ກອງປະຊຸມມີສານຢັ້ງຢືນວ່າ ຮ່າໂນ້ຍແມ່ນຈຸດນັດພົບທີ່ມີຄວາມປອດໄພ, ສະຖຽນລະພາບໃຫ້ແກ່ການເລືອກເອົາຂອງບັນດານັກລົງທຶນ. ເພື່ອກະກຽມໃຫ້ແກ່ກອງປະຊຸມນີ້, ທາງນະຄອນຮ່າໂນ້ຍໄດ້ຊີ້ນຳບັນດາອົງການຕ້ອງມີຄວາມເອົາໃຈໃສຸ່ເຖິງການຮັບປະກັນລັກສະນະແທດຈິງ, ມີປະສິດທິຜົນ, ຄວາມປອດໄພ ແລະ ມີບັນດາມາດຕະການໃນການປ້ອງກັນສະກັດກັ້ນໂລກລະບາດ Covid – 19, ສ້າງລາຍການ, ແຜນການ ແລະ ຈັດຕັ້ງການຜັນຂະຫຍາຍປະຕິບັດການມອບຂໍ້ຕົກລົງແຜນນະໂຍບາຍກ່ຽວກັບລົງທຶນ, ຂໍ້ຕົກລົງດັດປັບແຜນນະໂຍບາຍລົງທຶນຂອງບັນດາໂຄງການລົງທຶນຢູ່ກອງປະຊຸມດັ່ງກ່າວ. ບັນດາຂັ້ນຕອນໃນການການກວດກາຢັ້ງຢືນ, ໃຫ້ສັດຕະຍາບັນແຜນນະໂຍບາຍການລົງທຶນຂອງບັນດາໂຄງການຕ້ອງຕິດພັນ ແລະ ປະຕິບັດຕາມກຳນົດທິດຂອງການສ້າງລະບອບລະບຽບການ, ນະໂຍບາຍໃຫ້ສົມບູນແບບ, ຍົກສູງຄູນນະພາບ, ປະສິດທິຜົນໃນການຮ່ວມມືລົງທຶນຕ່າງປະເທດ, ຮັບປະກັນການດຶງດູດທີ່ມີການຄັດເລືອກບັນດາໂຄງການເໝາະສົມກັບກຳນິດທິດສ້າງໂຄງປະກອບພື້ນຖານເສດຖະກິດຄືນໃໝ່ ແລະ ເປົ້າໝາຍພັດທະນາແບບຍືນຍົງ, ຮັກສາສິ່ງແວດລ້ອມ, ຮັບປະກັນການປ້ອງກັນຊາດ - ປ້ອງກັນຄວາມສະຫງົບ, ຄວາມເປັນລະບຽບຮຽບຮ້ອນ ແລະ ຄວາມປອດໄພທາງສັງຄົມ.