ອາເມລິກາເພີ່ມທະວີໜູນຊ່ວຍຫວຽດນາມແກ້ໄຂຜົນຮ້າຍຢ້ອນຫຼັງພາຍຫຼັງສົງຄາມ
ທ່ານເອກອັກຄະລັດຖະທູດ Ted Osius ແລະ ພົນໂທ ຫງວຽນຈີ໋ວີ້ງ
|
(vovworld) – ທີ່ການຕ້ອນຮັບທ່ານເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ອາເມລິກາ ປະຈຳ ຫວຽດນາມ Ted Osius, ວັນທີ 8/5, ທ່ານລັດຖະມົນຕີຊ່ວຍວ່າການກະຊວງປ້ອງກັນປະເທດ ຫວຽດນາມ, ພົນໂທ ຫງວຽນຈີ໋ວີ້ງ ສະເໜີໃຫ້ ອາເມລິກາ ມານະພະຍາຍາມກ່ວາອີກໃນການຊ່ວຍເຫຼືອ ຫວຽດນາມ ແກ້ໄຂຜົນຮ້າຍຢ້ອນຫຼັງພາຍຫຼັງສົງຄາມ, ສ້າງຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ, ເປັນປະຖົມປັດໄຈພັດທະນາບັນດາການພົວພັນຮ່ວມມືລະຫວ່າງ 2 ປະເທດ. ໂດຍເຫັນດີເຫັນພ້ອມກັບຂໍ້ສະເໜີຂອງພົນໂທ ຫງວຽນຈີ໋ວີ້ງ, ທ່ານເອກອັກຄະລັດຖະທູດ Ted Osius ຢັ້ງຢືນວ່າ: ອາເມລິກາ ຍາມໃດກໍ່ຖືເປັນສຳຄັນການຊຸກຍູ້ບັນດາການພົວພັນຮ່ວມມືກັບ ຫວຽດນາມ, ໃນນັ້ນມີການພົວພັນຮ່ວມມືດ້ານປ້ອງກັນຊາດ, ອາເມລິກາ ພວມມີບັນດາແຜນການກ່ຽວກັບການເພີ່ມທະວີງົບປະມານ, ນຳໃຊ້ວິທະຍາສາດເຕັກໂນໂລຢີທັນສະໄໝເພື່ອພ້ອມກັບ ຫວຽດນາມ ກຳຈັດທາດພິດ ດີໂອຊີນ ແລະ ແກ້ໄຂຜົນຮ້າຍຢ້ອນຫຼັງຈາກລູກລະເບີດ, ວັດຖຸລະເບີດບໍ່ທັນແຕກທີ່ຍັງຕົກຄ້າງພາຍຫຼັງສົງຄາມ.