ໂດຍຕອບສະໜອງຄຳຮຽກຮ້ອງຂອງທ່ານເລຂາທິການໃຫຍ່ ໂຕເລິມ ທີ່ວ່າ ນຳຊາດ ຫວຽດນາມ ກ້າວເຂົ້າສູ່ “ສັງກາດບຸກບືນ”, ໃນການແລກປ່ຽນກັບນັກຂ່າວສຳນັກຂ່າວສານ ຫວຽດນາມ ປະຈຳ ສະວິດ, ມີຄຳເຫັນຖືວ່າ  ຫວຽດນາມ ຄວນສືບຕໍ່ປະຕິບັດບັນດາບາດກ້າວເດີນໃຫ້ໝັ້ນແກ່ນໃນວິວັດທະນາການເຊື່ອມໂຍງເຂົ້າກັບສາກົນ, ຊຸກຍູ້ຄຳໝັ້ນສັນຍາກັບລັດທິຫຼາຍຝ່າຍຢ່າງແຮງ.

        ທ່ານ Philip Rosler, ກົງສູນກຽດຕິມະສັກ ຫວຽດນາມ ປະຈຳ ສະວິດ, ອະດີດຮອງນາຍົກລັດຖະມົນຕີ ເຢຍລະມັນ, ຖືວ່າ ຫວຽດນາມ ຕ້ອງສຸມໃສ່ຊຸກຍູ້ການພັດທະນາເສດຖະກິດ, ມຸ່ງໄປເຖິງບັນດາເປົ້າໝາຍທີ່ໄດ້ວາງອອກ ກ່ຽວກັບການເຕີບໂຕ GDP. ທ່ານ Rosler ເນັ້ນໜັກວ່າ ການຮ່ວມມືຫຼາຍຝ່າຍແມ່ນແບບວິທີເພື່ອໃຫ້ ຫວຽດນາມ ດຶງດູດຄວາມສົນໃຈຂອງປະຊາຄົມສາກົນ, ຮຽກຮ້ອງບັນດານັກລົງທຶນຕ່າງປະເທດມາ ຫວຽດນາມ, ຖືນີ້ແມ່ນໜຶ່ງໃນບັນດາແບບວິທີທີ່ມີປະສິດທິຜົນເພື່ອໃຫ້ ຫວຽດນາມ ປັບປຸງທີ່ຕັ້ງບົດບາດບົນເວທີສາກົນ.

        ທ່ານ Ivo Sieber ອະດີດເອກອັກຄະລັດຖະທູດ ສະວິດ ປະຈຳ ຫວຽດນາມ ເຊື່ອໝັ້ນວ່າ ການຮ່ວມມືສາກົນ, ການຊຸກຍູ້ລັດທິຫຼາຍຝ່າຍແມ່ນໜຶ່ງໃນບັນດາສິ່ງທີ່ ຫວຽດນາມ ຕ້ອງສຸມໃສ່ໃຫ້ແກ່ “ສັງກາດບຸກບືນ”. ຕາມທ່ານແລ້ວ, ບັນດາຂໍ້ຕົກລົງຮ່ວມມືພັດທະນາເສດຖະກິດການຄ້າ ແມ່ນສິ່ງທີ່ ຫວຽດນາມ ຕ້ອງການໃນໄລຍະຈະມາເຖິງ.