ວັນທີ 6 ມີນາ, ທ່ານນາງ Michelle Bachelet ຫົວໜ້າອົງການສິດທິມະນຸດສະຫະປະຊາຊາດ ໃຫ້ຮູ້ວ່າ ບັນດາມາດຕະການລົງໂທດ ໄດ້ເຮັດໃຫ້ວິກິດການຢູ່ເວເນຊູເອລາ ຮ້າຍແຮງຂຶ້ນຕື່ມ, ພາຍຫຼັງເມື່ອ ອາເມລິກາ ກ່າວເຕືອນ ອາດຈະເພີ່ມມາດຕະການລົງໂທດ ເພື່ອແນໃສ່່ລັດຖະບານຂອງທ່່ານ Nicoslas Maduro.

ໃນບົດລາຍງານປະຈໍາປີ ທີ່ຍື່ນສະເໜີຕໍ່ສະພາສິດທິມະນຸດ ສະຫະປະຊາຊາດ, ທ່ານນາງ Bachelet ໃຫ້ຮູ້ວ່າ ປະຊາຊົນ ເວເນຊູເອລາ ພວມຕ້ອງປະເຊີນໜ້າກັບການຊຸດໂຊມຂອງເສດຖະກິດ ແລະ ວິກິດການດ້ານການເມືອງ ແລະ ຍາກທີ່ຈະໄດ້ສໍາຜັດກັບສິນຄ້າທົ່ວໄປຄື ຢາ ແລະ ສະບຽບອາຫານ. ທ່ານນາງເນັ້ນໜັກວ່າ: “ສະພາບການດັ່ງກ່າວ ນັບມື້ນັບຮ້າຍແຮງກວ່າເກົ່າ ຍ້ອນບັນດາຄໍາສັ່ງລົງໂທດ”.

        ແລະກໍໃນວັນດຽວກັນ, ທ່ານຫົວໜ້າກົມ ອາເມລິກາ - ລາຕິນ ຂຶ້ນກັບ ກະຊວງການຕ່າງປະເທດ ລັດເຊຍ Alexander Schetinin  ກໍໃຫ້ຂໍ້ສັງເກດວ່າ ເລື່ອງທ່ານປະທານາທິບໍດີ ອາເມລິກາ Donald Trump ຕໍ່ກໍານົດເວລາບັນດາມາດຕະການລົງໂທດ ເລ່ັງໃສ່ Caracas ຈະບໍ່ຊ່ວຍ “ຫຼຸດຜ່ອນສະພາບການອັນຮ້າຍແຮງນີີ້ໃນຂົງເຂດເສດຖະກິດ - ສັງຄົມ ຂອງ ເວເນຊູເອລາ ໄດ້”.