(ພາບ:baomoi.com)
(VOV)- ເນື່ອງໃນໂອກາດສະເຫຼີມສະຫຼອງ 82 ປີແຫ່ງວັນສ້າງຕັ້ງແນວໂຮມເອກະພາບແຫ່ງຊາດຫວຽດນາມ ປະຈຸບັນແມ່ນແນວໂຮມປະເທດຊາດຫວຽດນາມ (18/11/1930-18/11/2012), ຕອນຄ່ຳວັນທີ 12/11, ທ່ານປະທານສະພາແຫ່ງຊາດ Nguyen Sinh Hung ໄດ້ເຂົ້າຮ່ວມວັນບຸນສາມັກຄີທົ່ວປວງຊົນທັງຊາດຂອງເຂດຊຸມຊົນຂຶ້ນກັບຕາແສງ Tran Hung Dao ເມືອງ Hoan Kiem ນະຄອນ Ha Noi. ກ່າວຄຳເຫັນນະທີ່ນີ້, ທ່ານປະທານສະພາແຫ່ງຊາດ Nguyen Sinh Hung ໄດ້ຊີ້ແຈງວ່າ: ໂດຍໄດ້ສືບທອດ ແລະ ເສີມຂະຫຍາຍບັ້ນຂົນຂວາຍສ້າງຊີວິດໃໝ່ໂດຍປະທານໂຮ່ຈິມິນ ເປັນຜູ້ລິເລີ່ມນັ້ນ, ຄະນະກຳມະການແນວໂຮມປະເທດຊາດຫວຽດນາມ ໄດ້ປຸກລະດົມຂະບວນການທົ່ວປະເທດປະຕິບັດບັນຂົນຂວາຍທົ່ວປວງຊົນສາມັກຄີກັນສ້າງຊີວິດວັດທະນະທຳຢູ່ເຂດຊຸມຊົນ. ໂດຍຜ່ານການປະຕິບັດເປັນເວລາ 17 ປີ, ບັ້ນຂົນຂວາຍໄດ້ຮັບການຕອບສະໜອງຢ່າງຕັ້ງໜ້າຈາກປະຊາຊົນທຸກຊັ້ນວັນນະຂອງເຂດຊຸມຊົນ 100.000 ແຫ່ງ . ນີ້ແມ່ນເວທີປາໄສປະຊາທິປະໄຕທີ່ເຕົ້າໂຮມກຳລັງແຮງຂອງແຕ່ລະຄົນ, ແຕ່ລະຄອບຄົວເພື່ອແນໃສ່ສາມັກຄີກັນພ້ອມກັນສ້າງເຂດຊຸມຊົນໃຫ້ນັບມື້ນັບອີ່ມໜຳສຳລານ, ມີຄວາມຜາສຸກ. ທ່ານປະທານສະພາແຫ່ງຊາດ Nguyen Sinh Hung ສະເໜີວ່າ:
“ພວກຂ້າພະເຈົ້າຫວັງວ່າ, ປະຊາຊົນໃນເຂດຊຸມຊົນຈະສາມັກຄີກັນ, ຮ່ວມແຮງຮ່ວມໃຈສ້າງຊີວິດວັດທະນະທຳ. ຜ່ານນັ້ນເຮັດໃຫ້ຊີວິດຂອງແຕ່ລະຄອບຄົວ, ແຕ່ລະຄົນນັບມື້ນັບອີ່ມໜຳສຳລານ, ມີຄວາມຜາສຸກຕາມຄຳສັ່ງສອນທີ່ມີຄວາມໝາຍທີ່ສຸດຂອງປະທານໂຮ່ຈິມິນ ທີ່ວ່າ: ສາມັກຄີ, ສາມັກຄີ, ມະຫາສາມັກຄີ, ສຳເລັດຜົນ, ສຳເລັດຜົນ, ມະຫາສຳເລັດຜົນ“.