ທ່ານ ຫງວຽນດຶກຈູງ ປະທານຄະນະກຳ
ມະການປະຊາຊົນນະຄອນ ຮ່າໂນ້ຍ
(vovworld) - ຕອນບ່າຍວັນທີ 18/08, ຢູ່ຮ່າໂນ້ຍ, ຄະນະກຳມະການປະຊາຊົນນະຄອນ ຮ່າໂນ້ຍ ຈັດຕັ້ງການພົບປະສັງສັນກັບຫົວໜ້າອົງການຕາງໜ້າ ຫວຽດນາມ ປະຈຳຕ່າງປະເທດ 100 ທ່ານ ເນື່ອງໃນໂອກາດບັນດາຜູ້ແທນເຂົ້າຮ່ວມກອງປະຊຸມກ່ຽວກັບວຽກງານພົວພັນຕ່າງປະເທດທົ່ວປະເທດຄັ້ງທີ 18 ແລະ ກອງປະຊຸມການຕ່າງປະເທດຄັ້ງທີ 29. ກ່າວຄຳເຫັນທີ່ການພົບປະ, ທ່ານ ຫງວຽນດຶກຈູງ ປະທານຄະນະກຳມະການປະຊາຊົນນະຄອນ ຮ່າໂນ້ຍ ຢືນຢັນວ່າ: ຮ່າໂນ້ຍ ຍາມໃດກໍ່ຖືເປັນສຳຄັນບົດບາດເປັນຂົວຕໍ່ຂອງບັນດາອົງການຕາງໜ້າ ຫວຽດນາມ ປະຈຳຕ່າງປະເທດ ໃນການເຄື່ອນໄຫວດ້ານການທູດປະຊາຊົນ, ການເຊື່ອມໂຍງເຂົ້າກັບສາກົນຂອງທ້ອງຖິ່ນ. ທ່ານ ຫງວຽນດຶກຈູງ ປາດຖະໜາວ່າ: ບັນດາເອກອັກຄະລັດຖະທູດ, ຫົວໜ້າສະຖານກົງສູນໃຫຍ່, ຫົວໜ້າອົງການຕາງໜ້າ ຫວຽດນາມ ປະຈຳຕ່າງປະເທດຈະເຂົ້າໃຈຕື່ມອີກກ່ຽວກັບບັນດາທິດທາງ, ແຜນນະໂຍບາຍ ແລະ ຕັດສິນສ້າງສາ, ພັດທະນານະຄອນຫລວງ ຮ່າໂນ້ຍ ໃນໄລຍະຈະມາເຖິງ ແລະ ສືບຕໍ່ກາຍເປັນຜູ້ຮ່ວມເດີນທາງ, ນັກການທູດໜູນຊ່ວຍ ຮ່າໂນ້ຍ ໃນວິວັດການໂຄສະນາ, ເຊື່ອມຕໍ່ ແລະ ຊອກຫາຄູ່ຮ່ວມມືພັດທະນາ.
ຕາງໜ້າບັນດາຫົວໜ້າອົງການຕາງໜ້າ ຫວຽດນາມ ປະຈຳຕ່າງປະເທດ, ທ່ານຮອງລັດຖະມົນຕີການຕ່າງປະເທດ ຫວຽດນາມ ບູຍແທງເຊີນ ຢືນຢັນວ່າ: ກະຊວງການຕ່າງປະເທດພ້ອມກັບບັນດາອົງການຕາງໜ້າ ຫວຽດນາມ ປະຈຳຕ່າງປະເທດ ຍາມໃດກໍ່ຖືການໂຄສະນາ, ເຊື່ອມຕໍ່ ແລະ ຊອກຫາຄູ່ຮ່ວມມືໃຫ້ບັນດາທ້ອງຖິ່ນໃນທົ່ວປະເທດ, ພິເສດແມ່ນນະຄອນຫລວງ ຮ່າໂນ້ຍ ກັບບັນດາທ້ອງຖິ່ນ, ຄູ່ຮ່ວມມືຂອງຕ່າງປະເທດ ແມ່ນໜ້າທີ່ຈຸດສຸມ ແລະ ຕະຫລອດ. ໃນໄລຍະຈະມາເຖິງ, ທ່ານ ບູຍແທງເຊີນ ປາດຖະໜາວ່າ ບັນດາຫົວໜ້າອົງການຕາງໜ້າ ຫວຽດນາມ ປະຈຳຕ່າງປະເທດ ສືບຕໍ່ເສີມຂະຫຍາຍ, ມີຫົວຄິດປະດິດສ້າງກ່ວາອີກໃນການໂຄສະນາຮູບພາບຂອງນະຄອນຫລວງ ຮ່າໂນ້ຍ, ນຳຮູບພາບນະຄອນຫລວງ ຮ່າໂນ້ຍ ແຫ່ງອະລິຍະທຳນັບພັນປີ, ເພື່ອສັນຕິພາບ, ເປີດປະຕູ ແລະ ທັນສະໄໝເຖິງເພື່ອນມິດສາກົນ.