(vovworld) - ໃນຂອບເຂດການຢ້ຽມຢາມ ແລະ ເຮັດວຽກຢູ່ຫວຽດນາມ, ວັນທີ 15/7, ຢູ່ນະຄອນດ້ຽນບຽນຝູ, ທ່ານນາຍົກລັດຖະມົນຕີ ທອງສິງທຳມະວົງ ພ້ອມກັບຄະນະຜູ້ແທນຂັ້ນສູງລັດຖະບານລາວ ມີການເຮັດວຽກກັບຄະນະຊີ້ນຳເຂດໄຕບັກ (ຕາເວັນຕົກສ່ຽງເໜືອ) ແລະ ການນຳແຂວງດ້ຽນບຽນ. ທ່ານນາຍົກລັດຖະມົນຕີ ທອງສິງທຳມະວົງ ໄດ້ຮັບຟັງຜູ້ຕາງໜ້າການນຳຄະນະຊີ້ນຳເຂດໄຕບັກ ລາຍງານສະພາບການພັດທະນາເສດຖະກິດສັງຄົມ; ວຽກງານລົບລ້າງຄວາມອຶດຫີວຫຼຸດຜ່ອນຄວາມທຸກຍາກ ແລະ ບັນດາມາດຕະການເພື່ອແນໃສ່ຮັບປະກັນຄວາມສະຫງົບປອດໄພ, ຄວາມເປັນລະບຽບຮຽບຮ້ອຍຢູ່ເຂດຊາຍແດນໄຕບັກ. ທ່ານ ນາຍົກລັດຖະມົນຕີ ທອງສິງທຳມະວົງ ຮັບຮູ້ການຮ່ວມມືພັດທະນາລະຫວ່າງແຂວງດ້ຽນບຽນ ກັບບັນດາແຂວງທາງພາກເໜືອຂອງລາວ, ທີ່ໄດ້ປະກອບສ່ວນຊຸກຍູ້ສາຍພົວພັນຮ່ວມມືມິດຕະພາບລະຫວ່າງສອງປະເທດ.
ເນື່ອງໃນໂອກາດນີ້, ທ່ານ ນາຍົກລັດຖະມົນຕີ ທອງສິງທຳມະວົງ ໄດ້ມາວາງພວງມາລາ, ຈູດທູບທຽນອາໄລຫາບັນດາວິລະຊົນ, ນັກຮົບເສຍສະຫຼະຊີວິດຢູ່ເຂດສຸສານ ໂດກເລິບ, ໄປຢ້ຽມຢາມປູຊະນີຍະສະຖານປະຫວັດສາດບາງແຫ່ງຢູ່ນະຄອນ້ຽນບຽນຝູ.