ທະເລຕາເວັນອອກ:ຮ່ວມມືເພື່ອຄວາມໝັ້ນຄົງແລະພັດທະນາຢູ່ພາກພື້ນ
ພາບປະກອບ:internet
|
(vovworld)- ນີ້ແມ່ນຫົວຂໍ້ຂອງກອງປະຊຸມສຳມະນາສາກົນກ່ຽວກັບທະເລຕາເວັນອອກຄັ້ງທີ 5 ຊື່ງຖືກໄຂຂຶ້ນໃນຕອນເຊົ້າວັນທີ 11/11 ຢູ່ ຮ່າໂນ້ຍ ໂດຍມີການເຂົ້າຮ່ວມຂອງຜູ້ແທນກວ່າ 200 ທ່ານ ຊື່ງແມ່ນນັກຮຽນຮູ້, ຜູ້ຊ່ຽວຊານ, ເຈົ້າຫນ້າທີ່ລັດຖະບານພາຍໃນ ແລະ ສາກົນ ພ້ອມດ້ວຍຜູ້ຕາງຫນ້າບັນດາທູຕານຸທູດຢູ່ຫວຽດນາມ. ກອງປະຊຸມສຳມະນາໄດ້ສຸມໃສ່ປຶກສາຫາລືບັນດາຫົວເລື່ອງຕົ້ນຕໍຄື: ບັນດາການຜັນແປມໍ່ໆມານີ້ຢູ່ທະເລຕາເວັນອອກ, ອາຊຽນ ແລະ ທະເລຕາເວັນອອກ; ການພົວພັນລະຫວ່າງບັນດາປະເທດໃຫຍ່ ແລະ ທະເລຕາເວັນອອກ, ກົດໝາຍສາກົນ, ສົນທິສັນຍາກົດໝາຍທະເລປີ 1982 ແລະ ທະເລຕາເວັນອອກ;ບົດຮຽນສາກົນ ແລະ ພາກພື້ນໃນການແກ້ໄຂການພິພາດຢູ່ທະເລຕາເວັນອອກ. ຕີລາຄາຖະແຫລງການປະພຶດຂອງບັນດາຝ່າຍຢູ່ທະເລຕາເວັນອອກ(DOC) ແລະ ການປະຕິບັດ DOC. ກ່າວຄຳເຫັນໄຂກອງປະຊຸມສຳມະນາ, ທ່ານ ດັ້ງດີງກູຍ, ຫົວຫນ້າສະຖາບັນການທູດ ຫວຽດນາມ ຖືວ່າ: ໃນ 5 ປີຜ່ານມາ, ສະພາບການຢູ່ທະເລຕາເວັນອອກ ແລະ ບັນດາບັນຫາກ່ຽວຂ້ອງເຖິງທະເລຕາເວັນອອກໄດ້ມີການປ່ຽນແປງຫລາຍແລ້ວ. ປະຊາຄົມພາກພື້ນ ແລະ ສາກົນ ໄດ້ຮັບຮູ້ຄວາມສຳຄັນຂອງທະເລຕາເວັນອອກ. ເຖິງຢ່າງໃດກໍຕາມ ບັນດາຝ່າຍຍັງສືບຕາມຜົນປະໂຫຍດໃນຕໍ່ຫນ້າ. ສະນັ້ນ ໄລຍະຈະມາເຖິງ ທະເລຕາເວັນອອກຈະສືບຕໍ່ແມ່ນເຂດເກີດການພິພາດຢ່າງສັບສົນກວ່າໝູ່ໃນໂລກ.
ແລະກໍໃນວາລະໄຂກອງປະຊຸມ, ທ່ານ Nyan Lynn, ຮອງເລຂາທິການໃຫຍ່ ອາຊຽນ ໄດ້ມອບສານຂອງເລຂາທິການໃຫຍ່ ອາຊຽນ ເລເລືອງມີງ ສົ່ງເຖິງກອງປະຊຸມສຳມະນາ. ທ່ານເລຂາທິການໃຫຍ່ ເລເລືອງມີງ ຢືນຢັນວ່າ: ໃນໄລຍະຈະມາເຖິງ, ອາຊຽນ ຈະສືບຕໍ່ຊຸກຍູ້ບັນດາຝ່າຍປະຕິບັດຖະແຫລງການປະພຶດຂອງບັນດາຝ່າຍຢູ່ທະເລຕາເວັນອອກ (DOC)ຢ່າງຄົບຖ້ວນ ແລະ ຍູ້ໄວວິວັດການເຈລະຈາປະມວນຂໍ້ ກຳນົດການປະພຶດຢູ່ທະເລຕາເວັນອອກ(COC).
“ພວກຂ້າພະເຈົ້າໝັ້ນໝາຍຮັບປະກັນການປະຕິບັດ ແລະ ສ້າງ DOC ຢ່າງຄົບຖ້ວນ ແລະ ມີປະສິດທິຜົນ ບົນພື້ນຖານເຄົາລົບຢ່າງເຂັ້ມງວດ ແລະ ຊຸກຍູ້ການຮ່ວມມືເຈລະຈາກັບຈີນ ກ່ຽວກັບການສ້າງ COC. ຕາມທັດສະນະຂອງພວກຂ້າພະເຈົ້າ, ເລື່ອງສ້າງປະມວນຂໍ້ກຳນົດການປະພຶດ COC ຄວນໄດ້ຮັບຮູ້ບົນພື້ນຖານກຳລັງແຮງສັງລວມກໍຄືຄວາມສາມັກຄີຂອງບັນດາຝ່າຍເພື່ອໃຫ້ວິວັດການເຈລະຈາໄດ້ຮັບການຍູ້ໄວ ແລະ ມີປະສິດທິຜົນ.”