃຈປ່ຽນໃໝ່ຮອບດ້ານຂອງຂະແໜງສຶກສາຢ່າງມີໄຊ. ສຳລັບໂຮງຮຽນແລ້ວ, ຂ້າພະເຈົ້າຫວັງວ່າໂຮງຮຽນມັດທະຍົມຕອນປາຍກິນນອນຊົນເຜົ່າ ແຂວງ ອຽນບ໋າຍ ກໍ່ຄືໂຮງຮຽນແຫ່ງຕ່າງໆໃນບໍລິເວນແຂວງ ອຽນບ໋າຍ, ຄວນເສີມຂະຫຍາຍບັນດາໝາກຜົນທີ່ບັນລຸໄດ້, ບົດຮຽນຂອງຕົນ, ອອກແຮງສູ້ຊົນແກ້ໄຂຄວາມຫຍຸ້ງຍາກຂອງແຂວງເຂດພູດອຍເພື່ອສອນດີຮຽນດີ, ປະຕິບັດໜ້າທີ່ໃນສົກຮຽນໃໝ່ເຊິ່ງກະຊວງສຶກສາ ແລະ ບຳລຸງສ້າງໄດ້ມີແຜນນະໂຍບາຍ”
ໃນຂະນະນັ້ນທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ກໍ່ໄດ້ເຂົ້າຮ່ວມພິທີໄຂສົກຮຽນໃໝ່ 2013 – 2014ຢູ່ໂຮງຮຽນມັດທະຍົມຕອນປາຍລົງເລິກວິຊາ ຮຶງອຽນ, ແຂວງ ຮຶງອຽນ. ສວນຢູ່ນະຄອນ ຍາຈາງ, ແຂວງ ແຄ໋ງຮ່ວາ, ທ່ານຮອງປະທານສະພາແຫ່ງຊາດ ອວງຈູລືວ ກໍ່ໄດ້ເຂົ້າຮ່ວມພິທີໄຂສົກຮຽນໃໝ່ຢູ່ໂຮງຮຽນມັດທະຍົມຕອນປາຍ ຫຼີຕິຈ້ອງ.