ທ່ານລັດຖະມົນຕີການຕ່າງປະເທດຫວຽດນາມ ບຸ່ຍແທັງເຊີນ (ພາບ: TTXVN)

ວັນທີ 08 ຕຸລາ, ຢູ່ສຳນັກງານກະຊວງການຕ່າງປະເທດຫວຽດນາມ, ທ່ານລັດຖະມົນຕີການຕ່າງປະເທດຫວຽດນາມ ບຸ່ຍແທັງເຊີນ ໄດ້ໂອ້ລົມທາງໂທລະສັບກັບທ່ານລັດຖະມົນຕີການຕ່າງປະເທດ ນິວຊີແລນ Nanaia Mahuta ເພື່ອປຶກສາຫາລືກ່ຽວກັບເລື່ອງຊຸກຍູ້ການຮ່ວມມືໃນເວທີປາໄສຮ່ວມມືເສດຖະກິດອາຊີ-ປາຊີຟິກ (APEC), ສົມທົບກັນ, ກະກຽມໃຫ້ແກ່ສັບປະດາຂັ້ນສູງ APEC 2021 (08 - 12 ພະຈິກ 2021), ກໍຄືຊຸກຍູ້ການພົວພັນ 2 ຝ່າຍລະຫວ່າງ 2 ປະເທດ.

        ທີ່ການໂອ້ລົມ, ລັດຖະມົນຕີ 2 ທ່ານລ້ວນແຕ່ສະແດງຄວາມເພິ່ງພໍໃຈຕໍ່ການພົວພັນຄູ່ຮ່ວມມືຍຸດທະສາດ ເຊິ່ງໄດ້ຮັບການສ້າງຕັ້ງໃນເດືອນ ກໍລະກົດ 2020 ລະຫວ່າງ 2 ປະເທດທີ່ນັບມື້ນັບພັດທະນາຢ່າງມີປະສິດທິຜົນ ແລະ ເລິກເຊິ່ງກວ້າງຂວາງ. ລັດຖະມົນຕີ 2 ທ່ານກໍ່ເຫັນດີນຳກັນວ່າ ໃນໄລຍະຈະມາເຖິງຈະສືບຕໍ່ສົມທົບກັນຢ່າງແໜ້ນແຟ້ນໃນກົນໄກຮ່ວມມືຫຼາຍຝ່າຍ ເຊິ່ງ 2 ປະເທດພ້ອມກັນເປັນສະມາຊິກ, ຊຸກຍູ້ການພົວພັນຮ່ວມມື 2 ຝ່າຍ, ເພີ່ມທະວີການແບ່ງປັນຂໍ້ມູນຂ່າວສານ, ນະໂຍບາຍໃນບັນດາຂົງເຂດເຊິ່ງ 2 ປະເທດມີທ່າແຮງຄື: ການສຶກສາບຳລຸງສ້າງ, ກະສິກຳ, ການຮັບມືກັບການປ່ຽນແປງຂອງດິນຟ້າອາກາດ, ປະກອບສ່ວນປັບປຸງການພົວພັນຄູ່ຮ່ວມມືຍຸດທະສາດລະຫວ່າງຫວຽດນາມ - ນິວຊີແລນ ໃຫ້ຍິ່ງໆຂຶ້ນ.