ປະຊາຄົມຊາວຫວຽດນາມຢູ່ຕ່າງປະເທດເຊື່ອໝັ້ນບັນດານະໂຍບາຍຖືກຕ້ອງຂອງລັດຖະບານກ່ຽວກັບທະເລຕາເວັນອອກ
(ພາບປະກອບ)
(vovworld) – ວັນທີ 20/05, ປະຊາຄົນຊາວຫວຽດນາມ ຢູ່ບັນດາແຂວງທາງພາກເໜືອຂອງລາວ, ໄດ້ຈັດງານໂຮມຊຸມນູນມິດຕິງຄັດຄ້ານເລື່ອງຈີນ ຕັ້ງຮ້ານເຈາະນ້ຳມັນໄຮຢາງ 981 ໃນເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ ຢູ່ທະເລຕາເວັນອອກ. ທີ່ງານໂຮມຊຸມນູນມິດຕິງ, ຜູ້ຕາງໜ້າປະຊາຄົມຊາວຫວຽດນາມ ທີ່ພວມດຳລົງຊີວິດ ແລະ ເຮັດວຽກຢູ່ບັນດາແຂວງພາກເໜືອຂອງລາວ ໄດ້ເຫັນດີກັບແນວທາງປະພຶດຂອງລັດຖະບານຫວຽດນາມ ກ່ຽວກັບບັນຫາທະເລຕາເວັນອອກ, ສະແດງນ້ຳໃຈສາມັກຄີມຸ່ງໄປສູ່ບ້ານເກີດເມືອງນອນ. ທ່ານ ຈູບ໋າແອງ, ປະທານສະມາຄົມຊາວຫວຽດນາມ ອາໄສຢູ່ແຂວງ ຫຼວງພະບາງ ເນັ້ນໜັກວ່າ.
“ຊາວຫວຽດນາມ ອາໄສຢູ່ແຂວງ ຫຼວງພະບາງ ທຸກຄົນ ຄັດຄ້ານການກະທຳຜິດຂອງຈີນ ຢ່າງແຮງ, ຮຽກຮ້ອງໃຫ້ລັດຖະບານຈີນ ຖອນຮ້ານເຈາະນ້ຳມັນໄຮຢາງ 981, ກຳປັ່ນ, ເຮືອນບິນທັງໝົດອອກຈາກເຂດທະເລ, ເຂດເສດຖະກິດຈຳເພາະຂອງຫວຽດນາມ, ບໍ່ໄດ້ເຮັດໃຫ້ຄວາມເຄັ່ງຕຶງເພີ່ມຂຶ້ນ, ກໍ່ຄວາມຂາດສະຖຽນລະພາບ, ນາບຂູ່ເຖິງສັນຕິພາບ ແລະ ຄວາມສະຫງົບປອດໄພບົນທະເລຕາເວັນອອກອີກ”.
ວັນທີ 19/05, ສະມາຄົມຊາວຫວຽດນາມ ອາໄສຢູ່ ກູຍບາ ໄດ້ສົ່ງຈົດໝາຍເຖິງແນວໂຮມປະເທດຊາດຫວຽດນາມ ທີ່ກ່າວປະນາມເລື່ອງຈີນ ຕັ້ງຮ້ານເຈາະນ້ຳມັນ ໄຮຢາງ 981 ໃນເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ ຢູ່ທະເລຕາເວັນອອກ. ຈົດໝາຍໂດຍທ່ານປະທານສະມາຄົມຊາວຫວຽດນາມ ອາໄສຢູ່ ກູຍບາ ມາຍຖາວເຊັນ ໄດ້ເນັ້ນໜັກເຖິງການກະທຳຂອງຝ່າຍຈີນ ທີ່ລະເມີດອະທິປະໄຕຂອງຫວຽດນາມ, ສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982, ຖະແຫຼງການກ່ຽວກັບການປະພຶດຂອງຝ່າຍຕ່າງໆຢູ່ທະເລຕາເວັນອອກ ປີ 2002, ກໍ່ຄືຄວາມຮັບຮູ້ລວມຂອງການນຳຂັ້ນສູງ 2 ປະເທດກ່ຽວກັບບັນດາຫຼັກການຊີ້ນຳແກ້ໄຂບັນຫາທະເລລະຫວ່າງ 2 ປະເທດຢ່າງຮ້າຍແຮງ. ສະມາຄົມຊາວຫວຽດນາມ ອາໄສຢູກູຍບາ ຮຽກຮ້ອງຈີນ ຖອນຮ້ານເຈາະນ້ຳມັນໄຮຢາງ ອອກຈາກເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ, ພ້ອມທັງເຊື່ອໝັ້ນຕໍ່ບັນດານະໂຍບາຍອັນຖືກຕ້ອງຂອງລັດຖະບານຫວຽດນາມ, ທັງສະແດງໃຫ້ເຫັນນ້ຳໃຈຮັກຫ້ອມສັນຕິພາບ, ທັງຕັດສິນໃຈປົກປັກຮັກສາອະທິປະໄຕເຂດທະເລ, ໝູ່ເກາະດ້ວຍທຸກວິທີ.