(VOVWORLD) - ທ່ານເລຂາທິການໃຫຍ່ ຊີ້ແຈ້ງວ່າ ກອງປະຊຸມປຶກສາຫາລື ປະກອບໃສ່ 5 ເນື້ອໃນ, ໃນນັ້ນມີ 3 ໝວດບັນຫາສຳຄັນ. ທີໜຶ່ງແມ່ນສະຫຼຸບມະຕິເລກທີ 18 ຂອງສູນກາງພັກ ກ່ຽວກັບການປ່ຽນແປງໃໝ່, ສັບຊ້ອນກົງຈັກການຈັດຕັ້ງຂອງລະບົບການເມືອງໃຫ້ກະທັດລັດລົງ, ມີປະສິດທິຜົນ.
 ທ່ານເລຂາທິການໃຫຍ່ ໂຕເລິມ ກ່າວຄຳເຫັນທີ່ກອງປະຊຸມ |
ຕອນບ່າຍວັນທີ 23 ມັງກອນ, ຢູ່ຮ່າໂນ້ຍ, ກອງປະຊຸມຄະນະບໍລິຫານງານສູນກາງພັກກອມມູນິດ ຫວຽດນາມ ຊຸດທີ XIII ໄດ້ໄຂຂຶ້ນຢ່າງສົມກຽດ. ທ່ານເລຂາທິການໃຫຍ່ ໂຕເລິມເປັນປະທານ ແລະ ມີບົດກ່າວປາໄສສຳຄັນໄຂກອງປະຊຸມ.
ທ່ານເລຂາທິການໃຫຍ່ ຊີ້ແຈ້ງວ່າ ກອງປະຊຸມປຶກສາຫາລື ປະກອບໃສ່ 5 ເນື້ອໃນ, ໃນນັ້ນມີ 3 ໝວດບັນຫາສຳຄັນ. ທີໜຶ່ງແມ່ນສະຫຼຸບມະຕິເລກທີ 18 ຂອງສູນກາງພັກ ກ່ຽວກັບການປ່ຽນແປງໃໝ່, ສັບຊ້ອນກົງຈັກການຈັດຕັ້ງຂອງລະບົບການເມືອງໃຫ້ກະທັດລັດລົງ, ມີປະສິດທິຜົນ. ທີສອງແມ່ນແຜນຮ່າງເພີ່ມເຕີມເປົ້າໝາຍການເຕີບໂຕ GDP ປີ 2025 ຈາກ 8%ຂຶ້ນໄປ ແລະ ມີການເຕີບໂຕຢູ່ລະດັບ 2 ຕົວເລກໃນໄລຍະ 2026 – 2030. ທີສາມແມ່ນວຽກງານຈັດຕັ້ງພະນັກງານຕາມສິດອຳນາດຂອງສູນກາງພັກ. ທ່ານເລຂາທິການໃຫຍ່ ໂຕເລິມໄດ້ເນັ້ນໜັກເຖິງໝວດບັນຫາສະຫຼຸບມະຕິເລກທີ 18 ຂອງສູນກາງພັກ ແມ່ນເນື້ອໃນຈຸດສຸມທີ່ສຸດຂອງກອງປະຊຸມສູນກາງພັກຄັ້ງນີ້. ທ່ານໃຫ້ຮູ້ວ່າ:
ການສະຫຼຸບມະຕິເລກທີ 18 ແລະ ຈັດຕັ້ງການສັບຊ້ອນກົງຈັກຂອງລະບົບການເມືອງໄດ້ຮັບຄວາມເຫັນດີເຫັນພ້ອມ, ສະໜັບສະໜູນຕີລາຄາສູງທີ່ສຸດຂອງພະນັກງານ, ສະມາຊິກພັກ ແລະ ປະຊາຊົນ, ໃນວິວັດການປະຕິບັດບັນດາເນື້ອໃນຂຶ້ນກັບສິດອຳນາດຂອງກົມການເມືອງ, ຄະນະເລຂາທິການໄດ້ປະຕິບັດຖືກຕ້ອງຕາມຈິດໃຈສູນກາງ ບໍ່ລໍຖ້າຂັ້ນແຂວງ, ຂັ້ນແຂວງບໍ່ລໍຖ້າຂັ້ນເມືອງ ແລະ ຂັ້ນເມືອງບໍ່ລໍຖ້າຂັ້ນຮາກຖານ.