ນາຍົກລັດຖະມົນຕີຫງວຽນຊວນຟຸກຢ້ຽມຢາມບັນດາຄອບຄົວເປົ້າໝາຍນະໂຍບາຍແຂວງເກີນເທີ
ທ່ານ ຫງວຽນຊວນຟຸກ ຢ້ຽມຢາມບັນດາຄອບຄົວເປົ້າໝາຍນະໂຍບາຍແຂວງ ເກີນເທີ
(ພາບ:VGP/ກວາງຮ໋ຽວ)
(vovworld) – ເນື່ອງໃນໂອກາດສະເຫຼີມສະຫຼອງ 69 ປີແຫ່ງວັນທະຫານເສຍອົງຄະ - ນັກຮົບເສຍສະຫຼະຊີວິດເພື່ອຊາດ, ຕອນບ່າຍວັນທີ 22/7, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ລົງຢ້ຽມຢາມ, ມອບຂອງຂວັນໃຫ້ບັນດາຄອບຄົວເປົ້າໝາຍນະໂຍບາຍຢູ່ນະຄອນ ເກີນເທີ. ຢື້ຢາມຖາມຂ່າວ ແລະ ມອບຂອງຂວັນໃຫ້ບັນດາຄອບຄົວເປົ້າໝາຍນະໂຍບາຍ, ທ່ານນາຍົກລັດຖະມົນຕີ ສະແດງຄວາມປາດຖະໜາຢາກໃຫ້ບັນດາສະມາຊິກໃນຄອບຄົວເປົ້າໝາຍນະໂຍບາຍຍາມໃດກໍ່ຮັກສາ , ເສີມຂະຫຍາຍມູນເຊື້ອປະຕິວັດ, ດຳລົງຊີວິດເປັນແບບຢ່າງ, ສືບຕໍ່ມີບັນດາການປະກອບສ່ວນລະອຽດ, ແທດຈິງພ້ອມກັບຄະນະພັກ, ອຳນາດການປົກຄອງ, ປະຊາຊົນທ້ອງຖິ່ນກໍ່ສ້າງ, ພັດທະນາບ້ານເກີດເມືອງນອນ. ທ່ານນາຍົກລັດຖະມົນຕີສະເໜີໃຫ້ຄະນະພັກແຂວງ, ອຳນາດການປົກຄອງ, ແນວໂຮມປະເທດຊາດ, ບັນດາອົງການຈັດຕັ້ງມະຫາຊົນຢູ່ທ້ອງຖິ່ນເອົາໃຈໃສ່, ລະດົມກຳລັງໃຈ, ເບິ່ງແຍງດູແລຊີວິດທາງດ້ານວັດຖຸ, ຈິດໃຈໃຫ້ບັນດາຄອບຄົວເປົ້າໝາຍນະໂຍບາຍ, ຜູ້ມີຄຸນງາມຄວາມດີຢູ່ທ້ອງຖິ່ນເປັນປະຈຳ.