ຫັນໄປສູ່ດີຈີຕອນໃນສະພາບການບໍ່ຄົງທີ່: ຍາດແຍ່ງກາລະໂອກາດ - ຜ່ານຜ່າສິ່ງທ້າທາຍ
(VOVWORLD) - “ຫັນໄປສູ່ດີຈີຕອນໃນສະພາບການບໍ່ຄົງທີ່: ຍາດແຍ່ງກາລະໂອກາດ - ຜ່ານຜ່າສິ່ງທ້າທາຍ”. ນັ້ນແມ່ນຫົວຂໍ້ຂອງກອງປະຊຸມສຳມະນາວິທະຍາສາດ ໂດຍມະຫາວິທະຍາໄລເສດຖະກິດແຫ່ງຊາດ, ກຸ່ມບໍລິສັດຫຸ້ນສ່ວນ ລົງທຶນ ແລະ ຄຸ້ມຄອງ V-Startup ໄດ້ສົມທົບກັນຈັດຂຶ້ນໃນຕອນເຊົ້າວັນທີ 12 ກັນຍາ ຢູ່ຮ່າໂນ້ຍ.
 ກອງປະຊຸມສຳມະນາວິທະຍາສາດ “ຫັນໄປສູ່ດີຈີຕອນໃນສະພາບການບໍ່ຄົງທີ່: ຍາດແຍ່ງກາລະໂອກາດ - ຜ່ານຜ່າສິ່ງທ້າທາຍ” (ພາບ: Ngoc Anh) |
ບັນດາບົດປະກອບຄຳເຫັນທີ່ກອງປະຊຸມສຳມະນາ ໄດ້ເຕື້ອງເຖິງບັນດາຫົວຂໍ້ຄື: ທ່າອ່ຽງຫັນໄປສູ່ດີຈີຕອນແຫ່ງຊາດ - ວິໄສທັດຮອດປີ 2030; ຫັນໄປສູ່ດີຈີຕອນ - ມູມມອງບໍລິຫານວິສາຫະກິດ....
ລັດຖະບານ ຫວຽດນາມ ໄດ້ອະນຸມັດຜ່ານ “ໂຄງການຫັນເປັນດີຈີຕອນແຫ່ງຊາດຮອດປີ 2025, ກຳນົດທິດຮອດປີ 2030”. ມຸ່ງໄປເຖິງລັດຖະບານດີຈີຕອນ, ຮອດປີ 2025, ຫວຽດນາມ ຈະສ້າງຖານຂໍ້ມູນແຫ່ງຊາດໃຫ້ສຳເລັດ ແລະ ມີການເຊື່ອມຕໍ່ 100%, ແບ່ງປັນຂໍ້ມູນໃນທົ່ວປະເທດ; ຫວຽດນາມ ຈະຖືກຈັດໃນກຸ່ມ 70 ປະເທດນຳໜ້າກ່ຽວກັບລັດຖະບານເອເລັກໂຕນິກ.