ສະເຫຼີມ ສະຫຼອງ 62 ປີ ແຫ່ງວັນມູນເຊື້ອນັກຮຽນ, ນັກສຶກສາ
ຕອນຄໍ່າວັນທີ 8 ມັງກອນ, ໃນຂອບເຂດລາຍການ Festival ນະຄອນຫຼວງຮ່າໂນ້ຍ ຄັ້ງທີ 2, ຄະນະຊາວໜຸ່ມກອມມູນິດໂຮ່ຈິມິນນະຄອນຮ່າໂນ້ຍ ໄດ້ຈັດງານໂຮມຊຸມນຸມມິດຕິງສະເຫຼີມ ສະຫຼອງ 62 ປີ ແຫ່ງວັນມູນເຊື້ອນັກຮຽນ, ນັກສຶກສາ ( ຄືວັນທີ 9 ມັງກອນ ). ໃນພິທີມິດຕິງ, ທ່ານເລຂາຄະນະຊາວໜຸ່ມນະຄອນຮ່າໂນ້ຍ ງໍ້ຢູຍຫຽວໄດ້ຢືນຢັນວ່າ, ຜ່ານ 62 ປີແຫ່ງການກໍ່ສ້າງ ແລະ ເຕີບໃຫຍ່, ຂະບວນການຂອງນັກຮຽນ, ນັກສຶກສາຫວຽດນາມເວົ້າລວມ ແລະ ນັກຮຽນ, ນັກສຶກສານະຄອນຫຼວງເວົ້າສະເພາະ ນັບມື້ນັບເຕີບໃຫຍ່ເຂັ້ມແຂງ, ສືບທອດມູນເຊື້ອອັນສະຫງ່າລາສີຂອງລຸ້ນພໍ່ລຸ້ນອ້າຍ. ທ່ານງໍ້ຢູຍຫຽວ ໃຫ້ຮູ້ວ່າ, ໃນໂອກາດນີ້ຄະນະຊາວໜຸ່ມຮ່າໂນ້ຍໄດ້ປຸກລະດົມຂະບວນການແຂ່ງຂັນມຸ່ງໄປສູ່ກອງປະຊຸມໃຫຍ່ຄະນະຊາວໜຸ່ມກອມມູນິດໂຮ່ຈິມິນຂັ້ນຕ່າງໆ ແລະ ປີແຫ່ງຄວາມປອດໄພທາງຄົມມະນາຄົມ 2012. ທ່ານງໍ້ຢູຍຫຽວເວົ້າວ່າ:“ ໃນບັ້ນແຂ່ງຂັນຄັ້ງນີ້, ຊາວໜຸ່ມນະຄອນຫຼວງໄດ້ເຂົ້າຮ່ວມການຮັກສາຄວາມເປັນລະບຽບຮຽບຮ້ອຍທາງຄົມມະຄົມ. ທີ 2 ແມ່ນ, ຄະນະຊາວໜຸ່ມຈະເຂົ້າຮ່ວມບັນດາການເຄື່ອນໄຫວເພື່ອປົກປັກຮັກສາສິ່ງແວດລ້ອມ, ພ້ອມກັນນັ້ນກໍ່ເຂົ້າຮ່ວມການຊ່ວຍເຫຼືອບັນດາຄອບຄົວທຸກຍາກ. ພວກຂ້າພະເຈົ້າກໍ່ສຸມໃສ່ຍົກສູງຄຸນນະພາບຂອງອົງການຈັດຕັ້ງຄະນະຊາວໜຸ່ມພື້ນຖານ, ປ່ຽນໃໝ່ວຽກງານການສຶກສາກ່ຽວກັບວັດທະນະທຳ, ຄຸນສົມບັດ, ປະຫວັດສາດທີ່ເປັນມູນເຊື້ອ ແລະ ພິເສດແມ່ນແນວຄິດດ້ານການເມືອງໃຫ້ແກ່ສະມາຊິກຊາວໜຸ່ມເຍົາວະຊົນ ”.
ຢູ່ທີ່ພິທີ່, ຄະນະຊາວໜຸ່ມຮ່າໂນ້ຍ ໄດ້ຍ້ອງຍໍສັນລະເສີນພະນັກງານສະມາຄົມນັກສຶກສາເກັ່ງສົກຮຽນ 2010 - 2011 ໃຫ້ແກ່ 35 ຄົນ ແລະ ມອບນາມມະຍົດນັກສຶກສານະຄອນຫຼວງຊຸດສະໄໝໃໝ່ໃຫ້ແກ່ 105 ບຸກຄົນທີ່ດີເດັ່ນ .