ຫວຽດນາມ ແລະ ກູບາ ເພີ່ມທະວີການຮ່ວມມືໃນການຜະລິດເຂົ້າສານ
(VOVWORLD) - ຫວຽດນາມ ແລະ ກູບາເພີ່ມທະວີການຮ່ວມມືໃນການຜະລິດເຂົ້າສານ ແມ່ນເນື້ອໃນຫຼັກຂອງການເຮັດວຽກລະຫວ່າງທ່ານລັດຖະມົນຕີກະຊວງກໍ່ສ້າງ ຫວຽດນາມ ຫງວຽນແທັງງິ ແລະ ທ່ານລັດຖະມົນຕີກະຊວງກະສິກຳ ກູບາ, Ydael Jesus Pezez Brito, ວັນທີ 9 ທັນວາ, ຢູ່ຮ່າໂນ້ຍ.
 ການເຮັດວຽກລະຫວ່າງສອງຝ່າຍ (ພາບ: TTXVN) |
ທ່ານລັດຖະມົນຕີ ຫງວຽນແທັງງິ ໃຫ້ຮູ້ວ່າ ທາງກະຊວງຈະສ້າງທຸກເງື່ອນໄຂສະດວກເພື່ອຊຸກຍູ້ການຮ່ວມມືເສດຖະກິດ, ການຄ້າ ແລະ ການລົງທຶນລະຫວ່າງສອງປະເທດ; ໃນນັ້ນ ຂົງເຂດກະສິກຳ ຍາມໃດກໍໄດ້ຮັບຄວາມເອົາໃຈໃສ່ຢ່າງໃຫຍ່ຫຼວງ. ທາງກະຊວງກໍມີຄວາມເອົາໃຈໃສ່ຕໍ່ການຊຸກຍູ້ບັນດາວິສາຫະກິດ ຫວຽດນາມ ເຂົ້າຮ່ວມການລົງທຶນຜະລິດ, ດຳເນີນທຸລະກິດຢູ່ ກູບາ, ພິເສດ ແມ່ນບັນດາວິສາຫະກິດເຄື່ອນໄຫວໃນຂົງເຂດກະສິກຳ. ທ່ານລັດຖະມົນຕີ ຫງວຽນແທັງງິ ກໍສະເໜີໃຫ້ກະຊວງກະສິກຳ ກູບາ ໜູນຊ່ວຍວິສາຫະກິດ ຫວຽດນາມ ລົງທຶນເຂົ້າຂົງເຂດກະສິກຳຢູ່ ກູບາ ໃນໄລຍະ 2025 – 2027, ຜ່ານນັ້ນ ກໍ່ປະກອບສ່ວນຮັບປະກັນຄວາມໝັ້ນຄົງດ້ານສະບຽງອາຫານໃຫ້ແກ່ ກູບາ.
ສ່ວນທ່ານລັດຖະມົນຕີກະຊວງກະສິກຳ ກູບາ ສະເໜີໃຫ້ວິສາຫະກິດ ຫວຽດນາມ ເພີ່ມເນື້ອທີ່ປູກກ້າ ແຕ່ 20.000 ເຮັກຕາ ຂຶ້ນເປັນ 100.000 ເຮັກຕາ ເພື່ອແນໃສ່ຕອບສະໜອງເປົ້າໝາຍ ແຕ່ລະປີປະຊາຊົນ ກູບາ ບໍລິໂພກເຂົ້າສານປະມານ 600.000 ໂຕນ.