ກອງປະຊຸມຄັ້ງທີ VII ລະຫວ່າງກະຊວງປ້ອງກັນປະເທດ ຫວຽດນາມ ກັບສະພາແນວໂຮມສາມັກຄີພັດທະນາປະເທດຊາດ ກຳປູເຈຍ (ພາບ: VOV)

ບັນດາອະນຸສາວາລີ ມິດຕະພາບ ຫວຽດນາມ ກຳປູເຈຍ ຢູ່ ລາຊະອານາຈັກ ກຳປູເຈຍ ແມ່ນໂຄງການປະຫວັດສາດວັດທະນະທຳດີເດັ່ນໃຫ້ແກ່ການພົວພັນສອງປະເທດ ຕ້ອງໄດ້ຮັບການຄວບຄຸມ, ປົກປັກຮັກສາຢ່າງໝັ້ນແກ່ນ. ນັ້ນແມ່ນການຢັ້ງຢືນຢູ່ກອງປະຊຸມຄັ້ງທີ VII ລະຫວ່າງກະຊວງປ້ອງກັນປະເທດ ຫວຽດນາມ ກັບສະພາແນວໂຮມສາມັກຄີພັດທະນາປະເທດຊາດ ກຳປູເຈຍທີ່ໄດ້ດຳເນີນໃນຕອນເຊົ້າວັນທີ 29 ທັນວາ ຢູ່ນະຄອນໂຮ່ຈີມິນ.  ຢູ່ ກອງປະຊຸມ, ສອງຝ່າຍໄດ້ຕີລາຄາສູງບັນດາໝາກຜົນບັນລຸໄດ້ຕາມເນື້ອໃນບົດບັນທຶກຂອງກອງປະຊຸມຄັ້ງທີ VI ທີ່ໄດ້ລົງນາມໃນວັນທີ 27 ທັນວາ ປີກາຍນີ້ຢູ່ນະຄອນໂຮ່ຈີມິນ. ສອງຝ່າຍໃຫ້ຄຳໝັ້ນສັນຍາສືບຕໍ່ສົມທົບກັນໃນການສຳຫຼວດກວດກາ, ຕີລາຄາສະພາບການປະຕິບັດການຄຸ້ມຄອງ, ປົກປ້ອງບັນດາໂຄງການອະນຸສາວາລີມິດຕະພາບຫວຽດນາມ ກຳປູເຈຍ ຢູ່ລາຊະອານາຈັກ ກຳປູເຈຍ.