ທ່ານ ຫງວຽນທ້ຽນເຍີນ ເຂົ້າຮ່ວມພິທີປຸກລະດົມ
|
(vovworld) – ພິທີປຸກລະດົມບັ້ນຂົນຂວາຍທົ່ວປວງຊົນເຂົ້າຮ່ວມຂະບວນການຕອບບຸນແທນຄຸນໄດ້ຈັດຂຶ້ນໃນຕອນເຊົ້າວັນທີ 27/4, ຢູ່ຮ່າໂນ້ຍ, ໂດຍຄະນະກຳມະການສູນກາງແນວໂຮມປະເທດຊາດ ຫວຽດນາມ ສົມທົບກັບກະຊວງແຮງງານ, ທະຫານເສຍອົງຄະ ແລະ ສັງຄົມ ຈັດຕັ້ງ. ບັ້ນປຸກລະດົມໄດ້ດຳເນີນເປັນເວລາ 3 ເດືອນເຊິ່ງເລີ່ມແຕ່ວັນທີ 27/4 ຫາວັນທີ 27/7, ນີ້ແມ່ນການເຄື່ອນໄຫວທີ່ມີຄວາມໝາຍສຳຄັນໃນບັນດາເຫດການມຸ່ງໄປເຖິງການສະເຫຼີມສະຫຼອງ 70 ປີແຫ່ງວັນທະຫານເສຍອົງຄະ ແລະ ນັກຮົບເສຍສະຫຼະຊີວິດເພື່ອຊາດ. ກ່າວຄຳເຫັນທີ່ທີພິປຸກລະດົມ, ທ່ານປະທານຄະນະກຳມະການສູນກາງແນວໂຮມ ປະເທດຊາດ ຫວຽດນາມ ຫງວຽນທ້ຽນເຍີນ ເນັ້ນໜັກວ່າ: ພ້ອມກັບພັກ, ລັດທີ່ເບິ່ງແຍງດູແລຜູ້ມີຄຸນງາມຄວາມດີໃນປະຈຸບັນ ແມ່ນຄວາມຮັບຜິດຊອບ ແລະ ຄວາມເປັນກຽດຂອງແຕ່ລະຄອບຄົວ ຫວຽດນາມ ທີ່ມີຕໍ່ອະດິດຕະການທີ່ພິລະອາດຫານຂອງຊາດ:
“ແຕ່ລະສຳນັກງານ, ອົງການຈັດຕັ້ງ, ຄອບຄົວບໍ່ນອນໃນບັນດາເປົ້າໝາຍຄອບຄົວທຸກຍາກຈົ່ງມີວຽກງານລະອຽດໃດໜຶ່ງ ເພື່ອປະກອບສ່ວນເບິ່ງແຍງດູແລບັນດາຄອບຄົວນັກຮົບທີ່ເສຍສະຫຼະຊີວິດເພື່ອຊາດ, ທະຫານເສຍອົງຄະ, ຄອບຄົວນະໂຍບາຍ, ພິເສດແມ່ນຕ້ອງຊ່ວຍເຫຼືອສ້າງວຽກເຮັດງານທຳໃຫ້ລູກນັກຮົບເສຍອົງຄະ, ນັກຮົບເສຍສະຫຼະຊີວິດເພື່ອຊາດ, ອະດິດຊາວໜຸ່ມຕະລຸມບອນ, ຜູ້ປະສົບເຄາະຮ້າຍຈາກທາດພິດສີສົ້ມ ແລະ ຄອບຄົວນະໂຍບາຍ, ກໍ່ສ້າງເຮືອນໃໝ່ຫຼື ສ້ອມແປງເຮືອນຫຼາຍຫຼັງໃຫ້ບັນດາຄອບຄົວນັກຮົບທີ່ເສຍສະຫຼະຊີວິດເພື່ອຊາດ, ທະຫານເສຍອົງຄະ”
ທີ່ພິທີປຸກລະດົມ, ກ່ວາ 50 ອົງການ, ສ່ວນບຸກຄົນ, ວິສາຫະກິດໄດ້ປະກອບສ່ວນໃຫ້ກອງທຶນຕອບບຸນແທນຄຸນຈຳນວນເງິນເກືອບ 3,8 ຕື້ດົ່ງ.