ປະທານຄະນະກຳມະການສູນກາງແນວໂຮມປະເທດຊາດຫວຽດນາມເຮັດວຽກຢູ່ແຂວງບິ່ງດິ້ງ
ທ່ານ ຫງວຽນທ້ຽນເຍີນ ຢ້ຽມຢາມ ແລະ ເຮັດວຽກກັບການນຳແຂວງ ບິ່ງດິ້ງ
(ພາບ: VGP/Từ Lương)
(vovworld) – ວັນທີ 3/12, ທ່ານ ຫງວຽນທ້ຽນເຍີນ, ກຳມະການກົມການເມືອງ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຢ້ຽມຢາມ ແລະ ເຮັດວຽກກັບການນຳແຂວງ ບິ່ງດິ້ງ. ທ່ານ ຫງວຽນທ້ຽນເຍີນ ຕີລາຄາສູງຄວາມມານະພະຍາຍາມສູ້ຊົນຢ່າງບໍ່ຢຸດຢັ້ງຂອງແຂວງ ບິ່ງດິ້ງ ໃນພາລະກິດພັດທະນາເສດຖະກິດ - ສັງຄົມຂອງທ້ອງຖີ່ນ ແລະ ສະເໜີການນຳແຂວງເອົາໃຈໃສ່ກ່ວາອີກເຖິງວຽກງານກໍ່ສ້າງສະຫະກອນ. ທ່ານ ຫງວຽນທ້ຽນເຍີນ ເນັ້ນໜັກວ່າ: ແຂວງຄວນກຳນົດມາດຖານຕີລາຄາສະຫະກອນ. ບົດບາດ ແລະ ທີ່ຕັ້ງຂອງສະຫະກອນແມ່ນໃຫຍ່ຫຼວງທີ່ສຸດ, ແມ່ນບ່ອນເຊື່ອມຕໍ່ຕະຫຼາດພາຍໃນທີ່ອຸດົມສົມບູນດ້ວຍບັນດາຄູ່ຮ່ວມມືຜະລິດດຳເນີນທຸລະກິດ. ທ່ານ ຫງວຽນທ້ຽນເຍີນ ກໍ່ຕີລາຄາສູງແຜນນະໂຍບາຍຂອງແຂວງ ກ່ຽວກັບການປະຕິບັດໂຄງການກັ່ນນ້ຳມັນຢູ່ເຂດເສດຖະກິດ ເຍີນໂຮ້ຍ.
ກ່ອນໜ້ານັ້ນ, ທ່ານ ຫງວຽນທ້ຽນເຍີນ ໄດ້ລົງຢ້ຽມຢາມສະຫະກອນກະສິກຳ ເຍີນທໍ້ 2 ແລະ ສະຫະກອນ ເຟືອກໂລກ, ພົບປະກັບຊາວປະມົງ, ນັກຮຽນເກັ່ງ, ຄູສອນ, ທະຫານປ້ອງກັນຊາຍແດນແຂວງ.