ຫົວໜ້າກຳມະການເສດຖະກິດສູນກາງ ທ່ານ ຫງວຽນວັນບິ່ງ ຢັ້ງຢືນວ່າ: ໃນຂະບວນການປ່ຽນແປງໃໝ່ ແລະ ພັດທະນາເສດຖະກິດ, ຫວຽດນາມ ຖືເປັນສຳຄັນທີ່ສຸດການປະຕິບັດນະໂຍບາຍສັງຄົມຢ່າງຄົບຊຸດ ແລະ ກົມກຽວ, ເອົາໃຈໃສ່ເປັນພິເສດເຖິງການສ້າງເງື່ອນໄຂສະດວກເພື່ອໃຫ້ປະຊາຊົນສາມາດສຳພັດກັບບັນດາການບໍລິການການແພດ ແລະ ຢາປົວພະຍາດ ຢ່າງສະດວກດ້ວຍຄ່າໃຊ້ຈ່າຍທີ່ເໝາະສົມ. ທ່ານ ຫງວຽນວັນບິ່ງ ຢັ້ງຢືນເຖິງແຜນນະໂຍບາຍສົ່ງເສີມ ແລະ ສ້າງເງື່ອນໄຂສະດວກໃຫ້ບັນດາວິສາຫະກິດການຢາສາກົນ, ໃນນັ້ນມີບັນດາວິສາຫະກິດທີ່ຂຶ້ນກັບ Eurocham, ເປີດກວ້າງການເຄື່ອນໄຫວ, ເພີ່ມທະວິການລົງທຶນ, ການຜະລິດ, ການດຳເນີນທຸລະກິດ… ເພື່ອເຮັດໃຫ້ຄາດໝາຍນຳ ຫວຽດນາມ ກາຍເປັນສູນຜະລິດຢາໃນພາກພື້ນ ASEAN ປະກົດຜົນເປັນຈິງ.

        ທ່ານ Nicholas Jones, ຮອງປະທານອານຸກຳມະການການຢາ, ປະທານຜູ້ຮັບຜິດຊອບຕະຫຼາດ ຫວຽດນາມ, ເຊື່ອໝັ້ນກ່ຽວກັບແງ່ຫວັງການພັດທະນາເສດຖະກິດ-ສັງຄົມຂອງ ຫວຽດນາມ, ກໍ່ຄືບັນດາແຜນນະໂຍບາຍ ແລະ ມາດຕະການເພື່ອແນໃສ່ປັບປຸງສະພາບແວດລ້ອມແຫ່ງການດຳເນີນທຸລະກິດ, ຫັນບັນດາລະບຽບການການບໍລິຫານເປັນງ່າຍດາຍ ແລະ ສ້າງເງື່ອນໄຂນັບມື້ນັບສະດວກໃຫ້ບັນດາວິສາຫະກິດການຢາ ໄດ້ດຳເນີນທຸລະກິດຢູ່ຫວຽດນາມ.